Новости за 03.09.2020

Кыргызстандагы Мусулмандар дин башкармалыгы атайын токтом менен дин ишмерлеринин, имамдардын шайлоо иштерине аралашуусуна тыюу салды. Муфтияттын басма сөз катчысы Максатбек Атабаевдин «Азаттыкка» 3-сентябрда билдиргени боюнча, мындай талап жалпы өлкөдөгү дин ишмерлерине берилди.  «Токтомго ылайык мечиттерде, медреселерде шайлоого үгүт иштерин жүргүзүүгө тыюу салынат. Ошондой эле дин ишмерлери, имамдар да саясий абалга кийлигишип, кайсы бир партиянын жана талапкерлердин пайдасына иштөөсүнө уруксат жок», - деди ал. Читать дальше...

Орусияда адам өлүмү менен аяктаган жол кырсыгы үчүн айыпталган белгилүү актёр Михаил Ефремов күнөөсүн мойнуна алды. Соңку сот жараянында прокурор анын күнөөсү далилденгенин билдирип, 11 жылга эркинен ажыратып, үч жыл бою автоунаа айдоого тыюу салуу тууралуу өтүнүч келтирди. Буга чейин Ефрмемов окуя тууралуу эч нерсе эстей албай жатканын айтып, күнөөсүн моюнга албай келген. Прокурорлор кырсык учурунда актёр мас абалында, баңгизат чегип алганын, уруксат берилген ылдамдыктан ашырып айдаганын... Читать дальше...

4-сентябрда түнкүсүн Ысык-Көл, Жалал-Абад, Нарын облустарынын көпчүлүк аймактарында, Чүй, Талас, Ош, Баткен облустарынын кээ бир райондорунда жаан жаап, күн күркүрөйт, бийик тоолуу райондордо карга айланат. Күндүз Ысык-Көл, Нарын облустарынын кээ бир райондорунда, Чүй, Жалал-Абад облустарынын тоолуу райондорунда өткүн өтүп, күн күркүрөйт, бийик тоолуу аймактарда карга айланат. Чүй, Жалал-Абад, Талас, Ош, Баткен облустарында жаан-чачын жаабайт. Батыштан соккон шамалдын ылдамдыгы секундасына 4-9 метрге жетет. Читать дальше...

Берлин округдук соту киши колдуу болгон чечен улутундагы грузин жараны Зелимхан Хангошвилинин өлүмү үчүн шектүү катары кармалган орусиялык жарандын ишин 7-октябрдан тартып карай баштайт. Кезинде чечен жикчилдеринин командири болгон, кийин Грузиянын коопсуздук органдары менен кызматташкан 40 жаштагы Зелимхан Хангошвилини былтыр 23-августта Берлинде өлтүрүп кетишкен. Кылмыш боюнча шектүү катары Вадим Соколов аттуу адамдын паспортун алып жүргөн орус жараны кармалган. Кийинчерээк ал кишинин чыныгы аты-жөнү Вадим Красиков экени маалым болгон. Читать дальше...

Тегеранда Ислам революциялык соту журналист Мухаммед Мосаедди 4,9 жылга эркинен ажыратты. Журналисттерди коргоо комитети бул чечимди кескин айыптап, муну бийликтин "чындыкты жашыруу боюнча кезектеги аракети" катары сыпаттады. Журналист "Твиттердеги" баракчасына сот ага ошондой эле журналисттик ишмердик менен алектенүүгө, байланыш каражаттарын колдонууга эки жылга тыюу салганын жазды. Ал адвокаты менен бул чечимге байланыштуу соттун жогорку инстанциясына арызданганы жатат. Мосаед буга чейин Журналисттерди... Читать дальше...

Премьер-министр Кубатбек Боронов 3-сентябрда Коронавируска каршы күрөш боюнча республикалык ыкчам штабдын жыйынында кафе-ресторандарда куран окутуп, мааракелерди өткөргөндөргө жазаны күчөтүүнү тиешелүү органдарга тапшырды. Боронов коронавирус инфекциясынын экинчи толкуну 2020-жылдын ноябрь айында болушу мүмкүн деп божомолдонуп жатканын, эгер эл ден соолугуна көңүл кош караса, сентябрь айынын аягында жапырт оору катталышы ыктымал экенин эскертти:  «Бул коомдук транспортто санитардык-эпидемиологиялык талаптардын сакталбашы... Читать дальше...

Кыргызстанда коронавирус эпидемиясы учурунда жакындарын жоготкондор эмне үчүн массалык түрдө адам өмүрү кыйылганынын себебин териштирүүнү бийликтен талап кылышууда. Саламаттык сактоо министрлиги кайрылууга чейин эле иликтөө башталганын билдирди. Расмий маалыматка ылайык сентябрга чейин 1060 киши коронавирустан көз жумду.

Беларустун президенти Александр Лукашенко Коопсуздук кеңешинин катчысы кылып буга чейин Улуттук коопсуздук боюнча комитетти жетектеген Валерий Вакульчикти дайындады. Ушул кезге чейин Мамлекеттик көзөмөл комитетин (Эсептөө палатасын) башкарган Иван Тертел атайын кызматтын башчысы болду.  Бул тууралуу мамлекеттик БелТА агенттиги жазды. Коопсуздук кеңешинин иштен алынган катчысы Андрей Равков дагы башка кызматка бара-барбасы азырынча белгисиз. Ал бул кызматка ушул жылдын январь айында дайындалган, ага чейин алты жыл коргоо министри болгон. Читать дальше...

Тажикстанда бийликтеги Элдик-демократиялык партия азыркы президент Эмомали Рахмондун талапкерлигин президенттикке көрсөттү. Мындай чечим партиянын 3-сентябрдагы отурумунда кабыл алынды. Партиянын аткаруу комитетинин аппарат башчысы Абдурахмон Хонов «Азаттыктын» тажик кызматына жыйынга миңден ашык делегат катышып, күн тартибиндеги башкы маселе талапкер көрсөтүү, анын программасын бекитүү болгонун айтты. Иш-чарага эркин журналисттер киргизилген жок жана ушундан улам Рахмон президенттикке дагы бир... Читать дальше...

Өзбекстан Кыргызстанда эки жума жүргөн жана коронавирус жукпаганын тастыктаган кагазы бар жарандарды карантинге албайт. Саламаттык сактоо министрлиги мындай талап 1-сентябрдан тартып күчүнө киргени билдирди. Ошондой эле бул күндөн баштап эки өлкөнүн ортосундагы машине каттамдарына салынган чектөө да алынганын, бирок санитардык-гигиеналык талап күчөтүлгөнүн айтты. Буга чейин Кыргызстандын Мамлекеттик чек ара кызматы Өзбекстандан келген жарандар үчүн мындай талап жок экенин маалымдаган. Ушул айдан тартып эки өлкөнүн ортосундагы «Достук»... Читать дальше...

Кыргыз өкмөтү Мамлекеттик каттоо кызматына жапырт каттоо учурлары жөнүндө тиешелүү органдарга ыкчам түрдө кабарлооону тапшырды. Бул тууралуу вице-премьер-министр Акрам Мадумаров 3-сентябрдагы брифингде билдирди.  Анын айтымында, учурда каттоосу бөлөк жерде болуп, бирок өздөрү башка жерден шайлайбыз деген жарандар «Форма-2» документин толтуруп жатышат. Жапырт каттоого тургузууга жана бир үйгө ондон ашык адамды каттоого жол бербөө максатында өкмөттүн атайын буйругу чыкты. «Эгерде мындай учур катталса... Читать дальше...

Бириккен Улуттар Уюмунун (БУУ) Ливия боюнча чабарманы Стефани Уильямс эл аралык эмбаргого карабай бул өлкөдө чырдашкан тараптарга аларды колдогон чет мамлеттерден курал-жарак барып жатканын айтты. Ал 2-сентябрда уюмдун Коопсуздук кеңешинин жыйынында мындай жагдай өлкөдөгү тирешүүнү ого бетер курчутарын, анын эгемендигине шек келтирип, БУУнун талаптарын бузарын билдирди. Анын сөзүнө караганда, БУУнун баш катчысы Антонио Гуттериш соңку ирет 8-июлда Коопсуздук кеңешине Ливиядагы жагдай тууралуу айткандан бери... Читать дальше...

Журналист Ербол Мандибек элдин анык көйгөйүн чагылдырбайт, бийликтин айтканынан чыкпайт деп "Казакстан" телеканалынан кетип калды. Ушундай эле маселелерден улам акыркы айда Беларуста да жоон топ журналист ыктыярдуу кызматтан кетишти.

Кыргызстанда 3-сентябрга карата шайлоочулардын саны үч миллион 451 миң 486 жаранды түздү. Бул тууралуу вице-премьер-министр Акрам Мадумаров 3-сентябрдагы брифингде билдирди. Анын айтымында, шайлоочулардын тизмеси tizme.gov.kg мамлекеттик порталына жайгаштырылды. Жарандар бул порталдан өздөрүнүн тизмесин тактап алса болот. Шайлоочулар 2015-жылы алтынчы чакырылыштагы парламентти шайлоого караганда быйыл 667 746 кишиге көбөйдү. Кыргызстанда жетинчи чакырылыштагы Жогорку Кеңешке депутаттарды шайлоо 4-октябрда өтөт. Читать дальше...

Түркиянын саламаттык сактоо министри Фахреттин Кожа 2-сентябрда өткөргөн басма сөз жыйынында өлкөдө коронавирус эпидемиясынын биринчи толкунунун экинчи фазасы башталганын жана өлкөдөгү курч жагдай тууралуу айтты. «Пандемия уланып, күн сайын вирус жуккан учурлар көбөйүүдө. Биринчи толкундун экинчи фазасын баштан өткөрүп жатабыз. Анкара, Стамбул, Измир, Бурса шаарлары дагы эле кооптуу», - деди министр. Министр Кожа пандемия башталгандан бери өлкөдө 30 миңден ашык медицина кызматкерине вирус жукканын, алардын 52си көз жумганын билдирди. Читать дальше...

Казакстандын финансы министри Ерулан Жамаубаев мамлекеттик кызматкерлер менен алардын үй-бүлө мүчөлөрүнө мындан ары чет мамлекеттердеги банк эсептерин ачууга тыюу салынарын билдирди. Өкмөт өкүлү 2-сентябрда бул көмүскө экономикага каршы күрөш жана каржылык көзөмөлдү катаалдатуу программасынын бир бөлүгү экенин айтты. Мунун так алдында казак президенти Касым-Жомарт Токаев элге кайрылуусунда коррупциянын алдын алыш үчүн 2021-жылдан тартып мамлекеттик мекеме-уюмдарда иштеген кызматкерлерге, депутаттарга... Читать дальше...

Парламент 3-сентябрындагы жыйынында «Кыргыз Республикасы менен Евразия өнүктүрүү банкынын ортосундагы COVID-19 пандемиясынын шарттарында бюджетти колдош үчүн Евразия турукташтыруу жана өнүктүрүү фондунун каражаттарынан финансылык насыя берүү жөнүндө макулдашууну ратификациялоо тууралуу» мыйзамдын долбоорун үч окууда жактырды. Катталган 75 депутат бир добуштан колдоп добуш берди.  Жогорку Кеңеште мыйзамды коргогон финансы министринин орун басары Сүйөркул Абдыбалы тегин макулдашууга 2020-жылдын 11-августунда кол коюлганын... Читать дальше...

Стамбулдагы башкы консулдук өрттөн олуттуу зыян тартпаганын башкы консул Нурлан Абдырахманов «Азаттыкка» билдирди: «Бизде баары жакшы. Консулдукка өрт келген жок. Өрт консулдук жайгашкан имараттын экинчи кабатында чыккан. Ал жер бизге тиешелүү эмес. Учурда шаардын өрт өчүрүү департаментинден өрттүн себеби эмне экенин күтүп жатабыз. Консулдукта жарык жок, бирок качан жарык келсе эле иштей баштайбыз». Түркиялык «Ихлас» кабар агенттиги 3-сентябрдын түнү Стамбулдун Таксим районунда жайгашкан Кыргызстандын... Читать дальше...

Ира Чоткараева Боом капчыгайына кире бериштеги айтылуу “Апамдын сүт чайы” же “Апамдын каттамасы” деген брендди баштоочулардын бири. Ал бала-чакасы менен ушул жактан нан таап жегенине 15 жылдын жүзү болду. Каттама, каймак, сүт чайы менен атагы чыккан соода жайынын тарыхы, кыргыз брендинин жаралышы тууралуу сюжеттен көрүңүз.

Ира Чоткараева Боом капчыгайына кире бериштеги айтылуу “Апамдын сүт чайы” же “Апамдын каттамасы” деген брендди баштоочулардын бири. Ал бала-чакасы менен ушул жактан нан таап жегенине 15 жылдын жүзү болду. Каттама, каймак, сүт чайы менен атагы чыккан соода жайынын тарыхы, кыргыз брендинин жаралышы тууралуу сюжеттен көрүңүз.

Жогорку Кеңештин депутаттары 4-сентябрдан 2-октябрга чейин аймактарда шайлоочулар менен иштей турган болду. Тиешелүү токтом парламенттин бүгүн, 3-сентябрда өткөн сессиясында кабыл алынды. 2-октябрга чейин парламенттин жыйындарын токтото турууну спикер Дастанбек Жумабеков сунуш кылды. Ал муну азыркы алтынчы чакырылыштын депутаттарынын көпчүлүгү алдыдагы парламенттик шайлоого катыша тургандыгы менен түшүндүрдү. Спикер муну Жогорку Кеңештин трибунасын үгүт иштерине колдонбош үчүн жер-жерлерде шайлоочулар... Читать дальше...

Кыргызстандагы элдин 99% мобилдик байланышка ээ, анын ичинен 70% Интернетке туташууга мүмкүнчүлүгү бар. Бул маалыматты Улуттук статистика комитети Интернеттин эл аралык күнүнө карата таратты. Анда жазылгандай, өлкөдө 15 жаштан жогорку курактагылар Интернет пайдаланышат. Алардын ичинен активдүүлөрү 15-28 жаштагылар. Кыргызстанда мобилдик байланыш өткөн кылымдын 90-жылдарында пайда болгон. 1969-жылы 2-сентябрда АКШнын Калифорния университетинде катарлаш компьютерлер алгачкы жолу ийгиликтүү түрдө маалымат алмашкан. Читать дальше...

"Эже-сиңдилер" телеберүүсүндө билген нерсесин башкалар менен бөлүшкөн блогер энелер тууралуу баарлаштык. Сиз Интернет аркылуу кайсыл блогерди көрүп, пайдалуу маалымат аласыз?

Өкмөттүк аппараттын 3-сентябрда тараткан маалыматына ылайык, COVID-19 пандемиясы башталган учурдан тартып 3-сентябрга чейин эл аралык донорлордон Кыргызстанга 334 миллион АКШ доллары келип түшкөн. Анын ичинен 205 млн. доллар сарпталды. Өкмөттүн маалыматына караганда, бул каражаттан пандемияга каршы күрөшүүгө 27 млн. доллар, карантин маалында жакыр жашаган элге азык-түлүк, буудай сатып алууга жана социалдык төлөмдөрдү: пенсия, айлык акы, жөлөк пул ж.б. төлөөгө жумшалган. Калган 129 млн. доллары Улуттук банктын эсебинде. Читать дальше...

Жогорку Кеңештин 3-сентябрдагы сессиясында «Өнүгүү-Прогресс» партиясынын депутаты Тынчтыкбек Шайназаров Борбордук шайлоо комиссиясынын (БШК) мүчөсү болуп дайындалды. Анын талапкерлиги жыйында көпчүлүк добуш менен колдоого алынды. Шайназаров БШКнын мүчөсү болуп шайланганына байланыштуу бүгүндөн тартып мандатын тапшырганын билдирди. Тынчтыкбек Шайназаровдун талапкерлигин парламенттеги коалициялык көпчүлүк көрсөткөн. Ал БШКнын мурдагы мүчөсү Назарали Ариповдун ордуна барат. Арипов парламенттик шайлоого талапкер болуп катталгандыктан... Читать дальше...