Новости за 09.10.2020

9-октябрда президент Сооронбай Жээнбеков Бишкек шаарынын аймагына өзгөчө абал киргизүү жөнүндө жарлык чыгарды. Бул тууралуу президенттик аппараттын маалыматтык саясат бөлүмүнүн башчысы Наргиза Мансурова жарыялады. Маалыматта жазылгандай, президенттин жарлыгы Конституциянын 64-беренеси, “Өзгөчө абал тууралуу” конституциялык мыйзамдын 3,4,7,8-беренесине ылайык чыгарылган. Массалык башаламандыктын натыйжасында жарандардын коопсуздугун сактоо жана өлкөдө кырдаалды турукташтыруу максатында токтом кабыл алынды. Читать дальше...

Бишкектеги Өкмөт Үйүнүн алдында Садыр Жапаровду колдогон тарапташтарынын митинги уланып жатат. Ага катышып сөз сүйлөгөндөр өлкөнүн ар кайсы облустарынан келгенин айтышууда. «Говори ТВ» каналынын Интернеттеги түз эфиринен митингге жүздөгөн адамдар катышып жатканын көрсө болот. Айрым муниципалдык, жеке ишканалардын өкүлдөрү митингге кошулуп, келгендер сөз сүйлөөдө. Күндүн биринчи жарымында башталган митингге азырынча Садыр Жапаров өзү чыгып сөз сүйлөй элек экени кабарланды. Сөз алып сүйлөгөндөр катышуучуларды чагымга алдырбай... Читать дальше...

9-октябрда Бишкектеги Ала-Тоо аянтында мурдагы президент Алмазбек Атамбаев менен мурдагы премьер-министр Өмүрбек Бабановдун тарапкерлеринин жана жаш активисттердин митинги үзгүлтүккө учурады. Митингде бир нече адам сүйлөп бүткөндөн кийин аянтка белгисиз бирөөлөр таш ыргыта башташкан. Ал жердеги айрым кабарчылар аянтка Садыр Жапаровдун тарапкерлери келгенин айтышты. Митингчилер тарап, ошол эле маалда жүздөгөн киши аянтта турат. Ала Тоо аянтындагы кагылышта Тилек Токтогазиев башынан жаракат алганын... Читать дальше...

Экс-президент Роза Отунбаева, экс-спикер Абдыганы Эркебаев, коомдук ишмерлер Орозбек Муратов, Кемел Ашыралиев, Гүлнара Искакова, Данияр Иманалиев, Эмил Жураев, Кеңешбек Сайназаров ж.б. бир нече ишмерлер өлкөдөгү саясий кризисти токтотуш үчүн орток кайрылуу таратышты. Кайрылуу 10 пункттан турат. Алар азыркы тапта премьер-министрлик кызматты талашууну токтотуп, бул маселени мыйзамдуу жол менен чечүүгө чакырышты.  «Кандайдыр бир күчтөрдүн басымы алдында эмес, Жогорку Кеңештин депутаттары мыйзам чегинде добуш бериши керек. Читать дальше...

Пандемиядан улам дүйнө жүзүндө жакырчылыктын деңгээли соңку 20 жыл ичинде биринчи жолу жогорулаганы турат. Дүйнөлүк банктын жаңы баяндамасына ылайык, быйыл күнүнө 2 долларга жетпеген акчага күн көргөн адамдардын саны 115 миллионго чейин көбөйүшү мүмкүн.

Мурдагы президент Алмазбек Атамбаев менен мурдагы премьер-министр Өмүрбек Бабанов баштаган митингчилер Ала-Тоо аянтына келишти. Аларга уюшкан кылмыштуу топторго каршы чыккан жаш активисттер жана Опера жана балет театрында чогулган “Республика” партиясынын айрым тарапкерлери келип кошулганы кабарланды. Бабанов элдин алдына чыгып, 5-октябрдан 6-октябрга караган түнү Ала-Тоо аянтындагы окуялардан улам өмүрү кыйылган 19 жаштагы Үмүтбек Алтынбек уулунун элесине бир мүнөттүк жымжырттык жарыялады. Аны улай маркумга арналып куран окулду. Читать дальше...

Муфтийдин орун басары Кадыр Маликов Кыргызстан мусулмандарынын дин башкармалыгынын атынан видео билдирүү таратып, күч түзүмдөрүн саясий оюндардан оолак болууга чакырды. Ал Улуттук коопсуздук боюнча мамлекеттик комитеттин, Ички иштер министрлигинин жана Куралдуу күчтөрдүн бейтарап позициясын колдой турганын белгиледи. «Укук коргоо органдары, армия көз каранды эмес бойдон калышы керек, кайсы бир партияга эмес, Кыргызстандын элине кызмат кылышы зарыл», - деди Маликов. Муфтийдин орун басары бүгүн Кыргызстандын келечеги чечилип жатканын... Читать дальше...

Казакстандын, Өзбекстандын, Тажикистандын жана Түркмөнстандын президенттери Кыргызстандагы коомдук-саясий кырдаалга байланыштуу биргелешкен билдирүү жарыялашты. Билдирүүдө: «Бир тууган Кыргызстандагы окуялар бизди кабатыр кылууда. Бизди кыргыз эли менен достук, кошуналык, маданий жана тарыхый баалуулуктар байланыштырып турат. Жакынкы кошуна катары кыргыз элин өлкөдөгү тынчтыкты жана туруктуулукту сактоого чакырабыз. Бардык саясий партиялар жана коомдук чөйрөлөр маселени Конституцияны жана башка... Читать дальше...

«Бүтүн Кыргызстан» партиясынын лидери Адахан Мадумаров 9-октябрда видео кайрылуу таратып, Кыргызстанда мыйзамдуулук, адилеттүүлүк, элдик бийлик орношу керек экенин айтты. Ал  5-октябрда аянтка чыкканда «шайлоонун мыйзамсыз өткөнүн гана тааныбайбыз, жокко чыгарыш керек» деген талап коюшканын эске салып, ар кандай күчтөргө кайрылып, кызыл кандуулукка алдырбоону өтүндү.  «Биздин партия бир да кызмат бөлүштүрүүгө катышпайт. Бүгүн болуп жаткан митингдерге, чогулуштурга элди чакырып, үгүттөгөн жокпуз. Читать дальше...

Жогорку Кеңештин депутаттарынын бир бөлүгү төрага деп жарыялаган Мыктыбек Абдылдаев кыргызстандыктарга жана саясий партиялардын жетекчилерине кайрылды. Парламенттин басма сөз кызматы Жогорку Кеңештин төрагасынын билдирүүсү деп тараткан Абдылдаевдин кайрылуусунда ал фракция лидерлери жана депутаттык топтор менен сүйлөшүүлөрдү өткөргөнү айтылат. «Акыркы эки күн ичинде фракция лидерлери жана депутаттык топтор менен болгон сүйлөшүүлөрдө бардык тараптар консенсуска келип, кырдаалдан чыгуу боюнча кандайдыр... Читать дальше...

Казакстандын Тышкы иштер министрлиги бейшембиде кечинде тараткан билдирүүүдө кыргыз бийлигин казак жарандарынын жана ишканалардын коопсуздугун камсыз кылууга чакырды. Мекеменин сайтында жарык көргөн билдирүүдө «казакстандык инвесторлорго таандык бир катар ишканаларга чабуул коюу, басып алуу аракеттери болгону» айтылат. «Казакстан Республикасынын жарандары болгон кызматкерлердин дарегине айтылып жаткан күч колдонуу тууралуу опузалар өзгөчө тынчсыздандырат», деп айтылат билдирүүдө. Буга чейин Жалал-Абад... Читать дальше...

Улуттук коопсуздук боюнча мамлекеттик комитет (УКМК) массалык башаламандыкка жол берген тараптар мыйзамдын алкагында жазалана турганын эскертти. Бул тууралуу комитеттин басма сөз кызматы 9-октябрда расмий маалымат таратты. «УКМКга түшкөн маалыматтар айрым күчтөр өздөрүнүн саясий максаттарына жетиш үчүн үчүн ок атуучу курал колдонуу менен масштабдуу массалык башаламандык уюштурууга аракеттенгенин көрсөтүп жатат. Буга байланыштуу УКМК менен ИИМ күчөтүлгөн тартипте ишке өттү», деп айтылат расмий билдирүүдө. Читать дальше...

Элдик кошуундун мүчөсү «Биздин Бишкек» кыймылы массалык маалымат каражаттарынын имараттарын кайтарат. Учурда ыктыярчылар алардын кеңселери жайгашкан жерлерге жиберилди. «Биздин шаар» «Телеграм» каналынын маалыматына караганда, учурда айрым маалымат каражаттарынын редакцияларына кол салуу даярдалып жатканы тууралуу кабар келген. Элдик кошуун журналисттерди коргоону жарандардан да өтүнөт. Ушул тапта Бишкекте бир катар саясий күчтөрдүн тарапкерлери бир нече митинг өткөрүп жатышат. Мурдагы президент... Читать дальше...

Күз-кыш мезгилине карата Жалал-Абад облусунда 1076 социалдык объектинин жылытуу системасы жана отказандары даярдыктан өттү. Бул тууралуу «Азаттыкка» өкмөттүн облустагы өкүлчүлүгү маалымдады. Маалыматка ылайык, алардын 740ы билим берүү мекемелери, 336сы калкка медициналык кызмат көрсөтүүчү жайлар. Саламаттык сактоо мекемелерине зарыл көмүр 95,6% даяр, ал эми мектептерде жана окуу жайларда 57,3% даяр. Аймакта «Кыргызжылуулукэнерго» мамлекеттик ишканасына таандык болгон 26 коммуналдык отканалар оңдоп-түзөөдөн өттү. Читать дальше...

7-8-октябрда Өзгөчө кырдаалдар министрлигине караштуу Бишкек шаардык өрт-куткаруу бөлүмүнүн бир нече кызматкери министрликтин алдына пикетке чыкты.  Бул тууралуу министрликтин басма сөз кызматы маалымдады. Алар министрдин орун басарын кызматтан кетирүү, айлык акыны жогорулатуу, турак жайга берилчү акчаны убагында бөлүштүрүү, өрт өчүрүү кызматын министрликтин курамынан бөлүү сыяктуу бир нече талаптарды коюшту. Министр Замирбек Аскаров чогулгандар менен жолугуп, жакын арада алардын талаптары каралып чыгарын билдирди. Читать дальше...

9-октябрда мурдагы президент Алмазбек Атамбаев жана мурдагы премьер-министр Өмүрбек Бабанов баштаган жүздөгөн митингчилер Бишкектеги «Форум» ишканасынан чыгып, Жогорку Кеңеш тарапты көздөй бет алышты. Анын алдында Атамбаев элдин алдында чыгып сүйлөп, президент Сооронбай Жээнбековду өз ыктыяры менен кызматтан кетүүгө чакырды. Бишкектеги борбордук бөлүгүндө, Өкмөт Үйүнүн алдында Жогорку Кеңештин бир бөлүгү премьер-министрликке көрсөткөн Садыр Жапаровдун жактоочулары митинг өткөрүшүүдө. Буга чейин... Читать дальше...

Кыргызстанда бийликти криминалга башкартпашыбыз керек. Бул тууралуу Бишкектеги криминалга каршы жүрүштө сүйлөп жатып Жогорку Кеңештин депутаты Элвира Сурабалдиева билдирди. Ал учурда өлкөдө кылмыштуу топтор бийлик башына келүүгө аракет кылып жатканын билдирди. Бир катар депутаттар парламенттин кезексиз жыйынына чакыруу үчүн чогулбай жатканын айтып, жаңы өкмөттү куроо үчүн жыйынга келүүгө чакырды:  «Бандиттерден бүгүн корксоңор, эртең өмүрүңөрдүн аягына чейин коркуп отурасыңар. Бизнес калчылдап отурат. Читать дальше...

Нобел тынчтык сыйлыгынын лауреаты болуп ачарчылыкка каршы күрөшү үчүн БУУнун Дүйнөлүк азык-түлүк программасы аталды. Бул тууралуу Норвегиянын Нобел комитетинин төрагасы Берит Рейсс-Андерсен 9-октябрда билдирди. Нобел комитети коронавирус пандемиясы ачарчылык коркунучуна кептелген миллиондогон адамдын санын ого бетер көбөйткөнүн белгилеп, өлкөлөрдү Дүйнөлүк азык-түлүк программасына жана башка уюмдарга ал адамдарды тоюндуруш үчүн акчалай колдоо көргөзүүгө чакырды. Уюмдун басма сөз катчысы Нобел... Читать дальше...

Бишкектеги «Форум» ишканасынын алдында мурдагы президент Алмазбек Атамбаев чыгып сүйлөп жатат. Ал президент Сооронбай Жээнбековду жактаган күчтөр кайра бийликке кайтып келүүгө аракет кылып жатканын, маселени тынч жол менен бүтүрүш керек экенин айтты. Ошондой эле Жээнбековду өз эрки менен кызматтан кетүүгө чакырды. Атамбаев күч түзүмдөрүндө Жээнбековдун тарапкерлери отурганын айтып, аларды элге ок атпоого үндөдү. Ал митингге чогулгандар бүгүн Жогорку Кеңеш тарапка жүрүш жасай турганын кошумчалады. Читать дальше...

Чүй менен Бишкектин эли мыйзамсыздыкка каршы. Мындай мазмундагы кайрылуу бүгүн, 9-октябрда Чүй облусунун жана Бишкек шаарынын элинин атынан таратылды. Анда өлкөдөгү акыркы кырдаалдар Чүй облусунун жана Бишкек шаарынын жашоочуларын тынчсыздандырып, кооптондуруп жатканы жазылган. «Мамлекеттик жана муниципалдык органдардын иши үзгүлтүккө учурады. Ишкерлер чыгым тартып жатат, мүлк тартып алуу токтогон жок. Бардык деңгээлдеги кызмат орундар, талоончулук жана Чүй облусунун айдоо аянттарын басып алуу аракеттери катталып жатат. Читать дальше...

Бишкектеги «Форум» ишканасынын алдында жүздөгөн адамдар катышкан митинг башталды. Анда президент Сооронбай Жээнбековго, Матраимовдордун үй-бүлөсүнө каршы ураандар айтылууда. Митингди Атамбаевди колдогон КСДП партиянын расмий өкүлү Кундуз Жолдубаева алып барууда. Чогулгандардын алдына социал-демократтардын дагы бир өкүлү Темирлан Султанбеков чыгып сүйлөп, «Форумдагы» митингчилерге «Республика» партиясынын тарапкерлери келип кошулганын жарыялады. Аны улай элдин алдына мурдагы президент Алмазбек Атамбаев... Читать дальше...

Президент Сооронбай Жээнбековдун 9-октябрда кол койгон жарлыгы менен Таалайбек Өмүралиев Кыргызстандын Куралдуу Күчтөрүнүн Башкы штабынын башчысы болуп дайындалды. Мамлекет башчынын 9-октябрдагы ушундай эле жарлыгына ылайык, Башкы штабдын мурдагы жетекчиси Райимберди Дуйшенбиев кызматынан бошотулган. Бүгүн, 9-октябрда президент Сооронбай Жээнбеков өкмөттү толук курамы менен кызматтан кетирүү тууралуу жарлыкка кол койгон. Конституциянын 65-87-беренесинин 1,2,3-бөлүмдөрүнө, 13-берененин 1,4-пункттарына... Читать дальше...

8-октябрда Ош шаарында мэр Таалайбек Сарыбашовдун колдоочулары жана президент Сооронбай Жээнбековдун тарапкерлери чогулду. Аянтка төрт боз үй тигилип, тынчтык митингдери болду. Шаардык жана облустук бийлик штаттык режимде иштеп жатканын расмий билдирди.

Кыргызстандагы соңку окуяларды элдик толкундоо маалында өмүрүнөн ажыраган Үмүтбек деген жигиттин ысымы менен “Үмүт ыңкылабы” деп атоо сунушу айтылууда. Тарыхчынын сереби.

Мурдагы башкы прокурор, мурдагы юстиция министри жана Жогорку Кеңештеги "Ата Мекен" фракциясынын мурдагы депутаты Аида Салянова Кыргызстанда түзүлгөн кырдаалдан чыгуунун мыйзамдуу жолдору тууралуу пикирин билдирди. Салянова 28-октябрда парламенттин алтынчы чакырылышынын, аны менен кошо президенттин милдетин аткара турган спикердин да мөөнөтү бүтө турганын эске салды. Мурдагы башкы прокурордун айтымында, эгерде 28-октябрга чейин премьер-министр мыйзамдуу тартипте шайланып, спикерден президенттин милдетин аткаруучулук статусун өткөрүп албаса... Читать дальше...