Новости за 03.01.2021

COVID-19га каршы күрөш боюнча республикалык штабдын 3-январдагы маалыматына караганда, соңку бир сутка ичинде вирус Бишкекте дагы бир кишинин өмүрүн алды. Бир күндө вирус дагы 91 кишиден жаңы аныкталды. Марттан бери илдет жугузуп алгандардын расмий эсеби 81 305 адамды түздү. Анын 76 563ү сакайганы айтылды. Бир күндө 212 адам ооруканалардан айыгып чыкты. Кыргызстанда пневмонияны козгой турган коронавирус аныкталган март айынан бери илдеттен кайтыш болгондордун саны Саламаттык сактоо министрлигинин жаңы эсеби боюнча 1359 кишиге жетти. Читать дальше...

Сузак районунун Кашка-Терек айылында 1-январь түнү көмүр исине ууланып төрт адам каза болду. Алар - 30 жаштагы келин, анын тогуз жаштагы баласы жана төрт жаштагы эгиз уулдары болгон. Бул факт райондук милициянын Кылмыш жана жоруктардын бирдиктүү реестрине катталды. Кошуналарынын айтымында, аялдын күйөөсү Орусияда иштеп жүргөн. Келин кайын журту менен бир короодо, бирок өзүнчө үйдө турушкан. (TB)

Кыргызстандан чет мамлекеттерге чыгуу үчүн COVID-19 илдетине текшерилүүнү эки мамлекеттик лаборатория жүргүзүп жатат. Лабораторияда Дүйнөлүк саламаттык сактоо уюмунун эрежесине ылайык, анализ ПЦР ыкма менен алынат. Бул тууралуу Саламаттык сактоо министрлигинин басма сөз кызматы маалымады. Алар - Бишкек шаарындагы Фрунзе көчөсүндө №535 үйдө жайгашкан вирусологиялык референс-лаборатория, экинчиси - Ош шаарындагы Байтемиров, 53 дарегиндеги лаборатория. Маалыматка ылайык, анализ тапшыруунун баасы 1574 сомду түзүп... Читать дальше...

Конор Макгрегорду кошкондо дагы бардык күчтүү атаандаштар Хабибдин спорттук карьерасын улантышына түрткү бере алышы мүмкүн эмес.

Пакистандын бийликтери Индиянын Мумбай шаарындагы 2008-жылкы кандуу террордук чабуулга тиешеси бар жоочулардын башчысы деп шектелген кишини камакка алды. Пакистандын террорго каршы күрөш жүргүзгөн полициясынын өкүлүнүн 2-январдагы айтымында, Заки ур-Рахман Лахви аттуу киши өлкөнүн Лахор шаарында террорчулукту каржылаган деген доо боюнча камакка алынды. Лахви “Лашкар-и тайиба” (ЛиТ) аттуу жоочулар тобунун жолбашчысы катары шектелүүдө. Бул топ Мумбай шаарындагы террорчулардын камалоосун жүзөгө ашырган... Читать дальше...

АКШ Сенатындагы республикачылар партиясынын он өкүлү жана сенатордукка жаңы шайланган техастык Тед Круз келээрки аптада АКШ Конгрессинде Шайлоочулар коллегиясынын жыйынтыгы баяндалып жаткан чакта Жо Байдендин шайлоодогу жеңишине каршы пикир билдирүүгө камынып жатышканын айтышты. Бул тууралуу 2-январда Сенаттагы 11 республикачы сенатор билдирүү жарыялашты. Алар 2020-жылдын 3-ноябрындагы шайлоо ушунчалык чоң көлөмдөгү добуш бурмалоолор менен өттү деп билдиришти, бирок бул доо үчүн олуттуу далил көрсөтө алышкан жок. Читать дальше...