Новости за 20.03.2021

Германиянын Кассел шаарында “COVID» илдетине каршы карантинге нааразы болгон демонстранттардын айрым топторунун кол салуусуна жооп катары полиция желим таяктарды, көздөн жаш чыгаруучу газды жана суу замбирегин колдонду. Шаардагы нааразылык жыйынына 20 миңдей киши катышты, алардын көпчүлүгү беткапсыз жүрүштү. Быйылкы Токио Олимпиадасына чет өлкөлүк көрүүчүлөр катыштырылбайт. 21-марттын таңына карата коронавируска байланыштуу ушул жана башка чакан кабарлар топтому. Германия бийликтеринин коронавирустун... Читать дальше...

Түркия аялдарды зордук-зомбулуктан коргоо боюнча эң маанилүү европалык келишимден чыгып кетти. 10 жыл мурун биринчи жолу кол коюлган бул келишим Түркиянын Осмон султандыгы доорундагы борбору жана эң ири шаары болгон Стамбулдун атынан аталган болчу. Президент Режеп Тайып Эрдогандын 20-мартта кол койгон жарлыгы Европа Кеңешинин Стамбул келишиминин Түркия тарабынан ратификацияланышын жокко чыгарды. Бул кадам өлкөдөгү аялдардын укуктарын коргоочуларга катуу сокку болду, анткени бул келишим үй-бүлөлүк... Читать дальше...

Уюштурулган мелдеш сумону өнүктүрүү жана жайылтуу, атлеттердин чеберчилигин өстүрүү максатын көздөгөн.

Футбол боюнча кыздар арасындагы улуттук курама команданын оюнчусу Айжан Боронбекова Кыргызстанда футболчу кыздардын көбү үй-бүлөлүү болгондон кийин спорттогу карьерасын бүтүрөрүн айтты.

Спортчу кыз өзүн жаман сезгендиктен эртең боло турган күрөш токтотулду. Ал таразага түшүп жатып эки жолу эсин жоготкон.

Айзада Авазова чыгармачылык баралына келип турганда жол кырсыгынан каза болгон. Мыкты журналист, акын, жазганынан жаза элеги, бергенинен бере элеги көп талант эле. Эки жаштын жашоонун кыйма-чийме жолунан адашпай, бирин-бири түшүнүп, бир келген өмүрдү бактылуу өткөрүшү өтө эле кыйын сыноо. Андан кол кармашып турмуш деген агыны катуу дарыяга киргендердин баары эле аркы өйүзгө өтө албайт. Экөөнүн кимдиги, кандайлыгы турмуш көчүнө келгенде бадырайып ачыкка чыгат. Мурда байкалбаган, алоо сезим артына жашырылган сырлар айгинеленип... Читать дальше...

Нооруз майрамына арналган көкбөрү боюнча республикалык мелдеште жогорку жана биринчи лигада 3-орунду алган командалар белгилүү болду. Бүгүн, 20-мартта Ысык-Көл облусунун Чолпон-Ата шаарындагы ат майданда коло байге үчүн болгон оюндарда биринчи лигада “Бакубат Талас” “Сокулукту” жеңди (6:6, буллит 3:0). Жогорку лигада “Сары-Өзөн” "Ала-Тоону" 5:4 эсебинде утту. Жогорку лигада 5-6-орун үчүн беттеште Баткендин "Жаш Күч" командасы Ысык-Көлдүн "Мурас" командасын 3:2 эсебинде жеңди. Нооруз майрамына... Читать дальше...

АКШнын президенти Жо Байден теги азиялык тургундарга каршы зордук-зомбулуктун күч алышын айыптап, америкалыктарды ар кандай расалык жек көрүүчүлүккө каршы биргелешип күрөшүүгө чакырды. «(Расалык негизде) жек көрүү үчүн Америкада орун жок. Биз, бардыгыбыз, бул көрүнүшкө биргеликте чекит коюшубуз керек», – деди Байден. Жума күнү (19-мартта) Жо Байден жана вице-президент Камала Харрис Жоржия штатынын мыйзамчылары жана мындагы теги азиялык болгон жамааттардын өкүлдөрү менен жолугушуу өткөрүштү. Читать дальше...

Интернеттеги эбегейсиз зор түйүнгө айланган “Фейсбук” компаниясына таандык ири коомдук тармактар 19-мартта бир саат аралыгында иштен чыккан. Мындан улам “Инстаграм”, “Фейсбук Мессенжер” жана “ВотсАпп” тиркемелеринин кардарлары өз арыздарын жаадырышты. Акыры бул тармактарда иш-аракет калыбына келтирилди. “Фейсбук” компаниясы атайын жарыя кылып, көптөгөн кардарлар үчүн өз барагы ачылбай жатканын мойнуна алды жана "Facebook Messenger” же “Messenger.com” дагы эле дурус иштебей жатат", – деп эскертти. Читать дальше...

Кыргызстандын мамлекеттик Чек ара кызматы Баткен облусундагы Лейлек районунун Максат айылындагы Сай тилкесинде тажик жарандарынын шагыл казуу иштери токтотулганын кабарлады. Чек ара кызматынын басма сөз катчысы Гүлмира Бөрүбаеванын маалымдашынча, шагыл казуу Кыргызстандын чек ара кызматкерлеринин талабы менен токтотулган. Тажик тарап атайын техникасын алып кеткен. Учурда аймактагы кырдаал туруктуу. Бүгүн, 20-мартта Кулунду айыл өкмөтүндөгү кыргыз-тажик чек арасында коңшу өлкөнүн жарандары дарыядан... Читать дальше...

Уюштуруу комитети келе турган чет элдик көрүүчүлөргө сатылган билеттердин акчасы кайтарып берилерин билдирген.

Пакистандын премьер-министри Имран Хан коронавирус жугузуп алганын анын саламаттык сактоо жаатындагы атайын жардамчысы Файсал Султан 19-мартта маалымдады. "Өкмөт башчы Имран Хандан COVID-19 вирусу аныкталды, ал үйүндө обочолонуп иштеп жатат", - деп жазды ал "Твиттердеги" баракчасына. Премьер-министрдин кеңсеси кабарлагандай, Имран Хан бир нече күн мурун Хайбер-Пахтунхва провинциясына, ал жактагы Малаканд университетине барган. Андан кийин, эки күн мурда  коронавируска каршы вакцина алганын жергиликтүү Dawn басылмасы кабарлады. Читать дальше...

19-март күнү Өзгөн шаарында эки жарандын өлүмүнө шек саналып, издөөгө алынгандардын бири кармалды. Өзгөн шаарынын тургуну, 24 жаштагы Өзгөн районунда туулган Х. А. Жазык Кодексинин 130-беренесинин 2-бөлүмүнүн 2-11-пунктунун негизинде ("Киши өлтүрүүгө кошо катышуу") кармалып, Өзгөн райондук ички иштер бөлүмүнүн убактылуу кармоочу жайына киргизилди. Буга чейин Ош облустук ички иштер башкармалыгынын маалымат катчысы Жеңиш Аширбаев окуяда колдонулган атуучу курал жана автоунаа табылганын кабарлаган. Читать дальше...

Эртең, 21-мартта Кыргызстандын дээрлик бардык аймактарында жаан-чачын жаайт. Тоолуу райондордо карга айланат. Шамалдын күчү секундасына 15-20 метрге жетип, жолдор тайгак болот. Абанын температурасы: Чүй жана Талас облустарында: түнкүсүн 0...+6, күндүз 6...11, Баткен, Жалал-Абад, Ош облустарында: түнкүсүн 3...8, күндүз 10...15, Ысык-Көл дубанында: түнкүсүн -1...+4, күндүз 6...11, Нарын облусунда: түнкүсүн -2...+3, күндүз 7...12, Бийик тоолуу райондордо: түнкүсүн -15...-20, күндүз -1...-6 градус. Читать дальше...

19-мартка карата Борбордук шайлоо комиссиясы референдумга 13 үгүт тобун каттады. Анын ичинен 10 топ референдумда "макул" деп добуш берүүгө үч топ "каршы" деп добуш берүүгө үгүт жүргүзөт. Ар бир үгүт тобунда 10-15тен мүчө бар. Кыргызстанда Конституциянын долбоору боюнча референдум 11-апрелде жергиликтүү кеңештерге депутаттарды шайлоо менен бирге өтөт. Тиешелүү мыйзамга президент Садыр Жапаров 12-мартта кол койгон. 11-мартта Жогорку Кеңеш аталган мыйзам долбоорду кабыл алган. Ага жыйынга катышкан 100 депутаттын 94ү макул деп... Читать дальше...

АКШнын Коргоо катчысы Ллойд Остин жана Индиянын Коргоо министри Ражнатх Сингх 20-мартта Нью-Делиде өткөн сүйлөшүүдө эки тараптуу аскердик кызматташтыкты өркүндөтүү жолдорун талкуулашты. Остиндин Индияга болгон эки күндүк сапары – АКШнын президенти Жо Байдендин өкмөтүнүн жогорку даражалуу мүчөсүнүн бул өлкөгө жасаган алгачкы иш сапары болуп калды. Расмий Вашингтон аймактагы Кытайдын таасири улам тереңдеп жаткан маалда, чөлкөмдөгү өнөктөштөрү менен тыгыз байланышта болууга умтулуп жатат. ... Читать дальше...

Биринчи вице-премьер-министр Артем Новиковдун катышуусунда республикалык ыкчам штабдын жыйыны болуп өттү. Анда коронавирус инфекциясы кайра жайылып бара жатканы тууралуу маалымат берилди. Биринчи вице-премьер-министр эпидемиологиялык кырдаалдын курчушуна даярдык көрүүнү, медициналык мекемелерди алдын ала даярдоону тапшырды. “Өлкөдө эпидемиологиялык кырдаал акыркы жумада начарлаганы байкалып жатат. Ар бир облустагы, айыл өкмөттөрдөгү медициналык мекемелер элдин саламаттыгына жакшылап көзөмөл кылып... Читать дальше...

Украинанын премьер-министри Денис Шмигал өз өлкөсү Европа Биримдигине жана НАТОго мүчө болуу максатын көздөп, реформачыл иш-аракетти тездетти, деп билдирди. 19-мартта Германияга болгон расмий иш сапары маалында Шмигал Германиянын тышкы иштер министри Хайко Йозеф Маас мырза менен сүйлөшүү учурунда “Украинанын орто мөөнөттүү келечекте Евробиримдикке мүчө болушу – украин эли үчүн гана эмес, Германия үчүн жана жалпы эле Евробиримдик үчүн дагы алардын кызыкчылыктарына төп жыйынтык берчү” кырдаал жаратат, – деп айтты. Читать дальше...

Жогорку соттун мурдагы судьясы, мыйзамсыз баюу боюнча айыпталып камакка алынган Камил Осмоналиев эч жакка кетпөө тууралуу тилкаттын негизинде УКМКнын тергөө абагынан чыкты. Мындай чечимди Биринчи май райондук соту 20-мартта чыгарганын Улуттук коопсуздук боюнча мамлекеттик комитетинин (УКМК) басма сөз кызматы кабарлады. Маалыматка ылайык, тергөө учурунда Камил Осмоналиев Жогорку соттун Жарандык жана Экономикалык иштер боюнча коллегиясында иштеп жүрүп, мамлекеттин кызыкчылыгына каршы иштегени айтылган. Читать дальше...

Түрк ишкери куруп, иштеткен “Таксим” кафеси боюнча Бишкек шаардык милициясынын басма сөз кызматы түшүндүрмө таратты. Ага ылайык, “Таксим” кафесине байланыштуу эки тараптан тең милицияга кайрылуу түшкөн. Бишкектеги «Таксим» кафесинин ээси, түркиялык ишкер Али Салих Ифлазоглу 19-мартта “Фейсбуктагы” баракчасы аркылуу кайрылуу жасап, Кыргызстанда иштөө мүмкүн болбой калганына даттанган. Өз билдирмесинде ал маркум депутат Алмазбек Акматов жана анын бир тууганы, мурдагы бажы кызматкери Эрнис Акматовдун менчик деп айткан жерин сүйлөшүп... Читать дальше...

Кыргызстанда кадр тандоодо мүчүлүштүктөр болуп жатат. Бул тууралуу “Азаттыктагы” маегинде өкмөттүн Чүй облусундагы мурдагы өкүлү Мирбек Мияров билдирди. Анын айтымында, президент Садыр Жапаров өз саясатын жаңы муундагы жетекчилерге таянуу менен жүргүзүшү керек. Мияров маегинде эмне себептен Чүй облусунун жетекчилигинен бошотулганын, бийликтин жаңы сунуштары, 2020-жылдагы октябрь окуялары боюнча пикирлери менен бөлүштү.

“Азаттыктын” 2х1 форматындагы эксклюзив маегинин кезектеги коногу – Кыргызстандын Улуу Британиядагы элчиси, Конституциялык кеңешменин мүчөсү Эдил Байсалов. Элчи “Азаттыктын” Британия-Кыргызстан алакалар, Баш мыйзам алдындагы жоопкерчилик, сөз эркиндиги өңдүү маселелерге байланышкан суроолоруна жооп берди.

Коронавируска каршы ыкчам штабдын 20-мартка карата берген маалыматына караганда, акыркы суткада 46 адам айыгып чыкты. 82 адам вирусту жугузуп алганы лабораториялык жол менен тастыкталды. Ысык-Көл облусунда бир адам илдеттен көз жумду. Ооруга чалдыккандардын басымдуу бөлүгү Бишкекте – 55 адам. Чүй облусунда 19, Ысык-Көл облусунда беш адам. Калган аймактарда коронавируска кабылгандар катталган эмес. Ушуну менен былтыркы 18-марттан бери Кыргызстанда коронавируска чалдыккандардын жалпы саны 87 321 адамга жетти. Читать дальше...

Президент Садыр Жапаров 19-мартта «Экологиялык коопсуздукту жана климаттык туруктуулукту камсыз кылуу боюнча чаралар жөнүндө» жарлыкка кол койду. Ага ылайык, экологиялык коопсуздукту камсыз кылуу, улуттун саламаттыгын сактоо, элдин жана келечек муундардын кызыкчылыгы үчүн өлкөнүн жаратылыш байлыктарын коргоо, айлана-чөйрөнү жакшыртуу, туруктуу өнүктүрүү максаттарына жетүү жана климаттык тобокелдиктерди азайтуу максатында атайын токтом чыкты. Токтомдо жогорудагы маселелерди чечүү мамлекеттик органдардын... Читать дальше...

“Азаттык” радиосунун “Бийлик сырлары” берүүсүнүн коногу коомдук ишмер Кемел Ашыралиев болду. Ал маегинде мамлекеттик кызматка келиши, коопсуздук комитетине өтпөй калышынын себеби, Матен Сыдыковдун жетекчилик бейнеси, Нарын облусунун губернаторлугунан кантип түшкөнү, жыйынга атчан барганы, өзүнө козголгон кылмыш иши тууралуу кенен кеп кылат. - Кемел Жакешович, сиз тууралуу СССР менен Кытайдын мамилеси бузулуп, чек аралар жабылып турган 1960-70-жылдары Нарын аймагында иштеген мамлекеттик кызматкерлерди тынчылыкка тартып... Читать дальше...