Новости за 14.07.2021

Грузияда менчик төрт телеканал премьер-министр Ираклий Гарибашвилинин кызматтан кетишин талап кылып берүүлөрүн 24 саатка токтотуп койду. Алардын мындай чечимине ЛГБТ коомчулугуна каршы чыккандардын журналисттерге кол салышы түрткү болду. 5-июлда гомофобдордун ур-токмогуна калган телеоператор Лексо Лашкарава көз жумган. Оппозиция жана медиа коомчулук бийлик бул окуяны болтурбоо үчүн алдын ала эч кандай чара көрбөгөнүн айтышууда. Маалымат каражаттарынын кызматкерлери ошондой эле күнөөлүүлөрдүн жазаланышын талап кылып жатышат. Читать дальше...

Ооганстанда жашаган ондогон кыргыздар “Талибан” кыймылынын чабуулдарынан качып, Тажикстанга жер которууга аргасыз болгонун коңшу өлкөнүн мамлекеттик “Ховар” жаңылыктар агенттиги 14-июлда кабарлады. Тажикстандын Чек ара кызматына шилтеме берилип жазылган жаңылыкка ылайык, 13-июлда Ооганстандын Бадахшан провинциясына караштуу Вахан аймагындагы Андемин кыштагында жашаган 77 кыргыз Тажикстандын Мургаб районуна өтүп келишкен. Алардын арасында 26 эркек, 20 аял, 31 өспүрүм бар. “Учурда качкындар Мургаб... Читать дальше...

Мындай форманы спортчулар Олимпиада кыштагында жүргөндө, машыкканда жана сыйлык аларда кийишет. Андан тышкары, параддык жана беттеш маалында кие турчу кийимдери бар.

Бүгүн, 14-июлда Жогорку Кеңеш "Чек ара ыйгарым укуктуулары жөнүндөгү” мыйзамга алымча-кошумча киргизүү долбоорун экинчи окууда карап, добуш берүүгө жөнөттү.  Документте "ыйгарым укуктуу жарандарды" жылына эки жолудан кем эмес атайын окуудан, аскердик даярдыктан өткөрүү жана  курал берүү каралган. Мындан сырткары алардын өмүрүн, саламаттыгын камсыздоого мамлекеттик кепилдик берилет. "Чек арачы ыйгарым укуктуулар жөнүндө" мыйзамы 2015-жылы кабыл алынган. Ага ылайык, мамлекеттин бүтүндүгүн камсыздоого... Читать дальше...

Кыргызстанда коронавирус пандемиясы башталган 2020-жылдын март айынан бери анын курмандыктары жалпысынан 2 133​ кишиге жетти. Күн сайын 10го жакын бейтап өмүрү менен кош айтышууда.

Саламаттык сактоо тармагынын адистеринин айтымында, вакцинациянын жай жүрүшү дүйнөдө коронавирустун "дельта" түрүнүн жайылышына шарт түздү. 13-июлда Индонезия, Колумбия, Британия, Испания жана Кошмо Штаттарда күнүмдүк көрсөткүч 30 миңден ашты. Бул мамлекеттердин жетекчилери калкты эмделүүгө чакырып, коронавирус вакцинация төмөн болгон райондордо тез жайылып жатканын билдиришти. Жон Хопкинс университетинин маалыматына ылайык, АКШ да илдетке чалдыккандардын күнүмдүк көрсөткүчү бир ай мурункуга караганда эки эсе жогорулаган. Читать дальше...

Спортчу 57 килограмм салмакта күч сынашат. Спорт агенттиги өлкө тарыхында биринчи жолу дзюдочу кыз Паралимпиадага катышарын белгиледи.

Орусияда коронавирус илдетинин жайылышы күчөп, кырдаал курчуп кетти. Бир күндө илдеттен 780 адам каза таап, бул көрсөткүч пандемия башталгандан берки антирекорд болду. Буга санитардык-эпидемиологиялык эрежелердин так сакталбаганы жана эмдөөнүн чабалдыгы себеп болгону айтылды. Орусиянын коронавируска каршы күрөшүү боюнча ыкчам штабынын маалыматында, өлкөдө илдет соңку суткаларда лабораториялык жактан 24 миңден ашуун адамдан аныкталган. Өлүмдүн саны боюнча пандемия башталгандан берки эң чоң антирекорд катталды. Читать дальше...

Кыргызстан ушул убакытка чейин автожолдорду куруу үчүн эл аралык каржы уюмдарынан 2 миллиард 540 миллион доллар насыя алган. Бул тууралуу транспорт жана коммуникациялар министринин орун басары Нурланбек Кайынбаев Жогорку Кеңештин 14-июлдагы жыйынында айтты. Парламент депутаттары жол тармагына алынган насыялар өзүн актабай, жол салууда коррупция тыйылбай келатканын сынга алышты. Кыргызстанда үчүнчү категориядагы бир чакырым автожолду реконструкциялоого 400-600 миң доллар, экинчи категориядагы жолго 1 - 1,5 миллион доллар кетет. Читать дальше...

УОКтун өкүлү маанилүү оюнга үч башка жерден үч форма тигилгенин айтты. Биринчиси параддык, экинчиси спорттук кийимдер, ал эми үчүнчүсү күч сынашуу убагында кийчү форма.

"Кыргызтелекомдун" директорлор кеңешинин төрайымы Маралбү Бианки Камчыбек Ташиевдин жээни Замир Кожомуратов иштен алынгандан кийин басым-кысым көбөйгөнүн айтып чыкты. Ал буга байланыштуу Мамлекеттик мүлк фонду менен Улуттук коопсуздук комитетин айыптады. Бианкинин айтымында, Кожомуратов аталган ишкананын директорлор кеңешинин вице-президенти кызматына май айында "тажрыйбасы жетишсиз, кесипкөй эмес" жана "жумушка ар кандай себептерден улам көп келбейт" деген жүйө менен алынган. Бианки ошондон бери ар кандай басым башталганын... Читать дальше...

Министрлер кабинети "Мегаком" бренди менен белгилүү "Альфа Телеком" мамлекеттик компаниясын (100% акциясын), Кепилдик фондду (14,9%), "Керемет банкты" (0,74%) жана Евразиялык сактык банкын (76,56%) сатууну сунуштап жатат. Бул тууралуу Мамлекеттик мүлк фондунун өкүлү Замир Бугубаев түшүндүрмө берди. Анын сөзүнө караганда, Жогорку Кеңеш 2020-жылы 25-июнда 2020-2022-жылдары сатыла турчу 25 мамлекеттик объекти боюнча программаны бекитип, токтом кабыл алган. Ошол долбоорго жогорудагы төрт объектини кошуу сунушу берилди. Читать дальше...

Улуттук коопсуздук боюнча мамлекеттик комитеттин (УКМК) Жалал-Абаддагы кызматкерлерине салына баштаган көп кабаттуу үйдүн курулушун ким каржылап жатканы ачык айтылбаганы коомчулукта бүдөмүк ойлорду жаратты. Жалал-Абад шаарында УКМКнын кызматкерлерине 205 батирлүү үй салына баштады. Курулуштун пайдубалын түптөөгө атайын кызматтын төрагасы Камчыбек Ташиев катышып, “имарат чоң саясаттын негизинде шериктердин жардамы менен салынып жатат” деди. “Эмдиги жылы ушул үй салынып бүтүп, кызматкерлерге бөлүнүп берилет. Читать дальше...

Ооганстанда талибдер менен өкмөттүк күчтөрдүн ортосунда уруш уланып жатат. Ооган урушуна улуттук биримдик, ички ынтымактын жоктугу, анын айынан өкмөттүн алсыздыгы себеппи, же мунун баары чоң өлкөлөрдүн эрегишинин кесепетиби? Бул теманы “Арай көз чарай” талкуусунда талдадык.

11-июлда Кытайдан Sinopharm вакцинасынын 1 миллион 250 миң дозасы келген. Жер-жерлерде убактылуу эмдөө пункттары ачылып, өлкөдө жапырт эмдөө башталды.

Ооганстан кайрадан геосаясий эрегиштин, XIX кылымда англисче тарыхка The Great Game деп кирип калган же "чоң оюндардын" чордонуна айланды. Талибдер менен ооган өкмөтүнүн аскерлери ортосундагы куралдуу уруш азыр да уланып жатат. Дүйнөлүк прессада ооган урушунун тегерегинде АКШ, Орусия, Кытай, Иран, Пакистан, Индия, Түркия, Борбор Азия өңдүү тараптардын ролу, таасири көп сөз болууда. Ооган урушуна улуттук биримдик, ички ынтымактын жоктугу, анын айынан өкмөттүн алсыздыгы себеппи же мунун баары чоң өлкөлөрдүн эрегишинин кесепетиби? Читать дальше...