Борел повикува на итен прекин на огнот во Украина
Европската Унија повикува на итен прекин на огнот во Украина, изјави денеска високиот претставник на ЕУ за надворешна политика и безбедност, Жосеп Борел.
„Оваа војна треба веднаш да заврши. Повикувам на итен прекин на огнот и итно воспоставување хуманитарни коридори“, напиша Борел на Твитер.
Обединетото Кралство ја обвини Русија за употреба на опасни „вакуумски бомби“ во Украина
Претседателката на Европската комисија Урсула фон дер Лајен денеска најави дека ЕУ ќе преземе дополнителни чекори против Русија доколку ситуацијата на теренот во Украина се влоши.
ЕУ исто така се подготвува во случај на руска одмазда, вклучително и диверзификација на снабдувањето со енергија.
„Нашата цел е да го намалиме капацитетот на Кремљ да води војна против своите соседи. Мораме да станеме независни од рускиот гас, нафта и јаглен. Нашата решеност да продолжиме напред во овој случај е посилна од кога било“, рече таа по средбата со романскиот претседател Клаус.
Зеленски: Одбраната се држи - Лавров: Не толерираме закана наредена од САД
На осмиот ден од руската инвазија на Украина, борби се водат во неколку украински градови, меѓу кои Киев, Суми, Мариупол, Одеса и Харков. Пристанишниот град Мариупол беше изложен на континуиран напад денеска, објави градоначалникот Вадим Боиченко во видео порака.
Според податоците на ОН, 227 цивили се убиени во Украина од почетокот на руската инвазија, 525 се ранети, а еден милион луѓе се раселени.