په فراه ولایت کې د هاوان د یوې پخوانۍ مرمۍ په چاودنه کې ۳ ماشومان مړه شوي دي. یوې سرچینې په دې شرط، چې نوم به یې نه څرګندېږي، د ازادي راډیو خبریال ته وویل چې، دا پېښه پرون (پنجشنبه) مازدیګر د فراه ښار په عسکر اباد کلي کې وشوه. د سرچینې پر اساس، د هاوان مرمۍ هغه مهال وچاودېده چې ماشومانو زړې وسپنې ټولولې. په افغانستان کې څه موده وروسته د ناچاودلو مرمیو د چاودنو په پېښو کې په ځانګړي ډول ماشومانو ته مرګژوبلې اوړي.
د بامیان ولایت ځینې اوسېدونکي وايي چې طالبانو پرون په دغه ولایت کې یو هلک او یوه نجلۍ د تار لرلو په تور په متروکو وهلي دي. د بامیان ښار یوه اوسېدونکي، چې د امنیتي ستونزو په خاطر یې نهغوښتل نوم یې واخیستل شي، ازادي راډیو ته وویل چې نجلۍ او هلک د عامو خلکو په مخکې ووهل شول. د افغانستان د ځینو ځايي رسنیو د راپور لهمخې، هلک او نجلۍ له کابله بامیان ته تللي وو او د طالبانو له لوري په بندامیر کې په درو ووهل شول. طالب چارواکو په دې اړه تر اوسه څه نهدي ویلي.
د طالبانو د حکومت د رئیس الوزرا دوهم مرستیال ملاعبدالسلام حنفي پرون (پنجشنبه) د اسلامي همکارۍ سازمان له استازو سره په کتنه کې وویل، د افغانستان له خاورې به هیڅ هېواد ته ګواښ نه پېښېږي. د طالبانود حکومت له خبرپاڼې سره سم، د اسلامي همکارۍ سازمان د سرمنشي استازي طارق علي البخیت د طالبانو د حکومت د دفاع له سرپرست وزیر مولوي یعقوب مجاهد سره هم ولیدل. یعقوب په دې کتنه کې ټینګار وکړ چې طالبان به د دوحې موافقې ته ژمن پاتې شي. دا په داسې حال کې ده چې طالبان په دې تورن دي چې د پراخ بنسټه حکومت په شمول یې د دوحې تړون ځینې موارد نهدي عملي کړي.
ایټالیايي چارواکي وايي چې د افغانستان د لرغونو اوتاریخي ځایونو د ترمیمولو نیمګړې کارونه بیا پیلوي. ایټالیايي رسنیو پرون (پنجشنبه) راپور ورکړ چې د دغه هېواد د کلتوري، تعلیمي او سیاحتي څانګې مسوولې کریستینا منګازي له افغانستان سره د خپل هېواد کلتوري اړیکو ته په اشارې وویل، هیواد یې په افغانستان کې خپلې نیمګړې کلتوري پروژې بیا پيلوي. راپور کې ويل شوي، په دې لړ کې یې ډېر تمرکز د افغانستان پر لرغونو او تاریخي ځایونو په تېره بیا په بامیان ولایت دی. د تېر کال په اګست کې د طالبانو له واک ته رسېدو وروسته... Читать дальше...
د طالبانو حکومت د ولایتونو د مرکزونو او ولسوالیو د ښاروالیو عمومي ریاست لغوه کړ. د طالبانو د مشر د فرمان پر اساس، له دې ایسته به ښاروالۍ د خپل اړوند ولایت د چارواکو تر څارنې لاندې فعالیت کوي. تر دې وړاندې د جمهوري نظام مهال د افغانستان د ۳۴ ولایتونو ښاروالۍ مستقل ریاست و خو د سیمه ییزو اورګانونو د ادارې تر څارنې لاندې و. طالبانو له واک ته رسېدو وروسته یو شمېر ادارې لغوه او پر ځای یې ځینې نوې ادارې جوړې کړې.
د ناروې د بهرنیو چارو وزیره وايي، سره له دې چې هر څوک په افغانستان کې د نجونو د تعلیم او په دغه هېواد کې د تروریستانو د بیا را یو ځای کېدو په اړه اندېښنه لري، پکار ده چې له طالبانو سره خبرې وشي. د ناروې د بهرنیو چارو وزیره انیکن هوپتفلت وايي، طالبانو د دې پر ځای چې د افغانستان د خلکو د ژوند ښه کېدو ته پام وکړي، نورو مسلو ته لومړتیوب ورکړی دی. اغلې هویتفلت په اوسلو کې د بشري بنسټونو په کوربهتوب د افغانستان اوونۍ په نوم په غونډه کې نړیواله ټولنه وهڅوله چې طالبان اړ باسي څو پر خپلو ژمنو ودرېږي او د افغانستان د خلکو سوکالۍ ته لومړیتوب ورکړي. Читать дальше...
طالبان وايي چې په اروزګان ولایت کې یې د خوړو د نړیوال پروګرام د خوراکي موادو د غلا په تور لسګونه تنه نیولي دي. د راپورونو لهمخې، د چهارشنبې په شپه نامعلومو کسانو په اروزګان کې د خوړو د نړيوال پرګرام له موټرو څخه سلګونه ګونۍ اوړه او نور خوراکي مواد غلا کړي دي. د اروزګان ولایت د لومړۍ امنیتي حوزې مسوول مولوي دفاعي وایي، د پېښي په تړاو ۴۰ شکمن کسان نيول شوي او څېړنې ترې روانې دي. د ارزګان د اطلاعاتو او فرهنګ رئيس قاري اغا ولي قريشي موټرچلوونکي په دې ملامت بولي چې موټرونه یې سم ځای نه و درولي. Читать дальше...
لاس نجلس ټایمز ورځپاڼه: لاس نجلس ټایمز ورځپاڼې د طالبانو تر کنټرول لاندې افغانستان کې د چین حضور ته کتنه کړی دی. د مطلب په پیل کې لولو، د هوايي ډګر له لارې کابل ته له داخلېدو وروسته لومړی څه چې ستاسې سترګې پرې لګیږي هغه د تایمني په سیمه کې یولس پوړیزه ودانۍ ده چې په بیلبورډ يې چاینا ټاون لیکل شوي دي. د ورځپاڼې په لیکنه، د دې ساختمان په زیر زمیني کې د چیني تولیداتو پلورنځایونه دي چې د کور او دفتر د اړتیا وړ سامانونو رانیولې تر برقي بایسکلونو پورې چینايي توکي پهکې پلورل کېږي. ډېری اخیستونکي... Читать дальше...
د سېهون یوه ځايي خبریال راشد سومرو مشال راډیو ته وویل، د سیمې خلکو "ټول مړي او ژوبل کسان رااېستلي او بیا یې روغتون ته رسولي دي. ضلعي انتظامیې او پولیسو هېڅ مرسته نه ده کړې. تر پېښې څو ساعته وروسته انتظامیې له اوبو څخه ګاډی واېست. په روغتون کې د ژوبلو سمه درملنه نه کېږي ځکه چې اسانتیاوې نه لري."