د ملګرو ملتونو د کډوالو اداره (یو اېن اېچ سي ار) وايي، پاکستان او ایران د روان کال له پیل راهیسې شاوخوا ۱۵۰،۰۰۰ افغانان هېواد ته لېږدولي دي. هغې ادارې د فبرورۍ پر ۱۴مه پر ووبپاڼه په بیان کې ویلي دي چې دواړو هېوادونو له ۲۰۲۳ز کال راهیسې تر ۵.۴ مېلیونه زیات افغانان هېواد ته ستانه کړي دي. یو اېن اېچ سي ار وايي، په چټکۍ د افغانانو ایستلو د هغوی مشکلات زیات کړي دي او په هېواد کې هم ورته د ژوند شرایط برابر نه دي. دا په داسې حال کې ده چې تر پنجاب، سیند او بلوچستان وروسته اوس له خیبر پښتونخوا څخه هم د افغانانو ستنېدو بهیر تېز شوی دی. پاکستان او ایران وايي، د ټولو افغانانو ایستلو ته ژمن دي او دا کار د خپل ملي امنیت په ګټه بولي. نور په راپور کې.
