Сурияда президент Башар Асад тасвирланган пул кучга кирди
Асад портрети икки минг Сурия фунтида (тахминан 4 АҚШ доллари) тасвирланган.
Сурия Марказий Банкининг эълон қилишича, янги купюралар бир неча йил олдин босилган эса-да, Дамашқ ва мамлакатнинг қатор вилоятларида энди кучга кирди.
Сурияда 2011 йилда фуқаролар уруши бошланиши ортидан мамлакат валютаси қурби кескин тушиб кетди.
Урушга қадар 1 АШҚ доллари 50 Сурия фунтига тенг бўлса, ҳозир 400 фунтдан ошиб кетди.