Маҳсулот экспорт қилувчилар валютанинг 25%ини давлатга сотишдан озод қилинди

Ўзбекистон Республикаси Президенти Шавкат Мирзиёев 2017 йил 28 июлда қабул қилган қарори билан маҳаллий экспортчи корхоналарни маҳсулот экспорт қилишдан тушадиган валютанинг 25 фоизини давлатга сотиш мажбуриятидан озод қилди.


Янги тартиб 2017 йил 1 августдан кучга киради.


Ўзбекистон Республикаси Марказий банки 2017 йил 1 августигача бўлган муддатда республиканинг ваколатли тижорат банклари ва хўжалик юритувчи экспортчилари, шу жумладан фермер хўжаликлари орасида кенг тушунтириш ишларини олиб бориши лозимлиги уқтирилган қарорда.