"Атамекен" кәсіпкерлер палатасының бұрынғы басшысы Абылай Мырзахметовтің соты басталды. Судья істі бірден жабық режимге ауыстырды. Мырзахметов неге айыпталып жатыр? // Сыртқы істер министрлігі Еуропарламент қарарындаы сынмен келіспейді. Жаңа қабылданған құжаттың Қазақстан билігіне ықпалы қандай? // Ресейде Владимир Путинді сынайтын саясаткер Борис Надеждинді қолдау күшейді. Ол президент сайлауына кандидат ретінде тіркелуі мүмкін.
Астанада бір топ әйел министрліктер үйіне жиналды. Олар тұрғын үй мәселесін айтып, көп балалы отбасыларды тегін баспана алатындар қатарына қосуды сұрады. Құзырлы министрлік мәжіліс арнайы заң жобасын қарап жатқанын айтты.
Астанада сот "Атамекен" кәсіпкерлер палатасының бұрынғы басқарма төрағасы Абылай Мырзахметовтің ісін қарай бастады. Сот отырысы бастала сала процесс жабылып, іс журналистер мен көпшіліктің қатысуынсыз қаралатын болды.
Азаматтық ұстанымы үшін өз елінде түрлі қысым көрген қарақалпақ белсендісі Сағындық Нұрымбетов бассауғалап Қазақстанға кетуге мәжбүр болған. 2023 жылғы сәуірде Қарақалпақстанның Кегейлі ауданынан қашып шыққан ол қазір Ақтөбе қаласында тұрып жатыр. Өзбекстанға барсам қауіп төніп тұр деген белсенді Қазақстаннан саяси босқын мәртебесін сұрағанымен, әлі ала алмай жүр.