Таркиши лӯлаи газ дар хиёбони Айнӣ, яке аз кӯчаҳои марказии Душанбе сокинон ва раҳгузаронро тарсонд. Шоҳидони айнӣ ба Радиои Озодӣ ду видео фиристоданд, ки ҳодисаро аз аввал тақрибан то ба охир нишон медиҳад.
Бино ба як аксе, ки дар шабакаҳои иҷтимоӣ паҳн шудааст, зоҳиран муштарии “Агроинвестбонк” - бонки гирифтори буҳрон - бо шиоре ба кӯча баромада, эътирози худро аз кори бонк баён доштааст. Дар шиори дасти ӯ аз он изҳори норизоиятӣ шудааст, ки кормандони бонк ҳамоно музди баланд мегиранд, дар ҳоле ки гӯё 600 ҳисоби пиронсолон, модарон ва маъюбон баста буда, ба онҳо моҳе 50, 100 ва 300 сомонӣ медиҳанд. Ба эҳтимоли зиёд дар ин навишта аз бахши бонки мазкур дар шаҳри Хуҷанд сухан меравад ва гуфта мешавад... Читать дальше...
Дар хиёбони Айнӣ, яке аз кӯчаҳои марказии Душанбе баъд нисфирӯзии 18-уми май лӯлаи газ таркид ва аз чанд ҷой шӯълаҳои баланди оташ баланд шуд. Мақомот ҳамон лаҳза ҳаракат дар роҳҳои наздик ба фалокатро бастанд. Аз талафот гузорише нашудааст.
Дар натиҷаи борони зиёд ва сел дар ноҳияи Ашт як мусофирбар бо гуруҳе аз хонандагони гимназияи Шайдон чаппа шудааст. Дар ҳодиса дар рӯзи 17-уми май касе осеб надидааст. Мақомот гуфтанд, вақти ҳаракати мусофирбар дар минтақаи Долона, сел мошинро аз роҳ берун кардааст.
Қарор аст, то камтар аз 10 рӯзи дигар як созишномаи муҳиме байни Тоҷикистону Узбекистон ҳукми иҷро бигирад, ки баъд аз солҳои тулонии муносибатҳои сард ду тараф имзо карданд.
Хабарнигори Радиои Озодӣ ба назди се гулфурӯш рафт ва дар бораи хосияти гулҳову гулпарварӣ пурсид. Шумо ҳам гулҳои зеборо бубинед ва бо хосияташон ошно шавед.
Таро Коно, вазири умури хориҷии Ҷопон бо ҳамтоёни худ аз Осиёи Марказӣ дар бораи ҳамкориҳои иқтисодӣ ва амният дар минтақаро гуфтӯгу кардааст. Мулоқот рӯзи 18-уми май дар шаҳри Душанбе дар доираи муколамаи “Осиёи Марказӣ + Ҷопон” сурат гирифт ва дар он вазирони панҷ кишвари минтақа ҳузур доштаанд. Салоҳиддин Раббонӣ вазири умури хориҷии Афғонистон ҳам дар мулоқот ширкат кардааст. Расонаҳои Ҷопон навиштаанд, ки вазири кишварашон дар нишаст технологияҳои пешрафта барои зербунёдҳои лозим дар Осиёи Марказиро муаррифӣ мекунад. Читать дальше...
Додгоҳе дар Эрон се нависандаро ба иқдом ба зидди амнияти миллӣ гунаҳкор дониста ва ҳарсеро дар маҷмуъ ба 18 соли зиндон маҳкум кард. Ризо Хандон Моҳободӣ, Бактош Обтин, Кайвон Божан ба “тарғиботи зиддидавлатӣ” ва “иқдом ба зидди амнияти миллӣ” гунаҳкор дониста шудаанд ва ҳарсеро ҳафтаи гузашта ба 6 солии зиндон маҳкум кардаанд. Бино ба гузоришҳо, муҳокима моҳи апрел шуруъ шудааст. Ҳарсе нафар узви Иттиҳодияи Нависандагони Эрон ҳастанд, ки зери фишори мақомот мондааст ва дар гузашта чанд узви онро бо айни иттиҳом зиндонӣ кардаанд. Читать дальше...
Гурӯҳе аз сокинони як бинои мутааллиқ ба Вазорати фарҳанг, мегӯянд, вазорат мехоҳад, онҳоро аз хонаҳояшон берун кунад ва барои ҳамин бо талаботи нав ба нав зери фишор гузоштааст.
Идораи Ҳавопаймоии Амрико ба ширкатҳои ҳавопаймоии ин кишвар ҳушдор додааст, ки бо авҷ гирифтани танишҳо бо Эрон мумкин аст, дар фазои Халиҷи Форс онҳоро иштибоҳан ҳадаф бигиранд. Дар тавсияномаи идора аз рӯзи 17-уми май омадааст, огаҳӣ гирифтаанд, ки “афзоиши фаъолиятҳои низомӣ ва танишҳои сиёсӣ дар минтақа, ба сабаби иштибоҳу сӯитафоҳум метавонад, барои ҳавопаймоиҳои ғайринизомӣ хатар эҷод кунад.” Танишҳо байни Амрикову Эрон дар рӯзҳои ахир афзуда ва нигарониҳоро аз эҳтимоли ҷанг байни ду тараф зиёд кардааст. Читать дальше...
Шоир ва андешманди шаҳири тоҷик Мӯъмин Қаноат соли 1932 дар деҳаи Курговади ноҳияи Дарвози вилояти Бадахшон таваллуд шуда,18-уми майи соли 2018, ду рӯз пеш аз зодрӯз ва 86-солагияш дар Душанбе даргузашт. Ва мероси бузурге ба пасовандон гузошт.
Суръати рушди иқтисоди Русия дар семоҳаи аввали имсол ба шиддат суст шудааст ва сабабаш ҳам ба гуфтаи мақомот, коҳиши талаботи дохилӣ аст, ки баъди боло бурдани молиёт аз арзиши изофа ба амал омадааст.
Додгоҳи низомии Душанбе фармондеҳи як ротаи Гвардияи миллии Тоҷикистонро барои сӯистифода аз мақом бештар аз 13 ҳазор сомонӣ ҷарима кардааст. Додгоҳи мазкур рӯзи 16-уми май хабар дод, майор Алиакбар Назаров, командири ротаи ҳифз ва таъминоти қисми ҳарбии 051057 латукӯби яке аз сарбозони ин воҳиди низомиро пинҳон доштааст ва барои фош нашудани қонуншиканӣ Самандар Қувватови маҷруҳро 10 руз ба хона ҷавоб додааст. Ба гуфтаи додгоҳ, Нуралишо Нажмиддинов, яке аз ҳамхидматони Самандар рӯзи 23-уми март... Читать дальше...
Маъмурони амниятии Покистон дар як амалиёте дар шаҳри Кветта дар вилояти Балучистон 9 ҷангҷӯи гуруҳи ба ном “Давлати исломӣ”-ро куштаанд. Мақомоти расмӣ рӯзи 16-уми май зимни нашри ин хабар гуфтанд, ки дар ҷараёни амалиёти чандсоата дар минтақаи Кӯҳи Меҳрон дар 47-километрии Кветта чаҳор маъмури амниятӣ захмӣ шудаанд. Ба гуфтаи мақомот, ҷасадҳои ҷангҷӯёнро ба як шифохонае ба Кветта овардаанд. Амалиёт ба зидди ҷангҷӯён баъди он шуруъ шуд, ки ҳамлаву бомбгузориҳо дар моҳи Рамазон дар Балучистон афзоиш ёфт. Читать дальше...
Бо як дастури вазорати тандурустӣ Фарзона Наимова, модари 3 тифли мубтало ба бемории хун, барои муолиҷаи фарзандонаш бо хуни ройгон таъмин мешавад.
Дар маҳбаси Норак, ки асосан дар он занон адои ҷазо мекунанд, 9 кӯдаки то 4-сола сола ҳамроҳи модарони худ нигаҳдорӣ мешаванд. Мақомот мегӯянд, онҳо дар озодӣ таваллуд шудаанд ва баъди ҷиноят кардани модаронашон ба зиндон афтодаанд.