Вазири умури дохилии Олмон гуфт, бо боздошти 7 нафар аз ҷумла 5 тоҷик, аз як ҳамлаи террористӣ ҷилавгирӣ карданд. Ненсӣ Фейсер рӯзи 6-уми июл ва баъди он суҳбат кард, ки додситонии Олмон гуфт, як ҳалқаи террористӣ ният дошт дар Олмон ҳамлаи мудҳише анҷом диҳад.
Мақомоти интизомии Қирғизистон мегӯянд, 10 узви ҳизби аслии мухолифи давлатро бо иттиҳоми омодагӣ ба табаддулоти давлатӣ дастгир карданд.
Ба Хуҷанобиддин Бобиев, маҳбуси тоҷик ва падари Далер Бобиев тифле, ки маргаш дар Екатеринбург пурсарусадо шуд, иҷоза надоданд дар маросими ба хоксупории писараш ширкат кунад. Далер Бобиеви 6-сола рӯзи 5 июл дар оромгоҳе дар наздикии Екатеринбург дафн карданд. Хуҷанобиддин Бобиев аз мақомоти Русия хоста буд, барояш иҷоза диҳанд, ки дар маросими дафни писараш иштирок кунад. Аммо мақомоти Русия дархосташро рад кардаанд. Маросими видоъ бо тифли муҳоҷири тоҷик, дар масҷиди Абу Ҳанифаи Екатеринбург баргузор шуд. Читать дальше...
Рӯзи 7 июл дар шабакаҳои иҷтимоӣ наворе нашр шуд, ки корбарон онро ҷузъиёти нави парвандаи рабуда шудани Шуҳрат Исматуллоев, муовини аввали раиси “Ориёнбонк” мешуморанд. Дар куҷо ва кай сабт шудани ин навор маълум нест.
Рӯзи 6-уми июл қурби рубли русӣ дар муқоиса ба доллар ба ҳадде поин омад, ки дар 15 моҳи гузашта дида нашудааст. Дар ин рӯз 1 доллари амрикоӣ ба 93 рубли русӣ баробар шуд, ҳарчанд дар давоми рӯз арзиши рубл андаке боло рафт. Ошӯби нофарҷоми Евгений Пригожин бо гуруҳаш "Вагнер" ва талаботи зиёд ба арзи хориҷӣ дар Русия сабаби поин рафтани қурби рубли русӣ шудааст. Дмитрий Песков, сухангӯи раиси ҷумҳури Русия гуфтааст, ки ингуна поинравӣ дар гузашта ҳам мушоҳида шудааст ва арзиши рубл бо гузаштани андаке вақт ҷояшро гирифтааст. Читать дальше...
Идораи Омбудсмен ё Ваколатдор оид ба ҳуқуқи инсон дар Тоҷикистон аз кори сомонаҳои додгоҳҳо ва дигар вазорату идораҳои давлатӣ интиқод намудааст. Ин ниҳод дар гузориши солонаи худ, бар асоси як мониторинге, ки анҷом додааст, гуфтааст, "сомонаҳои аксар мақомоту идораҳо ба талабот... мутобиқ нестанд.
Дар аксар кишварҳои ҷаҳон вебсайтҳои ниҳодҳои давлатӣ як манбаи дарёфти иттилоъ дар бораи ин ё он идора аст, вале дар Тоҷикистон чӣ? Худи ваколатдори ҳуқуқи инсони кишвар гуфтааст, “сомонаҳои аксар мақомоту идораҳо ба талабот ҷавобгӯ нестанд ва нав карда намешаванд”.
Узбекистон чашм ба роҳи интихоботест, ки натиҷааш пешгӯишаванда аст. 9-уми июл дар ин кишвар интихоботи раёсати ҷумҳурӣ баргузор мешавад.
Эмсал Коҷ, собиқ роҳбари маркази "Диалог" дар Душанбе, ки аз тарафдорони Фатҳулло Гюлен ном бурда мешуд, аз Тоҷикистон ба Туркия бурда шудааст. Маркази озодии Стокҳолм гуфтааст, ин шаҳрванди Туркияро ғайриқонунӣ ба Туркия бурда, бо далели робитааш бо ҷунбиши Гюлен боздошт карданд.