Новости за 09.01.2022

(Казан, 9 гыйнвар, «Татар-информ»). Әлмәттә «Кыш-2022» креатив чаналар фестивале узды, анда җиңелүчеләр булмады. Бу хакта «ЮВТ» хәбәр итә. Фестивальдә катнашучылар теләсә кайсы материалдан, шул исәптән полипропилен торбалардан да креатив чаналар ясаган. Креативлыкта дүрт команда көч сынаша, аларның һәркайсы үз куллары белән ясаган чаналарын тәкъдим итте. «Кояшлы Федор» командасы конкурста беренче тапкыр катнашты, башкаларны да күзәттеләр. 2023 елда тагын да ныграк шаккаттырырга сүз бирделәр.... Читать дальше...

(Казан, 9 гыйнвар, «Татар-информ»). 2022 ел гыйнвар аеның беренче атнасында Актаныш районы Татар Ямалысы авылы мәчетендә балаларның кышкы ялы оештырылды. Биредә бер төркем малайлар-кызлар кышкы каникулда да ял иттеләр, күңелләрен сафландырдылар, дин сабагы алдылар. Бу хакта Бөтендөнья татар конгрессы хәбәр итә. Балаларны, үсеп килүче яшьләрне әхлаклы итеп тәрбияләү, аларга дин сабагы бирү өчен янып-көеп йөрүче Татар Ямалысы авылы мәчете имам хатыйбы Назыйл Харисов, аның тормыш иптәше Ләйлә абыстай... Читать дальше...

(Казан, 9 гыйнвар, «Татар-информ»). Түбән Камада танылган педагог, СССРның халык мәгарифе отличнигы, Татарстан Республикасының атказанган укытучысы Зәки Нуртдинов вафат булды. Аңа 88 яшь иде. Ул авырудан соң вафат булган. Бу хакта «Татар-информ»га Түбән Кама мэриясендә хәбәр иттеләр.  «Хушлашу 10 гыйнварда сәгать унда Үзәк мәчет янында булачак», — дип аңлатты Түбән Кама вице-мэры Марина Камелина.

(Казан, 9 гыйнвар, «Татар-информ»). Нурлатның «Кондырча» ландшафт паркында икенче тапкыр «БалыкFest» фестивале узды. Анда 50дән артык һәвәскәр балыкчы катнашты, дип хәбәр итә «Нурлат хәбәрләре» басмасы. Беренче категорияле хөкемдар, РФ спорт мастеры Олег Гарипов конкурсның критерийлары демократик иде, балыкчылар ике номинациядә ярышты, диде. Аның берсендә ике кармак белән, икенчесендә бер кармак белән балык тотарга рөхсәт ителгән. Нәтиҗәдә, 49 балыкчы беренче һәм тагын икесе икенче категориядә катнашкан. Читать дальше...

(Казан, 9 гыйнвар, «Татар-информ»). Россия территориясендә SARS-CoV-2 коронавирусының омикрон-штаммы Covid-19 инфекциясенең өстенлекле вариантына әверелүе рекордлы авырулар санына китерәчәк. Бу хакта вирусолог Анатолий Альтштейн кисәтте, дип хәбәр итә Ura.ru басмасы. Медицина фәннәре докторы әлегә илдә, нигездә, коронавирусның «авырулар буенча да, үлем буенча да кими барган» дельта-варианты циркуляцияләнүен искәртте. « < ... >„Омикрон“ киләчәк, һәм, дөрес диагностика ясасалар, анда йөзләгән мең кеше булачак... Читать дальше...

(Казан, 9 гыйнвар, «Татар-информ»). Россия Тышкы эшләр министрлыгы Россия гражданнарыннан Казахстаннан китү буенча 1600 гә якын гариза теркәгән. Бу хакта ведомствоның рәсми вәкиле Мария Захарова үзенең Telegram-каналында хәбәр итте. Аның сүзләренчә, ведомство Россия гражданнарыннан 1600гә якын гариза алган, алар Россиягә кайтырга теләк белдергән. «Бүгенге көнгә, Россиягә кайту өчен, чит илдән ташу бортларыннан файдаланырга теләк белдергән 1600гә якын граждан теркәлгән», — диде Захарова.

(Казан, 9 гыйнвар, «Татар-информ»). Иртәгә, 10 гыйнварда, Татарстанда шактый салкын һава торышы саклана. Бу хакта ТР Гидрометеорология үзәге хәбәр итә. Республикада аязучан болытлы һава торышы көтелә. Төнлә явым-төшем булу ихтималы аз, көндез урыны белән, Казанны да кертеп, кар һәм буран фаразлана. Көньяк-көнчыгыштан һәм көньяктан талгын җил көтелә. Юлларда бозлавык саклана, дип билгеләп үтә синоптиклар. Төнлә төбәк буенча һава температурасы -12дән -17 градуска кадәр, аязган вакытта һәм түбән урыннарда — 22 градуска кадәр салкын булачак. Читать дальше...

(Казан, 9 гыйнвар, «Татар-информ»). Казахстанда Яңа елдан соң башланган протестлардан массакүләм тәртипсезлекләрдә, ким дигәндә, 164 кеше һәлак булган. Бу хакта илнең сәламәтлек саклау министрлыгына сылтама белән үзенең Telegram-каналында «Sputnik Казахстан» басмасы хәбәр итә. Аерым алганда, Казахстанның элеккеге башкаласы Алма-Атада 103 кеше, шул исәптән ике бала үлгән. Кызылорда өлкәсендә егерме бер кеше һәлак булган. Тагын ун кеше — Жамбыл, сигезе Алма-Ата өлкәсендә тәртипсезлекләр корбаны булган. Читать дальше...

(Казан, 9 гыйнвар, «Татар-информ», Полина Шевчук). Кичә Чулман аша кичүдә боз астына киткән фураны ярга чыгара башладылар. «Татар-информ» мәгълүмат агентлыгына шаһитлар сөйләвенчә, күп тонналы машинаны бушатканнар – кузовта каучук булган. Урынга фураны судан тартып чыгару өчен тягач чакырганнар. Элегрәк «Татар-информ» төнлә Чулман елгасы аша боз кичүендә күп тонналы фураның суга төшүе турында хәбәр иткән иде.

(Казан, 9 гыйнвар, «Татар-информ»). Башкортстанда Россиянең атказанган спорт мастеры, ике тапкыр паралимпия уеннары чемпионы Ирек Маннанов вафат булды. Бу хакта «Бәләбәй хәбәрләре» газетасы яза, дип хәбәр итә «Башинформ» . Ирек Маннанов 1998 елдан Югары спорт осталыгы мәктәбе өчен чыгыш ясый, 1997 елдан Россия җыелма командасы әгъзасы була. Ул чаңгыда узышу буенча ун тапкыр Россия чемпионы, күрү буенча инвалидлар арасында биш мең һәм 10 мең метрга йөгерүдә җиңел атлетика буенча Россия чемпионатының дүрт тапкыр көмеш призеры. Читать дальше...

(Казан, 9 гыйнвар, «Татар-информ»). Россиядә соңгы тәүлектә рәсми рәвештә 13 сентябрьдән башлап Covid-19  коронавирусыннан үлүчеләрнең минималь саны (ул чакта 719 кеше үлгән) теркәлгән. Инфекциягә каршы көрәш буенча федераль оператив штаб мәгълүматларыннан күренгәнчә, бер көн эчендә 763 кеше үлгән, ә бер көн алданрак 796 үлем очрагы теркәлгән булган. Шулай итеп, коронавирус аркасында үлүчеләр саны 316 163кә җиткән. Шул ук вакытта Росстат мәгълүматларына караганда, 2021 елның ноябрендә генә дә Россиядә... Читать дальше...

(Казан, 9 гыйнвар, «Татар-информ»). Бүген РФ Оборона министрлыгының өч хәрби-транспорт авиациясе самолеты Казахстаннан россиялеләрне эвакуацияләде. Алар Алма-Атадан Мәскәү өлкәсенең Чкалов аэропортына очты. Бу хакта Россиянең Алма-Атадагы Генераль консуллыгына сылтама белән РИА Новости хәбәр итә. «Беренче өч самолет 100әр кеше белән Чкаловский аэропортына очты», - дип аңлатты Алма-Атада РФ Генераль Консуллыгының консул-киңәшчесе Владимир Малышев. Дипломат сүзләренә караганда, Россиягә эвакуация рейсларын... Читать дальше...

(Казан, 9 гыйнвар, «Татар-информ», Лилия Гаделшина). Казанның халык фотостудиясе ел саен Яңа елны яңа күргәзмә белән башлый. 2022 елның беренче фотокүргәзмәсе белән танышырга Казанның танылган профессиональ фотографлары да килде. «Казан» фотостудиясе инде алтмыш елга якын Дәрвишләр бистәсендә урнашкан Сәетгалиев исемендәге Мәдәният сарае карамагында эшли һәм фотография сәнгатен сөюче төрле яшьтәге, төрле һөнәр ияләрен берләштерә.  Фотостудиянең җитәкчесе, Татарстанның атказанган мәдәният хезмәткәре... Читать дальше...

(Казан, 9 гыйнвар, «Татар-информ», Артур Хәлилов). 1 февральдә фигуралы шуу буенча Россия җыелма командасы Красноярскидан Пекинга Олимпия уеннарына очачак. Бу хакта ТАСС басмасына Россиянең тимераякта фигуралы шуу федерациясе генераль директоры Александр Коган белдерде. Ул сүз команда чыгышлары турында баруын искәртте. Шунысын да билгеләп үтәргә кирәк, бу дисциплинада хатын-кызлар һәм ир-атлардан ялгыз шуу буенча бер вәкил, шулай ук һәр илдән бер пар һәм бию дуэты катнаша. Шулай итеп, хатын-кызлар... Читать дальше...

(Казан, 9 гыйнвар, «Татар-информ»). Казахстанның элеккеге башкаласы Алма-Атада атыш вакытында дүрт яшьлек кыз бала һәлак булган. Бу хакта Бала хокуклары буенча вәкаләтле вәкил Аружан Саин сөйләде, дип хәбәр итә Telegram-каналда Tengrinews.kz порталы. Фаҗига 7 гыйнварда булган. Кыз башка өч бала белән бергә машинада бара торган булган, Сәйфуллин һәм Сатпаев урамнары чатында автомобильгә атканнар. Элегрәк Алма-Атада күпләп тәртипсезлекләр вакытында әти-әнисе белән бергә урамда йөргән 11 яшьлек баланың... Читать дальше...

(Казан, 9 гыйнвар, «Татар-информ»).Татарстанда узган тәүлектә Covid-19 коронавирусының 100 яңа очрагы теркәлгән. Ике кеше авыруны читтә йоктырган, калганнары авыру кеше белән аралашу юлы белән эләктергән, дип хәбәр итә ТР Сәламәтлек саклау министрлыгы матбугат хезмәте. «Утыз җиде кеше хастаханәгә урнаштырылды, 63 кеше өйдә дәвалана», — диделәр ведомствода. Авыручыларның күбесе Казанда теркәлгән, анда авыруны 68 кеше йоктырган. Яшел Үзән районында — җиде, Чаллыда алты очрак теркәлгән. Авыру барлыгы 15 муниципалитетта ачыкланган. Читать дальше...

(Казан, 9 гыйнвар, «Татар-информ»). Татарстанда тагын биш кеше коронавирус корбаны булган. 2022 елның 9 гыйнварына Татарстанда ковидтан барлыгы 1486 кеше үлгән, дип хәбәр итә ТР Сәламәтлек саклау министрлыгы матбугат хезмәте. «Үлүчеләр саны - 1486, шуларның бишесе узган тәүлектә расланды < ... > », — дип хәбәр иттеләр ведомствода. Коронавирустан 1960 һәм 1961 елгы ир-атлар, 1941, 1950 һәм 1961 елгы хатын-кызлар үлгән.

(Казан, 9 гыйнвар, «Татар-информ»). Кипрда SARS-CoV-2 коронавирусының «дельта» һәм «омикрон» штаммнары гибридыннан торган яңа варианты - «дельтакрон» ачыкланган. Аны Кипр университетының Биотехнология һәм молекуляр вирусология лабораториясе тикшеренүчеләре ачыклаган. Яңа вирус турында журналистларга әлеге лаборатория мөдире Леонтиос Кострикис сөйләде, дип хәбәр итә ТАСС. Яңа вариант дельта-штаммдагы кебек генетик нигезгә ия, тик шул ук вакытта аның кайбер мутацияләре омикрон-штаммга туры килә. «Омикрон»га... Читать дальше...

(Казан, 9 гыйнвар, «Татар-информ»). Россия гражданины паспортында никах һәм балалар булу турындагы билгеләрне теркәүне ил халкы турындагы төп мәгълүматларны электрон рәвештә саклау аркасында кире кактылар. Бу хакта РФ Эчке эшләр министрлыгы матбугат үзәгендә әйттеләр, дип хәбәр итә ТАСС. «Дәүләт идарәсенең цифрлы трансформациясе шартларында, гражданнар турында төп мәгълүмат хакимият органнарының мәгълүмат системаларында туплана һәм кызыксынган ведомстволарга сорау буенча бирелә. Шунлыктан паспортта... Читать дальше...

(Казан, 9 гыйнвар, «Татар-информ»). Казан җәмәгать киңлекләрендә бәйрәм марафоны дәвам итә. Шәһәр халкы һәм Татарстан башкаласы кунаклары Яңа ел тамашасын карый, чаңгы марафонында катнаша һәм тимераякта шуарга өйрәнә ала, дип хәбәр итә KZN.RU. 11: 00 сәгатьтә Гаврилов урамы парк территориясендә чаңгы турниры була. Шул ук вакытта «Черек күл» паркында фигуралы шуу буенча балалар өчен мастер-класслар да узачак. 16: 00 сәгатьтә «Крылья Советов» паркында шәһәр халкын Яңа ел тамашасы көтә. 18: 00... Читать дальше...

(Казан, 9 гыйнвар, «Татар-информ»). Табиб каникулның соңгы көнендә нинди дә булса активлык планлаштырмаска һәм төн уртасына кадәр йокларга ятарга, ә беренче эш көнендә тиз уяну өчен киңәшләр бирде. Тиз уяну өчен иртәнге зарядка, контрастлы душ, туклыклы иртәнге аш, кайнар хуш исле кәһва яки кара чәй файдалы, дип хәбәр итте РИА Новостига Мәскәү Сәламәтлек саклау департаментының өлкәннәргә беренчел медик-санитар ярдәм күрсәтү буенча штаттан тыш баш белгече Андрей Тяжельников. Ул төнге 11 яки 12 тулганчы йокларга ятарга кирәклеген әйтте... Читать дальше...

(Казан, 9 гыйнвар, «Татар-информ»). 2022 елның беренче җомга намазында Россия Федерациясе мөселманнары Диния нәзарәте рәисенең беренче урынбасары теология докторы Дамир Мөхетдинов Мәскәү Җәмигъ мәчетендә җыелучыларга мөрәҗәгать итте. Мөхетдинов чыгышында Казахстандагы вазгыятькә аерым тукталды. РФ Диния нәзарәте рәисенең беренче урынбасары искәрткәнчә, БДБ илләре мөселманнары – бердәм организм, һәм Казахстанда барган вакыйгалар Россия мөселманнары күңелендә борxу тудыра. Ул җыелганнарның барысын да Казахстан җирендә гаделлек... Читать дальше...

(Казан, 9 гыйнвар, «Татар-информ»). Шагыйрә Фәридә Рәсүлева вафат булган. Бу хакта ТР Язучылар берлеге хәбәр итә. «Мәрхүмәнең урыны җәннәттә булсын. Якыннарына сабырлык телибез», — дип язылган хәбәрдә. Фәридә Рәсүлева танылган прозаик Атилла Расихның кызы.

(Казан, 9 гыйнвар, «Татар-информ»). 2022 елдан банкка бурычлары булган кешеләр үз керемнәренең бер өлешен түләтүдән саклый алачак, дип сөйләде «Прайм» агентлыгына Россиянең атказанган юристы Иван Соловьев. Бу хакта РИА Новости хәбәр итә. 234-ФЗ законы нигезендә, 2022 елның 1 гыйнварыннан бурычлы кешенең кагылгысыз минималь керемгә хокукы барлыкка киләчәк. Моның өчен гражданин аның кеременә бурычны түләттерү турында эш кузгатылган яки алып барыла торган суд приставлары бүлекчәсенә мөрәҗәгать итәргә тиеш була. Читать дальше...

(Казан, 9 гыйнвар, «Татар-информ»). Тамак, баш авырту һәм томау төшү хәзер күпчелек очракта SARS-CoV-2 коронавирусының омикрон-штаммы белән зарарлану билгеләре булып тора. Моңа Лондон Корольлеге көллиятенең өлкән фәнни хезмәткәре һәм ZOE Covid Study кушымтасы командасы катнашучысы Клэр Стивс игътибар иткән, дип яза Британиянең Daily Express газетасы. «<...> яңа очракларның 75 процентында Covid симптомнарының салкын тиюгә охшавы, ә классик симптомнарның сирәгрәк очравы Хөкүмәткә киңәш-тәкъдимнәрне тиз арада яңартырга кирәклеген искәртә»... Читать дальше...