Новости за 21.01.2022

(Апас, 21 гыйнвар, «Татар-информ», «Апастово-информ» , Ландыш Гайнуллина). Ак Барс Банк Татарстанның электрон сәүдә үзәге белән берлектә район эшмәкәрләре өчен тематик бизнес-очрашу үткәрде. «Бизнес очрашу эшмәкәрләрне электрон сәүдә базарының мөмкинлекләре белән таныштыруга багышланды. Бу уңайдан кече һәм урта бизнес вәкилләренә маркетплейс турында гомуми аңлатма бирү, республиканың икътисад үсеше өчен Е-коммерс өлкәсенең уңышлы булуын җиткерү, эшмәкәрлектә маркетплейс мәйданчыгыннан файдалану үзенчәлекләре белән таныштыру ... Читать дальше...

(Казан, 21 гыйнвар, «Татар-информ»). Сәламәтлек саклау өлкәсендә эшләүчеләргә хезмәт хаклары түләр өчен Мәҗбүри медицина иминиятләштерүе фонды бюджетыннан 17 миллиард сум акча бүлеп биреләчәк. Бу хакта Россия Федерациясенең Премьер-министры Михаил Мишустин белдерде, дип хәбәр итә Россия Хөкүмәтенең Telegram-каналы. Премьер-министр әйтүенчә, коронавирус пандемиясенең һөҗүменә карамастан, мөһим кадрлар мәсьәләләрен дә хәл итәргә кирәк, шул исәптән сәламәтлек саклау өлкәсендә дә. «Быел безнең медицина... Читать дальше...

(Казан, 21 гыйнвар, «Татар-информ», Зилә Мөбәрәкшина). Бүген Габдулла Тукай әдәби музеенда «Музейда музыка» циклыннан әдәби-музыкаль кичә узды. Муса Җәлил премиясе лауреаты, скрипкачы Динә Закирова сүзләренчә, әдәби-музыкаль кичәләрдә киләчәктә балаларны да, эстрада артистларын да җәлеп итәчәкләр. «Проектта иҗатташ дусларыбыз белән зур булмаган тамаша оештырасыбыз килде. Европада зур форматлы концертлар күптәннән юк, сәгать ярымлы кичәләр популярлашты. Ул тамашачыны ялыктырмый. Артык та булмасын... Читать дальше...

(Казан, 21 гыйнвар, «Татар-информ»). Самара өлкәсенең Камышлы районы Балыклы авылы мәдәният йортында «Кышкы романс» дип аталган ретро-концерт булып узды. Бу хакта «Самара татарлары» яза. Әлеге проектның авторы — Балыклы авылы мәдәният йорты мөдире Линар Сәгыйть улы Габсаттаров. Концертта Балыклының һәм Камышлы районының үзешчән артистлары катнашты. Алар тамашачыларны моңлы җырлары, күңелле биюләре һәм мәзәкләре белән сөендерде, диелгән хәбәрдә.

(Казан, 21 гыйнвар, «Татар-информ»). Россиянең премьер-министры Михаил Мишустин илебезнең Хөкүмәтен һәм федераль хакимият органнарын эш һәм киңәшмәләр уздыруның дистанцион форматына күчерергә кушты. Бу хакта Хөкүмәтнең рәсми Telegram-каналы хәбәр итә. Аерым алганда, 21 гыйнвардан вице-премьерлар, Хөкүмәт Аппараты һәм шулай ук федераль министрлыклар һәм ведомстволар, аларның территориаль бүлекчәләре һәм ведомство карамагындагы оешмаларның киңәшмәләре мөмкин булганча дистанцион форматта уздырылырга тиеш. Читать дальше...

(Казан, 21 гыйнвар, «Татар-информ», Алексей Угаров). Россиягә дөнья тәртибенә Мәскәү белән тигез йогынты ясарга сәләтле берничә эре региональ агломерация кирәк. Татарстан шуларның берсенең үзәге була ала. Россия Федерациясенең Хисап палатасы рәисе Алексей Кудрин «Татарстан Республикасы агломерацияләренең социаль-икътисади үсеше проблемалары һәм перспективалары» дип аталган стратегик сессиядә шундый фикер белдерде. «Үзенең эффективлыгына, энергиялелегенә, максатчанлыгына карамастан, Татарстанның үзенең генә көче җитеп бетми. Читать дальше...

(Казан, 21 гыйнвар, «Татар-информ»). 2022 елда пенсиядәге гади гражданнарның гына түгел, ә пенсиягә чыккан хәрбиләрнең һәм хокук саклаучыларның да пенсияләрен 8,6 процентка индексацияләү мөһим. Бу хакта Россия Президенты Владимир Путин Россия Федерациясенең Куркынычсызлык советы әгъзалары белән киңәшмәдә белдерде, дип хәбәр итә Кремльнең матбугат хезмәте. Дәүләт башлыгы 1 гыйнвардан пенсия түләүләрен инфляция дәрәҗәсеннән югарырак индексацияләү турындагы закон проектын Дәүләт Думасының беренче укылышта хуплавын әйтте. Читать дальше...

(Казан, 21 гыйнвар, «Татар-информ»). Бүген Татарстан Республикасы Президенты Рөстәм Миңнеханов республиканың Хөкүмәт Йортында Россиянең спорт министры Олег Матыцин белән очрашты. Бу хакта Татарстан җитәкчесенең матбугат хезмәте хәбәр итә. Республика башлыгы һәм Россиянең спорт министры Казанда узачак халыкара спорт чараларын уздыру һәм аларга әзерлеккә кагылышлы мәсьәләләр һәм шулай ук Татарстанда массачыл спортны үстерүдә алга таба ясаласы адымнар турында фикер алышты. Алар шулай ук Россиянең... Читать дальше...

(Казан, 21 гыйнвар, «Татар-информ»). Татарстан Президенты Рөстәм Миңнеханов бүген Татарстан Республикасының Хөкүмәт йортында Россия Федерациясенең Хисап палатасы рәисе Алексей Кудрин белән очрашты. Ул эш сәфәре белән Казанга килгән иде. Бу хакта республика җитәкчесенең матбугат хезмәте хәбәр итә. Яклар Россия регионнарының икътисадын үстерү һәм Федерация субъектларын финанслау мәсьәләләре турында сөйләште. Алар Татарстанның икътисади үсеш нокталары, аның агломерацияләре үсеше темаларына да кагылды. Читать дальше...

(Казан, 21 гыйнвар, «Татар-информ», Гөлнар Гарифуллина). Татарстанда быел 30 мең баш сыерга исәпләнгән 35 терлекчелек фермасы кулланышка кертелә. Бу хакта ТР Премьер-министры урынбасары-авыл хуҗалыгы һәм азык-төлек министры Марат Җәббаров ТР Министрлар Кабинетының Баш ветеринария идарәсе һәм Россельхознадзорның ТР буенча идарәсенең коллегия утырышында хәбәр итте.  Бу комплекслар өчен Россиянең башка өлкәләре һәм чит илләрдән нәселле таналар сатып алу планлаштырыла. Министр былтыр 15 мең баш терлеккә... Читать дальше...

(Казан, 21 гыйнвар, «Татар-информ», Алексей Угаров). 2022 елда Татарстан, фатирларга бәяләр артуга һәм ипотека кредитлары ставкалары күтәрелүгә карамастан, 3 млн квадрат метрдан да ким булмаган торак төзеп тапшырырга планлаштыра. Бу хакта Татарстан Президенты Рөстәм Миңнеханов Татарстан Республикасының Хөкүмәт Йортында узган киңәшмәдә әйтте. «Соңгы елларда без иҗтимагый пространстволар буенча актив эшлибез, өченче ел инде бер меңнән артык күп фатирлы йортларның ишегалларын безнең стандартларга туры китерәбез. Читать дальше...

(Казан, 21 гыйнвар, «Татар-информ», Алексей Угаров). Татарстан Президентына республиканың шәһәр һәм районнарында җир резервларының фаразлаганнан тизрәк бетүе турында белдерделәр. Татарстанның күпчелек шәһәр һәм районнары территорияләрне үстерү өчен җир участоклары җитмәү проблемасы белән очрашты. Бу хакта Татарстан Республикасының төзелеш, архитектура һәм торак-коммуналь хуҗалык министры урынбасары Владимир Кудряшев Татарстан Президенты Рөстәм Миңнеханов катнашындагы утырышта әйтте. «Көн кадагындагы тагын бер мәсьәлә ... Читать дальше...

(Казан, 21 гыйнвар, «Татар-информ», Рузилә Мөхәммәтова). Ирада Әюпова бүген Мәдәният министрлыгының йомгаклау коллегиясендә ясаган чыгышында Туфан аганың соңгы чыгышында алга куелган бурычларның барысы да үтәлүен әйтте. «Минем хәтеремдә калганча, Туфан ага Миңнуллин Дәүләт Советы сессиясендә ясаган соңгы чыгышында өч проблеманы күрсәткән иде — Милли китапханәгә, Чаллы дәүләт театрына һәм Түбән Кама дәүләт театрына яңа бина кирәклеге. Болар барысы да үтәлде», — диде ул үз чыгышында. Ирада Әюпова әлеге... Читать дальше...

(Казан, 21 гыйнвар, «Татар-информ»). Бүген Казанда Татарстанның Дәүләт Киңәшчесе Минтимер Шәймиев белән Россиянең спорт министры Олег Матыцин очрашты. Татарстан Республикасы Президентының матбугат хезмәте хәбәр иткәнчә, Олег Матыцин Минтимер Шәймиевне 85 яшьлек юбилее белән котлады һәм аңа Россия Федерациясе Спорт министрлыгының югары бүләген — «Физик культура һәм спортны үстерүгә керткән өлеше өчен» мактау билгесен тапшырды. «Сез безнең укытучыбыз һәм остазыбыз. Сез спорт өлкәсендә бик күп яхшы кадрлар... Читать дальше...

(Казан, 21 гыйнвар, «Татар-информ»). Төзелеше актив рәвештә тикшерелүче Казандагы җәмигъ мәчете рухи-мәгърифәтчелек үзәге, яңа символ, башкалабызда үзенә тартып тора торган яңа урын булырга тиеш, дип саный Татарстан Республикасы мөселманнарының диния нәзарәте рәисе Камил Сәмигуллин. Бу хакта ул «Татар-информ» мәгълүмат агентлыгына биргән интервьюда әйтте. «Бәлки Казанда мәчетләр күптер дә, һәм алар якында гына урнашканнардыр да, бигрәк тә Иске татар бистәсендә. Ләкин бүген дин кардәшләрнең бер мәйданда җыела алуына... Читать дальше...

(Казан, 21 гыйнвар, «Татар-информ»). Россия җитәкчесенең матбугат секретаре Дмитрий Песков Владимир Путинның ковид белән авырганы булмавын әйтте. Пандемия башланганнан бирле Россия Президенты Владимир Путин бер тапкыр да Covid-19 йоктырмаган. Бу хакта Россия җитәкчесенең матбугат секретаре Дмитрий Песков белдерде, дип хәбәр итә ТАСС. Шул ук вакытта Песков Президент «үзен яхшы хис итә, эш кәефендә, эшли», — ди. 2021 елның язында Путин ике компонентлы «Спутник V» прививкасы кадаткан. Ноябрь аенда... Читать дальше...

(Истанбул, 21 гыйнвар, «Татар-информ», Рушания Алтай). Төркиянең Гази университеты галиме, язучы Искәндәр Өксүз татар –төрек сәясәтчесе, дәүләт һәм җәмәгать эшлеклесе Садри Максуди хакында мәкалә язган. Ул милләттәшебезне «шәкерт-остаз» мөнәсәбәтләре эчендә анализлаган.  Искәндәр Өксүзнең күләмле мәкаләсе төрки дәүләтләр һәм тугандаш халыклар дуслыгы, туганлыгы һәм хезмәттәшлек фондының матбугат органы — «Дәнгә» журналының соңгы санында һәм милли стратегия тикшеренүләр советының «Милли фикер» электрон басмасында дөнья күрде. Читать дальше...

(Казан, 20 гыйнвар, «Татар-информ»). Чаллыда яңа газета — «Шәһри Чаллы кичләре» басмасы һәр жомга чыгачак. Монда тормыш мизгелләре, гыйбрәтле хәлләр, язмышлар, кызыклы әңгәмәләр урын алачак. «Безнең халыкчан газета ясыйсыбыз килде. Халыкка кызыклы һәм файдалы газета чыгару турында коллектив белән күптән уйландык, укучыларыбызның теләк-тәкъдимнәрен ңентекләп өйрәндек. Хәтта газетага исемне дә бергәләшеп сайладык. „Тормыш мизгелләре“, „Язмышлар ярында“ дигән исемнәр арасыннан „Шәһри Чаллы кичләре“ нә тавыш бирүчеләр күбрәк булды»... Читать дальше...

(Казан, 21 гыйнвар, «Татар-информ», Зилә Мөбәрәкшина). Санкт-Петербургның Җәмигъ мәчетендә Бөек Ватан сугышы вакытында Ленинградны камалыштан азат итүдә катнашкан һәм һәлак булган сугышчыларның рухына дога кылганнар. «Мондый чаралар яшь буынга рухи-әхлакый кыйммәтләрне өйрәтү, толерантлыкны тәрбияләү өчен мөһим. Ленинград камалышы 872 көн дәвам иткән. Немецлар шәһәрне 1941 елның 8 сентябрендә чолгап ала. Шәһәрне фашистлардан 1944 елның 27 гыйнварында гына азат иткәннәр», — диде «Татар-информ» хәбәрчесенә... Читать дальше...

(Казан, 21 гыйнвар, «Татар-информ»). «Яндекс-метрика» рейтинглары буенча, 2021 елда «Интертат» электрон газетасының уникаль укучылары саны 1 миллион 130 мең булды. Бу — татар телле сайтлар арасында рекордлы күрсәткеч. Уникаль укучылар — бер IP-адрестан сайтка билгеле бер вакыт аралыгында кергән укучылар. Әйтик, фатирдагы бер Wi-Fi кулланып кергән берничә укучы сайт өчен бер уникаль укучы булып исәпләнә. «Яндекс-метрика» мәгълүматлары буенча, «Интертат» сайтын ел буена барлыгы 21 500 000 тапкыр ачып укыганнар. Читать дальше...

(Казан, 21 гыйнвар, «Татар-информ», Алексей Угаров). Татарстанның зур шәһәрләре агломерацияләре республика икътисадының үсеш ноктасы булып тора. Ләкин аларны үстерер өчен хокукый база кирәк. Татарстан Республикасы Президенты Рөстәм Миңнеханов Татарстанның Хөкүмәт Йортында узган киңәшмәдә шундый фикер белдерде. «Әле 2030 елга Стратегияне эшләгәндә үк без, икътисадны үстерүнең төп үсеш нокталары буларак, агломерацияләрнең үсешен күздә тоттык. Агломерацион үсеш турында бүген еш ишетелә, Федераль Хөкүмәт тә әлеге теманы күтәрә. Читать дальше...

(Казан, 21 гыйнвар, «Татар-информ», Эльза Кузнецова). Татарстанның Дәүләт Киңәшчесе Минтимер Шәймиев үзе турында «Шәймиев» дигән документаль фильмда Зөя утрау-шәһәрлеген торгызуга бәйле проектны гамәлгә ашыру турында сөйләде. «Дөресен әйткәндә, мин Зөя утрау-шәһәрлегендә башкарган эшебез, Зөяне сугыш һәм революция утравыннан тынычлык һәм татулык атавына әверелдерә алуыбыз белән горурланам. Зөя язмышы — Россиянең яңа тарихының чагылышы ул», — дип искәртте Татарстанның беренче Президенты. Шәймиев билгеләп үткәнчә... Читать дальше...

(Казан, 21 гыйнвар, «Татар-информ»). Бүген Ирада Әюпова, аягы сынган булуга карамастан, Мәдәният министрлыгы коллегиясенең йомгаклау утырышында катнашты. Ул утырып кына доклад ясады. «Татар-информ» хәбәрчесенә билгеле булганча, Ирада Əюпова буранлы көнне баскычлардан атлап менгәндә яки төшеп барганда аягын авырттырган. Үзе игътибарсызлыгын телефонына карап баруы белән аңлаткан, ди. Расланмаган хәбәрләргә караганда, Мәдәният министрының Зур концертлар залының мәрмәр баскычларында аягын каймактырган булуы ихтимал.

(Казан, 21 гыйнвар, «Татар-информ»). Казанда төзеләчәк Җәмигъ мәчетенә беренче нигез ташын май бәйрәмнәре вакытында салырга ниятлиләр. ТР мөселманнары Диния нәзарәте рәисе Камил Сәмигуллин «Татар-информ» агентлыгына шулай дип белдерде.  Аның сүзләренчә, мәчет Идел буе Болгар дәүләтендә ислам дине кабул ителүгә 1100 ел тулуны билгеләп үтү буенча федераль чаралар планына кертелгән инде. «Булачак мәчетнең нигезенә беренче ташны май бәйрәмнәре вакытында салу ниятләнә. Ә Татарстанда, объектка беренче таш салгач, ул һәрвакыт төзелеп бетә. Читать дальше...

(Казан, 21 гыйнвар, «Татар-информ»). Тикшерүчеләр Мәскәүнең Җәмигъ мәчете янында ачыктан-ачык фотосессиядә катнашкан өч кешегә дин тотучыларның хисләрен мыскыл итүдә гаепләү белдерде. Аларның фаразлавынча, фотосессия пиар өчен үткәрелгән. Бу хакта РИА Новости агентлыгы РФ Тикшерү комитетының Мәскәү шәһәре идарәсе җитәкчесенең өлкән ярдәмчесе Юлия Ивановага сылтама белән хәбәр итә. Кичә социаль челтәрләрдә һәм гаммәви мәгълүмат чараларында Мәскәүнең Җәмигъ мәчете фонында фотога төшүче кыз белән видео таралды. Читать дальше...