Новости за 05.08.2022

Түбән Кама шәһәр Советының шәһәр инфраструктурасын үстерү буенча даими комиссиясенең күчмә утырышы булып узды. Күчмә утырышта «Безнең ишегалды» программасы буенча ишегалдын комплекслы төзекләндерү, квартал эчендәге юлларны ремонтлау, шул исәптән сәламәтлекләре чикле кешеләр өчен шартлар тудыру мәсьәләләре буенча фикер алыштылар. 

Татарстан антициклон йогынтысында, шуңа күрә республикада эссе һәм коры һава торышы саклана. Якындагы көннәрдә Татарстан элеккечә югары атмосфера басымы астында булачак, явым-төшем ихтималы аз.

Россиядә яңа төзелгән тора бер елда өчтән бер өлешкә арткан. Бу турыда Бердәм төзүчеләр ресурсының аналитик күзәтүләрендә әйтелә.

Бүген кичке сәгать 7 тирәсендә Яшел Үзәннең Ленин урамында «Лада Ларгус» белән идарә итүче 47 яшьлек ир-ат юл аша самокатта чыгып барган баланы таптаткан.

Өлкән сыйныф укучылары өчен киләчәктә машина йөртү таныклыгы алу мөмкинлеге бирә торган автойөртү курсларын кертергә кирәк, шул ук вакытта практик өлешен киңәйтергә кирәк. Бу хакта «РИА Новости» хәбәр итә.

Бүген рубль бераз йомшарды, әмма атна нәтиҗәләре буенча арткан. Мәскәү биржасындагы сәүдә динамикасыннан күренгәнчә, җомга көнне доллар 60,58 сумга кадәр, ә евро 61,54 сумга кадәр арткан.

Киләсе атнада Татарстанда «Вкусно и точка» яңа бренды астында «Макдоналдс» тиз туклану челтәре рестораннары эшен яңадан башлаячак.

Латвия бүгенге көннән Россия гражданнарына билгесез срокка виза бирүне туктатты, диелә дипмиссия белдерүендә.

Стопкоронавирус.рф. порталы мәгълүматлары буенча коронавируска каршы коллектив иммунитет төшүен дәвам итә һәм бер атнада 10,7 проценттан 8,6 процентка кадәр кимегән.

Татарстанда «Наркомы Победы» күптомлы басмасы әзерләнә. Җыентыкның бер томында СССРның Бөек Ватан сугышында Җиңүгә мөселманнарның Диния нәзарәтенең керткән өлешен яктырту планлаштырыла. Фронттан хатлар китапның мөһим өлеше булачак.

Бүген Кемерово шәһәрендә ел саен уздырыла торган «Мини Сабантуй 2022» милли бәйрәме узды. Оештыручылар әйтүенчә, әлеге чараның максаты - Кемерово шәһәре халкы һәм кунаклары арасында татар мәдәниятен пропагандалау.

«КАМАЗ» инновацион үсеш һәм прогрессив технологияләр хезмәте җитәкчесе, технология үзәге директоры урынбасары Валерий Адаричев белән хушлаша, ул 3 августта вафат булды.

Башкорт галимнәре «Тормыш стиле – мәдәни код» Этно-fashion фестивале кысаларында татар милли киемнәре коллекциясен тәкъдим иткән «Милли хәситә» берләшмәсе җитәкчесе, дизайнер Илдар Гатауллинны тәнкыйтьләде.

«Мөхәммәдия» мәдрәсәсенең беренче урынбасары итеп билгеләнгән Рөстәм хәзрәт Хәйруллин мәдрәсә тирәсендә чыккан гаугада күтәрелгән темалар турында «Татар-информ» хәбәрчесенә аңлатма бирде. «Гауга мәгълүмат җитмәүгә дә бәйле», дип саный ул. Болар - түләүле уку, тулай торак һәм түләүле ашату мәсьәләләре.

Чаллы шәһәре мэры Наил Мәһдиев бүген 43нче комплекстагы биш катлы йорт янында урнашкан мемориалда булды. Ул йортта кичә янгын вакытында балалар һәлак булды. Шулай ук башкарма комитет җитәкчесе Фәрит Сәлахов та чәчәк салды.

Татарстан Премьер-министрының урынбасары – Татарстанның Россиядәге Тулы вәкаләтле вәкиле Равил Әхмәтшин Ломоносов исемендәге Мәскәү дәүләт университеты профессоры Иҗат Сабитов белән очрашты. Әхмәтшин профессорга Бөек Болгар дәүләтендә ислам кабул ителүгә 1100 ел тулуга истәлекле көмеш билге тапшырды, шулай ук Татарстанга багышланган китап-альбом бүләк итте.

4 августта Казанда Татарстан Язучылар берлеге рәисе Ркаил Зәйдуллин Мәскәү татарлары автономиясе һәм «Мирас» автономияле коммерцияле булмаган оешма вәкилләре белән очрашты. Алар «Ак Бүре дуслары клубы»н төзү буенча уртак проект турында фикер алышты.

Узган тәүлектә 18 555 кеше коронавирус йоктырган. Мондый сан Россиядә 1 апрельдән бирле теркәлмәгән. Узган тәүлектә ковид йоктыруның яңа очраклары 1,5 мең тапкыр кимрәк (17 126) булган. Пандемия башланганнан алып Россиядә 18 672 422 яңа очрак ачыкланган. Бу хакта Covid-19 инфекциясен таратуга каршы көрәш буенча оператив хезмәт хәбәр итә.

Минем медальләрем бар, әмма монысы эшләгән эшемә зур нәтиҗә булды, ди ул.

Казанның Киндери бистәсендә тәрәзә чистарту сыекчасы ясый торган складта янгын чыккан. Янгын сүндерүчеләр 11.15 сәгатьтә 900 квадрат метр мәйдандагы ялкынны чикләп алган. Янгын сүндерүчеләр шул рәвешле утның таралу куркынычын бетерде.

Казанның «Гаилә» мәчете имам-хатыйбы Рөстәм хәзрәт Хәйруллин «Мөхәммәдия» мәдрәсәсенең беренче урынбасары итеп билгеләнгән.

Мәскәү мөселманнарының Диния нәзарәте һәм Мәскәүнең «Өмет» җирле дини оешмасы «IQRA (Укы!)» дип исемләнгән бәйгедә катнашырга чакыра. Конкурста җиңүчегә кече хаҗга юллама биреләчәк. Шулай ук Төркиягә 2 кешелек һәм Үзбәкстанга 3 кешелек юлламалар һәм башка кыйммәтле бүләкләр тапшырылачак. Россия Мөфтиләр шурасы шул турыда хәбәр итә.

Җиңүчеләрне бүләкләү тантанасы «Пирамида» концертлар залында үтте.

Бу бүләкне журналистларны әзерләүче укытучыларга, остазларга ихтирам билгесе буларак кабул итәм, диде ул.

Татарстан Язучылар берлегендә «Әдәби марафон» кысаларында үткән әдәби көрәшнең беренче нәтиҗәләре ясалды.