Новости за 17.08.2022

Түбән Кама шәһәре Башкарма комитеты җитәкчесе урынбасары Айназ Ярмиев, «Безнең ишегалды» программасын тормышка ашыру буенча Татарстан Республикасы департаменты, идарәче компанияләр вәкилләре катнашында күчмә киңәшмә узды.

Россиянең көньягындагы һәм үзәк өлешендәге вакытлыча ябылган аэропортлар операция чыгымнарын компенсацияләүгә 2,5 миллиард сум тирәсе акча алачак. Бу хакта ил Хөкүмәтенең матбугат хезмәте үзенең Telegram-каналында хәбәр итә.

Татарстан Президенты Рөстәм Миңнеханов үзенең телеграм-каналында М12 Мәскәү – Түбән Новгород - Казан трассасы төзелешен күрсәтте: ул вертолетта юлның өстеннән очып узды һәм Идел аша күпер төзелеше алып барыла торган иң катлаулы участоктагы эшләрне видеога төшергән.

Татарстан халкына җәмәгать транспортында уяу һәм игътибарлы булырга киңәш ителә. Әгәр сез караучысыз калдырылган сумка, төргәк, тартма яки теләсә нинди башка шикле әйбер тапсагыз, аны урыныннан күчерергә яки ачарга ярамый – бу сезнең һәм башка пассажирларның тормышы өчен куркыныч булырга мөмкин.

Гаиләдә өченче бала туса, ипотека кредитын өлешчә капларга кирәк, дип белдерде Гаилә мәсьәләләре буенча комитет башлыгы урынбасары Татьяна Буцкая. Ярдәм суммасы миллион сумнан артып китәргә мөмкин, аның каравы акчалар «сулга» китмәячәк, дип ышануын белдергән ул.

Татарстанның Албай һәм Куйбышев аучылык хуҗалыкларында дуңгызлардагы Африка чумасының эпизоотик учаклары табылды. Бу аучылык хуҗалыкларында, шулай ук Татарстанның башка территорияләрендә ауга чыгу тыела. Бу хакта Татарстанның биоресурслар буенча дәүләт комитетының матбугат хезмәте хәбәр итә.

Зәйнәб Фәрхетдинова 55 яшьлек юбилеен туган ягы Азнакайда каршылый.

Татарстан Президенты Рөстәм Миңнеханов тимер-бетон эшләнмәләр җитештерә торган җаваплылыгы чикләнгән җәмгыять «Коген Казан»да булды. Ул күптән түгел республика башкаласында ачылган иде. Бу хакта ТР Президенты матбугат хезмәте хәбәр итә.

Бүгенге очрашу Самара өлкәсендә «Болгар мирасы» дигән тарихи-мәдәни фонд һәм Питрәч районы җитәкчеләре һәм мәдәният бүлеге тәкъдиме белән оештырылган.

Тешләрен алдырганнан соң вегетатив хәлдәге инвалид булып калган ир-ат бүген иртән Казанның җиденче хастаханәсендә вафат булган. Бу хакта «Татар-информ»га клиниканың матбугат хезмәтендә сөйләделәр.

Экология мәсьәләләре күптән гражданнарның шәхси иминлеге кысаларыннан чыкты һәм дәүләтнең милли куркынычсызлыгын билгели. Татарстан Президенты Рөстәм Миңнеханов Казан Кремлендә узган ТР Иминлек Советы утырышында шулай дип белдерде. Ул, намуссыз милекчеләрнең чистарту корылмаларын дәүләткә тапшырырга чакырып, су объектларына аерым игътибар бирергә өндәде.

«Бишенче Мəчкəрə укулары» киләчәктә ике елга бер тапкыр уздырылачак.

«Хәзрәтләргә мөрәҗәгать итәсем килә: исем кушканда исемнең дөрес язылышын күрсәтсеннәр иде», - диде ул.

Чаллы администрациясе хезмәткәрләре, коронавирус белән авыручылар саны арту сәбәпле, эш урынында кабат битлек кияргә тиеш булачак. Автокала хакимияте шундый карар кабул иткән.

«Мәчкәрә укулары» - яшь буынга татар милләтенең шәхесләрен белдерү, динебезнең чын, нык икәнен таныту чарасы», - диде дин әһелләре.

Әлмәт районы башлыгы Тимур Нагуманов битлек режимын кертү турында боерык имзалады. Аның нигезендә, барлык җирле үзидарә органнары һәм ведомство карамагындагы учреждениеләрнең хезмәткәрләре битлеклектән йөрергә тиеш. Аерым алганда, мэрия хезмәткәрләре битлекләрне киңәшмәләр уздырганда һәм гражданнарны кабул итү вакытында файдаланырга тиеш.

Татарстанда Covid-19 коронавирусы белән зарарлануның 97 яңа очрагы ачыкланган. Кичә дә авыручылар шушы ук санда теркәлгән иде. Стопкоронавирус.рф порталы мәгълүматлары шуны күрсәтә.

19 августта Казан Кремле территориясендәге ТР Сынлы сәнгать музее филиалында - «Хәзинә» Милли сәнгать галереясында Казанның танылган фотографы Фәрит Гобәевнең «Искусство присутствия» дип аталган күргәзмәсе ачыла. Күргәзмә фотографның быелның маенда дөнья күргән беренче фотоальбомы исеме белән аталган.

«Борынгы зиратта XVIII-XIX гасырларда танылган татар сәүдәгәрләре һәм химаячеләре Үтәмешевләр нәселе җирләнгән», - диде Мөнир хәзрәт Йосыпов.

2022 елның июлендә Татарстанда әзер күчемсез милеккә сорау быелның мае белән чагыштырганда 30 процентка арткан. Дәүләт теркәве, кадастр һәм картография федераль хезмәтенең (Росреестр) ТР буенча идарәсе шундый мәгълүматлар китерә.

Татарстан Сәнәгать һәм сәүдә министрлыгы 20-24 августта Иранда бизнес-миссия үткәрергә ниятли. Сәфәрдә 40тан артык компаниядән вәкилләр катнашыр дип көтелә. Делегацияне сәнәгать һәм сәүдә министры Олег Коробченко җитәкләячәк, дип хәбәр иттеләр «Татар-информ» агентлыгына ведомстводан.

Татарстанның халык артисты Салават Фәтхетдиновның 19 яшьлек улы Рөстәм үз туеннан видео урнаштырган. Тантана 12 августта Kazan Palace by Tasigo кунакханәсендә узды. Ул тормыш иптәше итеп Казан медицина университеты студенты Рузияне сайлаган.

Быел Казанның «Чулпан» мәдәният үзәгендә һәм Ленин исемендәге мәдәният йортында «Апуш» балалар татар театр студиясен ачу ниятләнә. Сентябрь башында кастинглар игълан ителәчәк.

22 августта Кәрим Тинчурин театрында «Ядәч! Исемдә!» спектакле Фәрһад Мөхәммәтҗанов катнашында соңгы мәртәбә куела.

«Южный» сәүдә үзәгенең вакцинация пунктына гриппка каршы вакцина кайткан. Бу хакта «Татар-информ» агентлыгына Казан Сәламәтлек саклау идарәсенең матбугат хезмәтеннән хәбәр иттеләр.