Новости за 31.08.2022

Республика көне һәм Шәһәр көнендә Түбән Камада «Безнең ишегалды»республика программасы буенча төзекләндерелгән ишегалларын ачу тантанасы булды. Корабельная урамындагы 26нчы йортның төзекләндерелгән ишегалды ачылышында Рамил Муллин катнашты. Бу хакта Түбән Кама муниципаль районы рәсми сайтында хәбәр ителә.

Сентябрьдә «Казан Кремле» музей-тыюлыгында бушлай инклюзив программалар узачак. Сәламәтлек мөмкинлекләре чикле кунаклар өчен экскурсияләр, аудио- һәм видеогидлар әзерләделәр.

Мөслимдә язучы, шагыйрь, җәмәгать эшлеклесе, Габдулла Тукай исемендәге дәүләт премиясе лауреаты Факил Сафинга «Мөслим районының мактаулы гражданины» дигән таныклык һәм күкрәк билгесе тапшырылды.

Дәресләрдә кәрәзле телефоннар куллануны чикләү кагыйдәсе бөтен кеше өчен дә актуаль түгел – аларны медицина күрсәткечләре буенча кирәк булган укучылар файдалана алачак, дип белдерделәр Роспотребнадзорда. Аерым алганда, кесә телефоннарын укучылар кандагы шикәрен контрольдә тоту яки йөрәк ритмын мониторинглау өчен файдалана алачак, андыйлардан телефоннарны «катгый рәвештә» алырга ярамый, диелә ведомство хәбәрендә.

Татарстан Республика клиник хастаханәсе табиблары футбол матчыннан соң инфаркт булган 34 яшьлек ир-атны коткарган. Бу хакта хастаханәнең матбугат хезмәтендә сөйләделәр.

«Газпром» компаниясе, үзенең бөтен эшчәнлек чоры тарихында машина төзелеше, нефть химиясе һәм башка тармакларда уртак проектларны гамәлгә ашырып, Татарстанның стратегик партнеры булып тора. Бу турыда республика Президенты Рөстәм Миңнеханов әйтте. «Газпром» – республиканың күп кенә предприятиеләре өчен иң зур заказчы, дип белдерде ул «Газпром» гавәми акционерлык җәмгыятенең Тәэмин итүче көненең пленар утырышында.

Россиянең Мәгариф министрлыгы башлыгы Сергей Кравцов бөтен ил күләмендә үткәрелгән ата-аналар җыелышында киләсе уку елында мәктәп укучыларын көтә торган яңалыклар турында сөйләде.

Бүген, 31 август көнне, Бөтендөнья татар конгрессы бинасында Бөтендөнья татар конгрессы Башкарма комитеты җитәкчесе Данис Шакиров катнашында «Татар кызы 2022» конкурсына әзерлек буенча җыелыш узды. Биредә конкурсның максатларын һәм бурычларын билгеләделәр. «Татар кызы» 2022 елның октябрь аенда Үзбәкстан Республикасында үткәреләчәк.

Татарстанда инде тәүлек буе Чүпрәле районындагы «Җылы йорт» приютыннан качкан өч яшүсмерне эзлиләр. «Татар-информ»га бу мәгълүматны оешманың директоры Илһам Баһаутдинов раслады.

Иртәгә, 1 сентябрьдә, Татарстанда җылы, әмма тотрыксыз һава торышы көтелә. Бу хакта республиканың Гидрометеорология үзәге кисәтә.

СССРның беренче Президенты, КПСС Үзәк комитетының соңгы секретаре Михаил Горбачев белән хушлашу мәрасиме 3 сентябрьгә, ягъни шимбә көнгә планлаштырылган. «Эхо Москвы» радиосының элеккеге мөхәррире Алексей Венедиктов* шулай дип хәбәр итте.

Татарстан Республикасы Президенты Рөстәм Миңнеханов «TatOilExpo-2022» халыкара махсуслаштырылган күргәзмәсендә «Транснефть» гавәми акционерлык җәмгыятенең стендын карады. Күргәзмә Татарстан нефть һәм газ химиясе форумы кысаларында оештырылган. Чараларда шулай ук Нефть-газ сәнәгатьчеләре берләшмәсе Президенты Геннадий Шмаль, «Газпром» гавәми акционерлык җәмгыяте идарәсе рәисе урынбасары Олег Аксютин һәм чит ил кунаклары катнашты.

Россиянең Мәгариф министрлыгы мәктәптә дәресләр вакытында телефоннардан файдалануны тыйды, дип хәбәр итте ведомство башлыгы Сергей Кравцов. Бу хакта РИА Новости яза.

Балаларны һәм яшүсмерләрне үз-үзенә кул салуга берничә сәбәп этәрә ала. Иң төп сәбәп – гаиләдә киеренке мөнәсәбәтләр, дип сөйләде Республика клиник психиатрия хастаханәсенең медицина өлеше буенча баш табиб урынбасары Татьяна Гурьянова.

«Түбәтәй һәм калфак кию аша үзебезнең татарлыгыбызны тану, онытмау, киләчәк буыннарга да тапшыру – төп максатыбыз», - диде Булат Шәйми.

Бүген Татарстан Республикасы Президенты Рөстәм Миңнеханов Бәһрәйн Корольлегенең нефть һәм экология министры Мөхәммәд бин Мөбәрәк бин Даина белән очрашты. Ул Казанга Татарстан нефть һәм газ химиясе форумында катнашу өчен килгән. Бу хакта «Татар-информ»га Татарстан Президентының матбугат хезмәте җитәкчесе Лилия Галимова хәбәр итте.

Нәзарәтнең Голәмәләр шурасы «Ак Барс» банкы белән берлектә «Мөселманнар өчен банк карталары» проектын эшләде һәм раслады. Шәригать нормаларына туры килгән дебет картасы эчтәлеге буенча - банкның стандарт карталы продуктларына якын.

Бүген Татарстан Республикасы Дәүләт Киңәшчесе, Татарстан Республикасының беренче Президенты Минтимер Шәймиев СССРның беренче һәм соңгы Президенты Михаил Горбачёвның кызы Ирина Вирганскаяга кайгы уртаклашу телеграммасы җибәрде.

«Ак Барс» хоккей клубы Татарстан башкаласында биш ачык боз мәйданчыгын ремонтлаячак. Яңартылган спорт кортлары шәһәрнең Авиатөзелеш, Киров, Мәскәү, Идел буе һәм Совет районнарында барлыкка киләчәк.

РФ мөселманнары Диния нәзарәте рәисе, мөфти шәех Равил Гайнетдиннең Мәскәү өлкәсенең Одинцово районындагы «Патриот» паркында мөселман хәрбиләре өчен мәчет торгызу турындагы сорауга биргән җавабы РФ мөселманнары Диния нәзарәте аппаратына килгән. Бу хакта Россия Мөфтиләр шурасының матбугат хезмәте хәбәр итә.

Экологиягә йөкләнешне һәм парник газлары чыгаруны киметү  –  кирәкле һәм таләп ителгән чара, ләкин кайбер илләр «яшел» технологияләргә күчү проблемаларын башкалар хисабына чишәргә тырышканда гаделсезлек. Мондый фикерне Татарстан нефть һәм газ химиясе форумының пленар сессиясендә Татарстан Президенты Рөстәм Миңнеханов әйтте.

Ел саен уздырыла торган эшче яшьләрнең “Наше Время — Безнен Заман” ачык иҗат фестивалендә катнашучыларны республикадагы төрле бәйрәм чараларында чыгыш ясау өчен активрак җәлеп итәргә кирәк. Фестиваль лауреатлары һәм җиңүчеләренең зур концертының мәртәбәле кунагы булган “Юл хәрәкәте иминлеге” ДБУ директоры Рифкать Миңнеханов шундый фикер белдерде. Чара 30 августта Г. Камал театры каршындагы мәйданда узды.

Россиядә шәхси хуҗалыкларга ярдәм итү экспериментын зурайтырга җыеналар. Авыл хуҗалыгы продукциясен җитештерү өчен ташламалы кредит бирелә торган кешеләр исемлегенә ЛПХ хуҗаларын да кертәләр. Бу хакта Россия вице-премьеры Виктория Абрамченко белдерде.

Татарстан икътисадны декарбонизацияләү юлыннан барачак, әмма шул ук вакытта яңа технологияләргә күчкәндә бизнесның да, тулаем алганда җәмгыятьнең дә мәнфәгатьләре исәпкә алынырга тиеш. Татарстан нефть һәм газ химиясе форумының пленар сессиясендәге үзенең чыгышында ТР Президенты Рөстәм Миңнеханов шундый фикерен белдерде.

3 сентябрьдә Казан «Җиңү диктанты» халыкара патриотик акциясенә кушылачак. Катнашучыларга 45 минут эчендә Бөек Ватан сугышы белән бәйле 25 биремне үтәргә туры киләчәк.