Новости за 02.01.2023

Чирмешәннең Иске Үтәмеш авылында яшәүче  Тәнзилә һәм Сәгыйть Каюмовлар йорты алдын быел да кар сыннары бизи. Аларны йорт хуҗасы 64 яшьлек Сәгыйть абый ясаган. Анда куян сыны, кардан бәләкәй чыршылар, «Яңа ел белән!» диелгән язу да бар. Бу хакта «Безнең Чирмешән» газетасы яза.

Татарстан Язучылар берлеге рәисе Ркаил Зәйдулла «Татар-информ» хәбәрчесенә 2022 елгы җанисәптә татарлар саны кимүнең төп сәбәбе – балалар аз туу, дип белдерде.

Буа районы башлыгы Ранис Камартдинов Бөек Ватан сугышы ветераны Рәүф Төхвәтуллинның хәлен белде һәм аннан 103 яшьлек туган көненә чакыру алды. Ветеран аны 5 гыйнвар көнне билгеләп үтәргә җыена.

Минзәлә районының Юртау бистәсендә яңа модульле фельдшер-акушерлык пункты эшли башлады. Ул «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы буенча төзелде.

Алабугада яшәүчеләр гуманитар ярдәм җыюны дәвам итә. Танайка авылындагы «Полянка» территориаль җәмәгать үзидарәсе рәисе Вадим Михеев мобилизацияләнгәннәр өчен гуманитар ярдәм җыеп тапшыруны оештыра.

Россия мөселманнары Диния нәзарәтләре вәкилләре озакка сузылган Яңа ел каникулларында табын янында үз-үзеңне контрольдә тотарга чакырды. Бу хакта РИА Новости агентлыгы хәбәр итә.

3 гыйнварда Татарстанда янә көчле җил көтелә. Моннан тыш, төнлә һәм иртән буран чыгачак, буран вакытында күз күреме 1-2 чакрымга кадәр начарая. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Татарстанда яшьләргә психологик ярдәм күрсәтү өчен Telegram мессенджерында чат-бот эшли башлый. Яшьләр сәясәте психологлары теләгән һәркемгә видеоэлемтә буенча консультация бирергә әзер, дип белдерде ТР яшьләр эшләре министры Тимур Сөләйманов.

Россия Гадәттән тыш хәлләр министрлыгы 2023 елның 1 мартына кадәр барлык социаль учреждениеләрне, шул исәптән уку йортларын һәм хастаханәләрне, көчәнеш кинәт үзгәргән очракта, электр белән тәэмин итүне автомат рәвештә өзә торган приборлар белән җиһазландырырга ниятли. Бу хакта РИА Новости агентлыгы ведомствоның күзәтчелек һәм профилактик эшчәнлек департаменты директоры Ринат Еникеевка сылтама белән хәбәр итә.

Казанның Сафиуллин урамындагы бер йортта яшәүчеләр «Татар-информ» адресына хат юллаган.

Чүп-чар, яфрак һәм коры калдыкларны торак корылмалардан 15 метр ераклыкта яндырырга рөхсәт ителәчәк. Үзгәрешләр 1 марттан үз көченә керә. Бу хакта «Российская газета» яза.

Россия Сәламәтлек саклау министрлыгының Федераль медицина катастрофалары үзәге мәгълүматлары буенча, 2023 елның беренче тәүлегендә 955 янгын теркәлгән, аларның күбесе торак йортларда булган, 230 кеше (шуларның 19ы – балалар) зыян күргән, 56 кеше һәлак булган. Бу хакта «Российская газета» РФ Сәламәтлек саклау министрлыгына сылтама белән хәбәр итә.

Янгын Яңа елның беренче көнендә Васильево бистәсенең Тукай урамында чыккан. Төтенне күршеләр күреп алган. Алар, капканы ачып, хуҗаларның этен урамга чыгарган, шуннан соң янгын сүндерүчеләрне чакырткан.

Дәүләт Думасы депутаты Василий Власов (ЛДПР) РФ транспорт министры Виталий Савельевка кышкы чорда мәктәп укучылары өчен җәмәгать транспортында йөрүне бушлай итү тәкъдиме белән мөрәҗәгать юллады. Бу хакта РИА Новости агентлыгы хәбәр итә.

Стопкоронавирус.рф порталы мәгълүматларыннан күренгәнчә, Татарстанда коронавирус инфекциясен йоктыручылар кимүен дәвам итә. Күрсәткечләр соңгы ике атна дәвамында – 17 декабрьдән бирле кими.

Росстат җанисәп нәтиҗәләрен игълан итте. Татарстанда демографик йөкләнеш Россиядәге уртача күрсәткечләргә караганда югарырак. Россиядә 1000 эш яшендәге һәм эшли алырлык кешегә 714 эшли алмаучы туры килсә, Татарстанда бу күрсәткеч – 746.

2022 елда Татарстанда 205 меңнән артык бала сәламәтләндерү лагерьларенда ял иткән. Шуларның 8 меңнән артыгы – авыр тормыш хәлендә калган балалар, 900дән артыгы – сәламәтлек мөмкинлекләре чикле малайлар һәм кызлар. ТР яшьләр эшләре министры Тимур Сөләйманов шулай дип белдерде.

Кичә 21.48 сәгатьтә Алабуга шәһәренең Нефтьчеләр урамындагы 16нчы йортта янгын чыккан.

Быелның башыннан гомумйорт ихтыяҗлары өчен түләү принцибы үзгәрә – әгәр элегрәк норматив буенча түләсәк, хәзер исә чынлыкта күпме куллануга (аны йортта урнаштырылган исәпләү приборы терки) карап түләргә туры киләчәк. Г.В.Плеханов исемендәге Россия икътисад университетының дәүләт һәм муниципаль финанслар кафедрасы профессоры Юлия Финогенова «Прайм» агентлыгына шулай дип белдерде. Бу хакта РИА Новости агентлыгы хәбәр итә.

Пенсия фондын һәм Социаль иминият фондын Россия бердәм Социаль фондына берләштерү түләүләр билгеләүне гадиләштерәчәк һәм гражданнарга хезмәт күрсәтүнең сыйфатын арттырачак. Иҗтимагый палатаның интернет-технологияләр һәм цифрлаштыру өлкәсендәге законнар буенча эшче төркеме җитәкчесе, Югары икътисад мәктәбе илкүләм тикшеренү университетының хокук факультеты деканы Вадим Виноградов «Прайм» агентлыгына шулай дип белдерде. Бу хакта РИА Новости агентлыгы хәбәр итә.

Төркия, Мисыр һәм Таиланд россиялеләр арасында иң популяр визасыз илләр булып кала. Бу хакта РИА Новости агентлыгы Россия туриндустрия берлеге вице-президенты Дмитрий Горинга сылтама белән хәбәр итә.

Россиялеләрнең 60 проценты элеккеге эш урынына кире кайтырга теләми. Шул ук вакытта, аларның бу фикерен үзгәртә ала торган алты сәбәп бар. «Работа в России» порталындагы сораштыру нәтиҗәләре шуны күрсәтә.

Аномаль җылылык аркасында бүген Казан паркларында шугалаклар эшләми. Казанның Парклар һәм скверлар дирекциясе үзенең телеграм-каналында шул хакта хәбәр итте.

6 гыйнварда 10.00 сәгатьтә Азнакайда Ишкәев исемендәге ял паркында «ЧанаФест – 2023» креатив чаналар фестивале уздырыла.

29 декабрьдә Балтачтан махсус хәрби операциядә катнашучыларга җибәрелгән гуманитар ярдәм Яңа ел каршылаганчы егетләргә барып җиткән. Бу хакта «Хезмәт» сайтында хәбәр ителә.