Новости за 30.01.2023

Чаллы эшмәкәре, «Приют человека» хәйрия проекты җитәкчесе Рөстәм Гатин февральдә янә Чаллыга кайтачак. Бу хакта «Дарим тепло» солдатларга оекбашлар бәйләүчеләр берләшмәсе җитәкчесе Светлана Карпова хәбәр итте. Алар Рөстәм Гатин белән тыгыз элемтәдә тора. Аның аша солдатларга капчык-капчык бәйләнгән оекбаш, бияләй, снудлар җибәрәләр.

Мурманск өлкәсенең берничә шәһәрендә – Мурманск, Североморск, Полярныйда малайлар һәм кызлар өчен Изге Коръәнне өйрәнү дәресләре уза.

Төмәннең «Яңарыш» газетасы 19 январь көнне өлкәдә танылган талантлы шагыйрь, берничә җыр авторы, газетаның якын дусты, «Әдәби Төмән» иҗат берләшмәсенең хөрмәтле әгъзасы, хезмәт ветераны Фәрит Нәриман улы Ермышев вафат булуын хәбәр итте.

Татарстан Республикасы Авыл хуҗалыгы һәм азык-төлек министрлыгы «Агростартап» грантын алуга дәгъва кылучыларны сайлап алу конкурсында катнашуга гаризалар кабул итү башлый.

Иртәгә, гыйнварның соңгы көнендә, Татарстан циклон иңкүлегенең алгы өлешендә калачак. Аның үзәге Ак диңгез өстендә, бу исә температура фоны күтәрелүгә ярдәм итәчәк. Бу хакта Татарстан Гидрометеорология үзәге хәбәр итә.

Автокаланың 50нче комплексында яшь кыз әбисе белән бабасына һөҗүм иткән. Бу мәгълүматны «Татар-информ»га Россия Эчке эшләр министрлыгының Чаллы буенча идарәсенең матбугат хезмәтендә расладылар.

Әфганстан татарлары мини-футбол буенча беренче «Изге Рамазан кубогы» ачык турнирында катнашырга әзерләнә. Финал этабы 28-30 апрель көннәрендә Мәскәүдә узарга тиеш.

Россия Федерациясе Президенты Владимир Путинның Федераль Җыенга юлламасы 20 февральдә игълан ителергә мөмкин. Бу турыда ТАСС Дәүләт Думасындагы чыганакка сылтама белән хәбәр итә.

Рәмилә Шәмсемөхәммәтова бәйгедә «Иң серле кыз» номинациясендә җиңүче дип табылды.

Татарстан Республикасының Свердловск өлкәсендәге Даими вәкиллеге төзекләндерү вакытына башка бинага күчеп тора. Вәкиллек хәзер Екатеринбург шәһәренең Карл Либкнехт урамында 22нче йортта (Консуллар бинасы) 307нче офиста эшләячәк.

Балаларны олы тормышка әзерләүдә ата-аналарның роле –  мәгариф системасының төп бурычы, дип белдерде Татарстан Дәүләт Советы Рәисе Фәрит Мөхәммәтшин. Бу турыда ул «Без – Россия гражданнары» парламент дәресенә әзерлек кысаларында педагоглар белән очрашуда әйтте. Ул укытучыларга «ата-аналар белән эшне яңа дәрәҗәгә күтәрергә» киңәш итте. Бу турыда «Татар-информ» хәбәрчесе Надежда Гордеева яза.

6-10 февраль көннәрендә Россия Федерациясе Судьялар югары квалификация коллегиясе утырышында Татарстан Югары суды рәисе вазифасына кандидатуралар каралачак.

Казан психиатрия хастаханәсеннән качкан ир-атларны полиция хезмәткәрләре Тольяттида тоткарлаган. Алар хастаханәдә мәҗбүри дәвалануда булган.

Татарстан Президенты Рөстәм Миңнеханов «Татарстан Автономияле Совет Социалистик Республикасы төзелүгә 100 ел» медале белән «Камалыштагы Ленинградта яшәүче» билгесе булган алты Бөек Ватан сугышы ветеранын бүләкләде. Шул турыдагы карар республика җитәкчесенең рәсми порталында урнаштырылган.

Дәүләт Думасының Гаилә, хатын-кызлар һәм балалар мәсьәләләре комитеты әгъзасы Татьяна Ларионова Татарстан Республикасы Казан шәһәренең «7нче Шәһәр клиник хастаханәсе» сәламәтлек саклау дәүләт автономияле учреждениесенә арабыздан киткән ТР сәламәтлек саклау министры Марат Садыйковның исемен бирергә һәм мәңгеләштерергә тәкъдим итте. Ул шулай ук министрның туганнарына һәм бөтен республика халкына кайгы уртаклашу сүзләрен җиткерде.

Татарстанның җиде дәүләт театры һәм бер ансамбле 2023 елда федераль программа буенча гастрольләр программасына кергән.

Сиринә Насыйбуллина бәйгедә «Иң кыю кыз» номинациясендә җиңү яулаган иде.

«Мелодия» фирмасы Әлфия Авзалова һәм «Казан утлары» ансамбленең 1973 елда яздырылган җырларын музыкаль мәйданчыкларга чыгарды. Yummy Music лейблының креатив директоры Рәдиф Кашапов, эксперт буларак, бу эштә үзенең киңәшләрен биргән, дип хәбәр итә лейблның матбугат хезмәте.

Казанда «Хәтер маршы» республика акциясе башланды. Ул ел саен уздырыла торган чара. Акциядә катнашучылар лекцияләр һәм музыкаль-әдәби композицияләр ярдәмендә Татарстан укучыларына Бөек Ватан сугышы вакыйгалары турында сөйләргә ниятли. Активистлар Татарстан башкаласыннан соң Түбән Кама, Чистай һәм Чаллыга юл тотачак.

Эшләүче пенсионерларны иминият взнослары түләүдән азат итәргә һәм мәҗбүри пенсия иминияте системасыннан чыгарырга тәкъдим ителә. ЛДПР партиясе Дәүләт Думасына шул хактагы закон проекты тапшырган, Думаның хезмәт, социаль сәясәт һәм ветераннар эшләре комитеты башлыгы Ярослав Нилов үзенең телеграм-каналында документның проектын урнаштырган.

«50 мең кеше эзсез югала алмый. Татарлар югалмады, аларны исәпләмәделәр генә», - диде Татарстанның Свердловск өлкәсендәге даими вәкиле урынбасары Фавия Сафиуллина.

Пакистанның Пешавар шәһәрендәге бер мәчеттә теракт нәтиҗәсендә 32 кеше һәлак булган, 147се зыян күргән. Бу хакта РИА Новости агентлыгы Geo телеканалына сылтама белән хәбәр итә.

Казан метросында кешеләр еш кына документларын, банк һәм транспорт карталарын, юл йөрү билетларын, акча янчыкларын һәм кәрәзле телефоннарын югалта. Бу әйберләрнең барысы да, хуҗалары аларны кайда онытып калдырса, шул станциядә саклана, дип хәбәр иттеләр «Метроэлектротранс» муниципаль унитар предприятиесендә.

«Ак калфак» оешмасы «Калфагым» проекты кысаларында Чистайдагы Ислам үзәгендә 9-12 яшьлек кызларны берләштергән «Ягез, кызлар!» төркеме белән очрашу уздырды. Бу хакта Бөтендөнья татар конгрессы матбугат хезмәте хәбәр итә. 

Февраль аенда Россия халкын озын ял көннәре көтә, дип искәрттеләр Хезмәт һәм мәшгульлек федераль хезмәтенең матбугат хезмәтендә. Бу хакта РИА Новости агентлыгы хәбәр итә.