Новости за 05.01.2023

Яңа ел бәйрәмнәре чорында 2022 елның 30 декабреннән 2023 елның 8 гыйнварына кадәр Әлмәт муниципаль районы буенча дәүләт янгын күзәтчелеге инспекторлары янгын куркынычсызлыгы таләпләренең үтәлешен төнлә тикшерәләр. Бу хакта «Әлмәт таңнары» газетасы яза. 

Куркынычсызлык кагыйдәләрен сакламау, исерткеч эчемлекләр куллану, һава торышының начар чагы — боларның барысы да травмпунктка мөрәҗәгатьләрнең санын арттыра. Кышын сәламәтлекне башка вакыттагыдан да ныграк кайгырту кирәк. Травмаларны ничек булдырмаска икәнлеге турында Алабуга үзәк район хастаханәсе травматология бүлеге мөдире Адель Әхмәтҗанов сөйләде. Бу хакта «Алабуга нуры» газетасы яза. 

Республикада старт алган «Полиция Кыш бабае» акциясенә РФ Эчке эшләр министрлыгының Азнакай районы буенча бүлеге дә кушылды. Бу хакта «Азнакай-информ» сайты яза. 

6-11 гыйнварда Татарстанда аномаль салкыннар аркасында шторм кисәтүе игълан ителде. Гидрометеорология һәм әйләнә-тирә мохитне күзәтү идарәсе фаразлавынча, 6 гыйнварда төнлә һәм иртән көнбатыш районнарда минималь һава температурасы -19..-24, көндез максималь температура -17..-22 градус тәшкил итәчәк.

«Сәхнәгә чыгасы килү генә җырчыны – җырчы, шигырьчене – шагыйрь, әз-мәз көй язалган кешене композитор итә алмый», - дип саный Халисә Мөдәрисова.

Социаль фонд көмәнле хатыннар һәм 17 яшькә кадәрге балалары булган гаиләләр өчен бердәм пособие түләүне сорап язылган ярты миллионнан артык гариза кабул иткән. Бу хакта РИА Новости агентлыгы фондның матбугат хезмәтенә сылтама белән хәбәр итә.

Комсомол мәйданында «Кукмара итекләре» бәйрәме узды.

Программада татар теле, һөнәрчелек, хореография, вокал, актерлык осталыгы буенча дәресләр каралган.

Быел Татарстанда урман янгыннарын кисәтү һәм сүндерү өчен 68 берәмлек техника һәм җиһазлар сатып алачаклар. Бу хакта ТР Урман хуҗалыгы министрлыгының матбугат хезмәтеннән хәбәр иттеләр. 

Мәктәп белем бирү системаларын яңарту федераль программасы буенча Татарстанда 27 мәктәп ашханәсенә ремонт ясалачак. Узган ел 20 мәктәп ашханәсе төзекләндерелгән, быел калган җидесе тәртипкә китереләчәк.

2023 ел башыннан бирле республикада 44 янгын теркәлгән, аларда дүрт кеше һәлак булган, дүртесе зыян күргән, 14 кешене коткарганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Фиданның тормышындагы вакыйгаларны мин белми идем. Ходай җиткергән булып чыкты, чыннан да, кайбер вакыйгалар аның язмышына да тап килә», - диде пьеса авторы.

Буада росгвардиячеләр кичен урамда патрульлек иткән вакытта 1 Май урамындагы бер шәхси йортта улының әнисен үтерүе турында хәбәр алган. Шул ук вакытта, бу хәл турында полициягә ул үзе хәбәр иткән.

Кичә төнге унберләр тирәсендә 101 янгын сагы номерына Түбән Каманың Тын аллея урамындагы торак йортта янгын чыгуы турында хәбәр килгән. Йортның дүртенче катындагы бер фатирның залында диванга ут капкан.

Фаҗига кичә Татарстанның Лаеш районында булган: 24 яшьлек ир-ат Chevrolet автомобиленә тагылган тюбингта шуган.

«Югары уку йортларына әзерлегең кирәкле дәрәҗәдә булса, милләтең кем булуына карамыйлар. Һәр җирдә дә профессиональ әзерлек кыйммәт бәяләнә», - диде шагыйрә.

Стопкоронавирус.рф порталы мәгълүматларыннан күренгәнчә, Татарстанда бер тәүлек эчендә коронавирус инфекциясенең 57 яңа очрагы ачыкланган. Бер көн элек 56 очрак теркәлгән иде.

Быелның 1 мартыннан Россиянең барлык төбәкләрендә светофорның өстәмә секция рәвешендәге яңа сигналы гамәлгә керә, анда «ак җәяүле» сурәтләнгән борылыш угы күрсәтеләчәк. Шул хактагы документ узган елның октябрендә имзаланган. Бу хакта «Российская газета» яза.

Узган ел Татарстанда «Мәгариф» илкүләм проектын гамәлгә ашыру өчен 2,8 миллиард сум акча юнәлдерелгән. Шул исәптән федераль бюджеттан – 2,3 миллиард, республика казнасыннан 500 миллион сум бүленгән. Бу хакта ТР Мәгариф һәм фән министрлыгының матбугат хезмәтеннән хәбәр иттеләр.

Россиядә торакның бер квадрат метры 6,4 процентка арткан. Тулаем алганда, 2023 елның беренче яртысында илдә бер квадрат метр 88 737 сум тәшкил итәчәк. Бу хакта «Российская газета» яза.

Индонезия Россиянең «Мир» түләү системасы карталарын файдалану вариантын карый, ул берникадәр вакытны алачак. Бу хакта РИА Новости агентлыгы Индонезиянең Мәскәүдәге илчесе Хосе Антонио Морато Тавареска сылтама белән хәбәр итә.

Дәүләт Думасының гаилә эшләре комитеты башлыгы Нина Останина РИА Новости агентлыгына Россиядә бердәм мәктәп формасы сатып алу өчен дәүләт заказы системасын күздә тотарга кирәк дип белдерде. Шул ук вакытта, аның үрнәген балалар үзләре уйларга тиеш, СССР вакытындагы форманы исә нигез итеп алырга мөмкин.

Баллы әйберләр күп ашасаң, диабет барлыкка киләчәк дип раслау – миф, әмма гәүдә авырлыгы кирәгеннән артык булган кешеләрдә мондый куркыныч сизелерлек арта. Бу хакта РИА Новости агентлыгы инвалидларның «Россия диабет ассоциациясе» Гомумроссия иҗтимагый оешмасы президенты, Россия Сәламәтлек саклау министрлыгының «Эндокринология илкүләм медицина тикшеренү үзәге» Диабет институтының шикәр чирен фаразлау һәм инновацияләр бүлеге мөдире, медицина фәннәре докторы Александр Майоровка сылтама белән хәбәр итә. Читать дальше...

РФ Президенты Владимир Путинның Беренче каналдагы Яңа ел мөрәҗәгате 2022 елдагы иң популяр аерым эфир вакыйгасы булган. Бөтенроссия дәүләт телерадиокомпаниясендә Mediascope компаниясе мәгълүматларына сылтама белән шулай дип белдерделәр. Бу хакта РИА Новости агентлыгы хәбәр итә.

Иртәгә, 6 гыйнварда, Татарстан башкаласында яшәүчеләр һәм шәһәр кунаклары гадәти булмаган экскурсиягә кушыла ала – алар өчен «Манзара» паркы буйлап һава мендәрендәге суднода экскурсия оештырылачак.