Новости за 10.01.2023

Яңа ел каникуллары вакытында Түбән Каманың бала тудыру йортында 48 сабый дөньяга килгән. Бу хакта перинаталь үзәк һәм балалар хастаханәсендә хәбәр иттеләр.

Юниорларның «Подрост» бөтенроссия урман конкурсының төбәк этабына эшләр кабул ителә.

12 гыйнварда Россия ислам институтында уникаль басма – «Россиядә ислам тарихы» китабы тәкъдим ителәчәк. Очрашу 11.00 сәгатьтә башлана. Бу турыда Татарстан Диния нәзарәтенең матбугат хезмәте хәбәр итте.

Казанда Фуат Мансуров яшәгән йортта мемориаль такта ачыла. Истәлек тактасы Карл Маркс урамының 23/6 номерлы йорт фасадына урнаштырылган.

Татарстан һәм Башкортстан административ үзәкләре – Бөгелмә һәм Кандраны турыдан-туры шәһәр яны поездлары тоташтырды. Алар көндәлек режимда йөри, дип хәбәр итә «Содружество» компаниясенең матбугат хезмәте.

Фольклорчы, филология фәннәре кандидаты Фәнзилә Җәүһәрова «Татар-информ» агентлыгында узган матбугат конференциясендә милли дастаннар турында сөйләгәндә Акбүзат образы (канатлы ат) татар әсәрләрендә дә булуын әйтте.

Татарстан Президенты Рөстәм Миңнеханов Казан Кремлендә Үзбәкстанның Җизак өлкәсе хакиме Эргаш Салиев белән очрашты. Яклар төбәкләр арасында сәүдә-икътисади һәм гуманитар хезмәттәшлекне үстерү турында фикер алыштылар.

Чаллы башкарма комитеты җитәкчесе Фәрит Сәлахов матбугат конференциясе вакытында торак-коммуналь хезмәтләр өчен түләүне формалаштыру тәртибен аңлатты. Шулай ук ул республикада иң түбән тарифларның кайда булуын әйтте.

Төркия кунакханәләрендә туристлардан яшәү өчен салым җыю очраклары әлегә булмаган. Мондый салым 2023 елның 1 гыйнварыннан гамәлгә кертелгән иде. Бу турыда Россия туроператорлары ассоциациясенә сылтама белән РИА Новости хәбәр итте.

Пенза өлкәсенең Исса районында районның Мактаулы гражданины Закир Кормаев истәлегенә шахмат буенча ачык турнир уздыру традициясе дәвам итә.

Иваново Җәмигъ мәчетендә Иваново өлкәсе Диния нәзарәте һәм өлкә татарлары милли-мәдәни автономиясе рәисе, мөфти Фәрит Усман улы Ляпинга «Төзелеш тармагын үстерүдәге казанышлары өчен (Россия)» медале тапшырылды.

Ата-аналар хәзер баланы яшәү урыны буенча «Дәүләт хезмәтләре» порталы аша терки ала. Бу турыда РИА Новости хәбәр итте.

Быел Татарстанда ташламага ия булучыларга участок эчендә газ үткәрүгә, газ җиһазлары сатып алуга һәм урнаштыруга субсидия 100 мең сумга кадәр артачак, дип хәбәр итте «Газпром трансгаз Казань» генераль директоры Рөстәм Усманов. Бу рәсми рәвештә агымдагы елның март башында, субсидия күләмен арттыруны законлаштыручы тиешле документ әзер булгач мөмкин булачак.

Тарих фәннәре докторы, «Туган җир» журналы баш мөхәррире Дамир Исхаков дастаннар ярдәмендә халыкның милли аңын үстереп була дип саный.

Дәүләт Думасында гаилә мәсьәләләре буенча комитет башлыгы Нина Останина, ана капиталы сертификаты хуҗаларына ел саен ана капиталында калган акча күләме турында мәгълүмат бирергә тәкъдим итте. Тиешле закон проекты Думаның электрон базасына урнаштырылган. 

Башкорт әкиятләре һәм легендалары аудиокитап итеп чыгарылачак. Аларны яздыру өчен балалар һәм яшүсмерләр эзлиләр, дип хәбәр итә Уфа администрациясе матбугат хезмәте.

Метеорологлар фаразлавынча, 11 гыйнварда төнлә Татарстан территориясендә һава температурасы -29 дан -34 градуска кадәр, аерым районнарда -40 градуска кадәр төшәргә мөмкин. Көндез температура -16 дан -21 градуска кадәр, көнчыгышта -24 градуска кадәр күтәреләчәк. Шуңа бәйле рәвештә, Гадәттән тыш хәлләр министрлыгының Татарстан буенча Баш идарәсе республикада кисәтү игълан итте.

Россиядә татарлар саны 5,5 миллионнан да ким түгел.

14 гыйнвар Казанның «Ак Барс» көрәш сараенда «Манзара» спорт һәм музыка премиясе үтәчәк. Билет сатудан кергән акчаларның бер өлеше махсус хәрби операциядә катнашучыларга гуманитар ярдәм буларак җибәреләчәк. Бу турыда «Татар-информ»да узган матбугат конференциясендә премиянең җитәкчесе Айдар Шәймәрданов әйтте.

Самара өлкәсе мөселманнарының төбәк Диния нәзарәте рәисе, мөфти Талип хәзрәт Яруллин Самара өлкәсе губернаторының Мактау билгесе белән бүләкләнде.

Баш батыр чемпион билбавына һәм 100 мең күләмендә акчалата призга ия булачак.

Иртәгә, 11 гыйнварда, Татарстанда аномаль салкын һава торышы сакланачак. Шуның аркасында республикада янә  кисәтү игълан ителде, дип хәбәр итә ТР Гидрометеорология үзәге.

Казан аэропортында сөйләмне синтезлау технологияләренә нигезләнгән автоматлаштырылган белешмә хезмәте булдырылды. Пассажирларга мәгълүмати ярдәм күрсәтү өчен яңа системаны эксплуатацияләү тест режимында үткәрелә. Бу хакта Татарстан башкаласының аэропорты матбугат хезмәте хәбәр итә.

Композиторның 112 еллыгы уңаеннан Татарстан Милли музеенда искә алу чарасы оештырыла.

25 гыйнварга кадәр казанлылар яңа ел чыршыларын эшкәртүгә тапшыра ала.