Новости за 17.02.2023

18 февральдә Татарстанның Буа шәһәрендә «Кеше приюты» проекты кысаларында мохтаҗларны кайнар ризык белән тәэмин итү хезмәтенең яңа филиалы ачыла. Буада туып-үскән эшмәкәр Ильяс Гыймадов район хакимиятенә һәм Буа якташлыгына кайнар ризык белән тәэмин итү пунктын ачу турында тәкъдим иткән.

Казанның «Сәйдәш» мәдәният үзәгендә V Халыкара «Җәлил укулары» әдәби бәйгесе җиңүчеләрен бүләкләү тантанасы узды. Быел бәйгегә Россиянең 38 төбәгеннән һәм чит илләрдән (Азәрбайҗан, Беларусь Республикасы, Болгария, Кыргызстан, Казахстан, Үзбәкстан) 40 меңнән артык гариза кабул ителгән.

Төмән өлкәсе мөселманнары Төркиядә һәм Сириядә җир тетрәүдә зыян күрүчеләргә 300 мең сум җыйган. Фаҗигадән соң ук Төмән өлкәсе мөселманнары Диния нәзарәте президиумы әгъзалары җир тетрәүдә зыян күрүчеләргә ярдәм итү тәкъдиме белән чыкты. Мөфти Зиннәт хәзрәт Садыйков фатихасы белән акча җыю турында игълан ителде.

Татарстан театрларын федераль проект буенча спектакльләр куйганда автор сюжетын саклап куярга чакыралар.

Әлмәт театры директоры федераль акчаларга куелган спектакльләргә анализ ясарга чакыра.

2 марттан башлап Казан, Түбән Кама, Уфа, Чаллы шәһәрләрендә «Ибн Фадлан» документаль-нәфис фильмын карап булачак. Бу хакта Татарстан мөселманнары Диния нәзарәтенең матбугат хезмәте хәбәр итә.

Мөслим районына Татарстан Рәссамнар берлегеннән 40ка якын картина тапшырылачак. Бу турыда Татарстан Рәссамнар берлеге оештырган этно пленэр-симпозиумында Татарстан Рәссамнар берлеге әгъзасы, Татарстанның халык рәссамы Мөдәррис Минһаҗев хәбәр итте. 

Татарстанның атказанган артисты, композитор Эльмир Низамов үз концертында Казан шәһәрен хәзер туган йорты кебек якын итә башлавын белдерде. Хәзерге минутларда Казанның "Пирамида" концертлар залында Эльмир Низамовның тәүге эстрада концерты бара. Моңарчы аның классик музыкадан торган чаралары гына оештырыла иде. Бүген композитор тамашачыга үзе язган эстрада җырларын тәкъдим итә. "Татар-информ" агентлыгы концерттан туры трансляция оештырды. Әлеге чара "Мин Казанга кайтам" җыры белән башланып китте.

Сургут шәһәре татарларының Милли-мәдәни мохтәриятендә туган телгә сакчыл карыйлар. Шуңа күрә биредә күп еллар дәвамында татар телен өйрәнү буенча якшәмбе мәктәбе эшли. Якшәмбе көнне балалар һәм олылар мәктәпкә килә. Бу хакта Бөтендөнья татар конгрессының матбугат хезмәте хәбәр итә.

Шимбә, 18 февральдә, Татарстан территориясендә уртача салкын, шул ук вакытта дымлы һава торышы саклана. Һава температурасы бераз төшә.

Бүген Казанда гуманитар ярдәм җыю складында «Бердәм Россия» төбәк бүлеге белән «Ярдәм янәшә» хәрәкәте Лисичанскига җибәрү өчен йөк әзерләде.

Быел 23 февраль - Ватанны саклаучылар көненә әзерләнергә һәм югары дәрәҗәдә үткәрергә кирәк. Татарстан Республикасы Рәисе Рөстәм Миңнеханов ТР Хөкүмәте Йортында традицион киңәшмәдә шундый йөкләмә бирде.

Казанда яшәүчедән берничә пенсионерга карата мошенниклык гамәлләре кылуда шикләнәләр. Бу хакта Россия Эчке эшләр министрлыгының Казан буенча идарәсенең матбугат хезмәтендә хәбәр иттеләр.

Үзбәкстанның Фәрганә шәһәрендә 24нче гомуми белем бирү мәктәбендә әдәби кичә үткәрделәр. Ул күренекле татар шагыйре, Советлар Союзы Герое Муса Җәлилнең 117 еллыгына багышланган иде.

Тиздән республика авылларына бушлай чәчүлек материаллары кайтачак. Бу хакта “Татар-информ”га Татарстан кулланучылар җәмгыятенең гомум мәсьәләләр буенча идарә рәисе урынбасары Ренат Бикбов хәбәр итте. 

Татарстан Республикасы Милли музеенда Россиянең, Татарстанның һәм Казахстанның халык артисты, дирижер һәм педагог Фуат Мансуровны искә алдылар. Кичәдә Милли музей фондларыннан Фуат Мансуровның 95 еллыгына багышланган «Мин – татар кешесе, татар мәдәниятен таратам» күргәзмәсе ачылды.

РФ Президенты Владимир Путин йөк автомобильләре йөртүчеләрдән Россия чиген чыгу көнен һәм вакытын резервлауны таләп итә торган федераль законга имза куйды. Документ хокукый мәгълүматның рәсми интернет-порталында чыкты.

Җанисәп нәтиҗәсендә Магнитогорск шәһәрендә татарларның саны артуы күзәтелгән.

Коронавирус инфекциясе сезонлы инфекцияләр рәтенә күчә, язга таба аны йоктыручылар азаер дигән өмет бар, әмма тынычланырга иртәрәк әле. Бу хакта РИА Новости агентлыгы Россия халыклар дуслыгы университетының йогышлы авырулар кафедрасы доценты Сергей Вознесенскийга сылтама белән хәбәр итә.

Россия Президенты Владимир Путин имзалаган яңа закон нигезендә хәрби хәрәкәтләрдә катнашкан ветераннарның тол хатыннары һәм тол ирләре, аларның гаилә составына карамастан, социаль ярдәм алуга хокуклы булачак. Документ хокукый мәгълүмат порталында чыкты.

Татарстанда «Кече ватан театрлары» федераль проекты буенча акча алучы театрлар саны арткан – 2022 елдан башлап 13 театрга «Бердәм Россия» партиясе проекты буенча спектакльләр кую һәм матди-техник базаны яхшырту өчен акча бирелә.

«Россия 1» телеканалында «Шаляпин» сериалының премьерасы булды. Сериалда Федор Шаляпинның вокал партияләрен Башкорт дәүләт опера һәм балет театры, Мариин театры солисты, Россиянең атказанган, Башкортстанның һәм Татарстанның халык артисты, Уфада туып үскән Илдар Абдразаков башкарды.

Татарстан икътисады 2022 елгы чакыруларны җиңеп чыкты, яңа шартларда ышанычлы үсешне дәвам итү өчен реаль секторны активрак үстерергә һәм аңа илебез галимнәренең технологик казанышларын кертергә кирәк. Бу хакта ТР Икътисад министрлыгы коллегиясенең йомгаклау утырышында Татарстан Рәисе Рөстәм Миңнеханов хәбәр итте.

Россия Саклану министрлыгы хәрби округларга яңа командующийлар билгеләнүен раслады. Ведомство сайтында шул хактагы мәгълүмат урнаштырылган.

2022 елда Татарстанның тулаем төбәк продукты күләме 3,8 триллион сумнан артып киткән – бу моннан бер ел алдагы саннар белән чагыштырганда 6 процентка күбрәк. Республика икътисад министры Мидхәт Шаһиәхмәтов ведомствоның йомгаклау коллегиясендә шулай дип белдерде.