Новости за 17.08.2023

Кукмарада «Татарстан Республикасы Профсоюзлар федерациясе» берлеге рәисе урынбасары Татьяна Васильева җитәкчелегендә киңәшмә узды. Бу хакта «Хезмәт даны» сайтында хәбәр ителә.

Кабан күле яр буенда «Хәрәкәттә – бәрәкәт» проекты кысаларында татар халкының милли уеннарына багышланган «Әйлән-бәйлән» дип аталган программа тәкъдим ителде.

Татарстанның ике кешесе террористлар һәм экстремистлар исемлегенә кертелде. Бу мәгълүмат Росфинмониторингның рәсми сайтында чыкты.

Зур Кукмара җирлеге мәдәният хезмәткәрләре һәм Байлангар мәдәният йорты хезмәткәрләре Кукмара районы кырларында эшләүче игенчеләргә концерт куйган.

Татарстан Рәисе Рөстәм Миңнеханов Россия Дәүләт Советының транспорт үсеше мәсьәләләре буенча президиумы утырышында катнаша.

Төркиянең Адыяман провинциясендә, илнең көньяк-көнчыгышында 4,1 магнитудалы җир тетрәү булган. Бу хакта РИА Новости хәбәр итә.

17 августта Учалы районының Кубагуш авылында легендар җырчы, башкорт халык җырларын башкару остасы, Башкортстанның халык артисты Абдулла Солтанов вафат булган. Аңа бер айдан 95 яшь тулырга тиеш иде, ул соңгы көнгә кадәр аяк өстендә йөргән, авылдашлары белән аралашкан. Бу хакта «Башинформ»га Учалы районы хакимиятендә хәбәр иткәннәр.

Татарстанда кыска вакытлы эссе көннәрдән соң ялларда салкынча һава торышы киләчәк. Бу фаразларны Татарстан Гидрометеорология һәм әйләнә-тирә мохитне күзәтү үзәге таратты.

Бүген Малайзиядә Beechcraft 390 самолеты автотрассага төшкән. Анда, ким дигәндә, 10 кеше һәлак булган. ТАСС шул хакта яза. «Фаҗига Селангор көнбатыш штатында, Шах-Алам шәһәре янында булган. Самолет Лангкави курорт утравыннан аэропортка очкан.

Россия Президенты Владимир Путин балалар пособиеләрен түләү буенча берничә йөкләмә бирде. Аерым алганда, хәзер бала тууга һәм тәрбияләүгә бәйле пособиеләр түләүне, ата-аналарның финанс хәленә бәйсез рәвештә, һәр ай саен тәэмин итәргә кирәк. Йөкләмәләр исемлеге Кремль сайтында чыкты.

Мәскәү белән Санкт-Петербург арасында югары тизлекле магистраль проектын гамәлгә ашыру мизгеле җитте. Бу хакта Россия Президенты Владимир Путин Мәскәү үзәк диаметры-3 ачылу тантанасында сөйләде.

Бүген Чистайда мопед катнашындагы юл-транспорт һәлакәте фаҗига белән тәмамланган.

Татарстанның Менделеевск районында коткаручылар елгада баткан баланың мәетен тапкан. Бу хакта Россия Гадәттән тыш хәлләр министрлыгының Татарстан буенча Баш идарәсендә хәбәр иттеләр.

Мәскәүдә «Эрмитаж»да Милли мәдәниятләр фестивале узды. Анда Мәскәүнең төрле милли диаспораларының җыр һәм бию сәнгатен тәкъдим иткән иҗат коллективлары, шулай ук Россиянең рус, чуваш, мордва, татар, башкорт, чечен халыклары концерт куйды. Бу хакта Мәскәү Татар милли-мәдәни мохтарияте матбугат хезмәте хәбәр итә.

Татарстанда яшәүче ике кешегә атказанган хезмәткәр исеме бирелде. Бу хактагы карарны Россия Президенты Владимир Путин имзалады.

Татарстанның Менделеевск районында коткаручы-водолазлар суга баткан 9 яшьлек малайны эзли. Бу хакта «Татар-информ»ның Чаллыдагы хәбәрчесе Валентин Кулагин хәбәр итте.

Хәзер мошенниклар пенсияне һәм торак-коммуналь хуҗалык хезмәтләрен яңадан исәплибез дип алдалый башлаган. Бу хакта Россия Эчке эшләр министрлыгының Татарстан буенча бүлеге матбугат хезмәте хәбәр итә.

Россиянең сәнәгать предприятиеләрендә яшьләр хәл итә алырлык бурычлар күп, чөнки алар хәзер актив үсеш ала. Бу хакта Россия Премьер-министры Михаил Мишустин Самарада «ОДК-Кузнецов» ГАҖен караганнан соң әйтте.

Бүген Калининград өлкә драма театрында «Короче» фестивале кысаларында режиссер Байбулат Батулланың «Ядәч! Истә!» тулы метражлы фильмы күрсәтелде. Бу хакта Бөтендөнья татар конгрессының матбугат хезмәте хәбәр итә.

Җырчы, автор-башкаручы Илгиз Шәйхразиев «Идел» журналының яңа саны турында фикерен әйтте.

Татарстан һәм Мәскәү тиешле программаны гамәлгә ашыру кысаларында заманча университет кампуслары системасын булдыру мөмкинлеген өйрәнергә тиеш. РФ Президенты Владимир Путин «Россиядә креатив икътисадны үстерү» күргәзмәсе белән танышу нәтиҗәләре буенча шундый күрсәтмә бирде.

Чаллы татар дәүләт театрының пенсия яшендәге өч артисты эштән китә.

Татарстанның халык, Россиянең атказанган артисты Инсаф Фәхретдинов, Татарстанның халык артистлары Гөлүсә Гайнетдинова һәм Булат Сәлахов белән контракт озайтылмавын Чаллы театрының сәнгать җитәкчесе Олег Кинҗәгулов раслады.

Әлеге артистларга ярты ставкада калып эшләргә контракт тәкъдим ителгән иде. Ләкин алар бу тәкъдимнән баш тартканнар.

«Татмедиа» АҖ 2023 елның икенче яртыеллыгында медиахолдингның ике басмасын яздырып алучылар арасында кыйммәтле бүләкләр уйнатты. «Язылу өчен скутер, телевизор һәм башка бүләкләр» акциясендә Татарстанның төрле районнарыннан 420 укучы катнашты, шул исәптән Россиянең башка төбәкләреннән 14 кеше.

ТАССРның халык, РСФСРның атказанган артисты, Татар опера һәм балет театры солисты Идеал Ишбүләковның хатыны Клара Ишбүләкова «Идел» журналының өлкән яшьтәгеләр өчен дә кызыклы булуын әйтте.

Татарстанда транспорт тармагы озакка сузылган кризиста: предприятиеләрдә – хезмәткәрләр, ә юлларда хәрәкәттәге состав җитми. ТР Автотранспорт предприятиеләре ассоциациясе шундый белдерү белән чыкты һәм ишегалларын төзекләндерү яки паркларны реконструкцияләү программасы кебек масштаблы яңарту программасын гамәлгә куярга чакырды.