Новости за 18.10.2023

Алабугада вандаллар, травматик коралдан атып, тукталыш пыялаларын ваткан. Бу кешеләргә шәһәр эчендә коралдан аткан һәм милекне бозган өчен җавап бирергә туры киләчәк. Бу хакта «Алабуга нуры» хәбәр итә.

Россия Банкының 1000 сумлык яңа банкнот дизайнын эшләп бетерү карарын хуплап, Мәскәү патриархаты чиркәүнең җәмгыять һәм массакүләм мәгълүмат чаралары белән үзара мөнәсәбәтләре буенча Синодаль бүлеге башлыгы Владимир Легойда чыгыш ясаган.

Юл һәлакәте бүген Апас районында, «Казан-Буа-Ульяновск» автомобиль юлының 84 нче километрында булган.

Нурлат районы башлыгы Дамир Ишкиниев махсус хәрби зонага якташ хәрбиләренә квадрокоптер җибәргән, ә «Җиңү өчен тәм-томнар» волонтерлар төркеменә дегидратор сатып алган. Кирәкле гаджет инде якташларына тапшырылган. Сугышчылар муниципаль берәмлек җитәкчесенә рәхмәт белдереп, ролик яздырган.

Татарстан мөфтие Камил хәзрәт Сәмигуллин кушуы буенча Татарстан мәчетләрендә Палестина мөселманнары өчен җәмәгать белән дога кылалар.

Түбән Кама башкарма комитеты җитәкчесе урынбасары Ленар Зарипов үз вазифасыннан киткән. Түрә бу вазифадан үз теләге белән киткән. Әмма киләчәккә планнары турында әлегә сөйләмәгән. «Татар-информ»га бу хакта матбугат хезмәте җитәкчесе Яна Комарова-Аникова сөйләде.

Юл-транспорт һәлакәте кичә булган. Бу хакта Татарстан Дәүләт автоинспекциясе хәбәр итә.

Төркмәнстан мәдәни мирасны саклауда күп яклап үрнәк булып тора. Төркмәнстанда Татарстан көннәрен ачу чарасында Татарстан мәдәният министры Ирада Әюпова шундый фикере белән уртаклашты. Татарстан көннәре илнең Ашхабад һәм Мары шәһәрләрендә 17-19 октябрьдә уза.

Ял көннәрендә Татарстанда температура фонының тагын да түбәнәюе көтелә. Бу Татарстан Гидрометеорология үзәге фаразыннан күренә.

«Салават күпере» һәм «Сабантуй» журналлары редакциясе баш мөхәррире Зилә Фәйзуллина «СалаваTik» проектына җырларны ни рәвешле туплаулары турында сөйләде.

Бүген Менделеевск районының Актаҗик авылында махсус операциядә хәрби бурычын үтәгәндә һәлак булган Олег Леонтьев истәлегенә мемориаль такта ачылды. Монашево урта мәктәбен тәмамлаган хәрби истәлегенә мемориаль тактаны мәктәп диварына элгәннәр.

Казан шәһәре филармониясенең балалар бүлеге җитәкчесе Гөлназ Гафурова «СалаваTik»лар проектында катнашкан балалар арасында яхшы конкурентлык барлыгын әйтте.

Бүген Дәүләт Советы Рәисе, Татарстан Халыклары ассамблеясе Советы Рәисе Фәрит Мөхәммәтшин Казанның 93 нче гимназия территориясендә Александр Пушкин һәйкәлен һәм яңартылган «Пушкин бакчасы» скверын ачу тантанасында катнашты. Чара Бөтенроссия лицейчы көне алдыннан оештырылган иде. Бәйрәм шулай ук Александр Пушкинның Казан шәһәрендә булуына 190 ел тулуга да багышланган. Бу хакта Татарстан Республикасы Дәүләт Советы матбугат хезмәте хәбәр итә.

Үзәк Банкның Сөембикә манарасы һәм Татар халкы һәм Татарстан Республикасы дәүләтчелеге тарихы музее сурәтләнгән яңа кәгазь купюрасы дизайнын акылга сай кешеләр эшләгән, алар аның ахыр чиктә ничек күренәчәген уйламаган, дип саный танылган этнограф һәм демограф Дамир Исхаков.

«Алдынгылар хәрәкәте» балалар һәм яшьләр хәрәкәте бинасында оешманың җитәкчесе Тимур Сөләйманов «СалаваTik»лар проектына ярдәм итәчәген әйтте.

«Салават күпере» һәм «Сабантуй» журналлары редакциясе баш мөхәррире Зилә Фәйзуллина «СалаваTik» проектына йөрүче балаларга хезмәт хакы түләнгәнен әйтте.

«Игелекле Казан» проекты ярдәмендә шефлыкка алынган төбәккә гуманитар йөк тутырылган алты йөк машинасы килгән.

Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышында Татарстан Республикасы Финанс министры урынбасары Оксана Кисапова сүзләренчә, мәдәният һәм кинематография өлкәсенә республика бюджетыннан бүленеп биреләчәк сумма артачак.

Әл-Әхли госпиталендә шартлау булганнан соң Татарстан мөфтие Камил хәзрәт Сәмигуллин Газа секторындагы хәлгә карата фикерен белдерде. Бу турыда ул Telegram-каналында язды.

Татарстан Дәүләт Советының Мәгариф, мәдәният, фән һәм милли мәсьәләләр комитеты утырышында республика гражданнарын патриотик тәрбияләү турында канун проектын беренче укылышта кабул иттеләр. Алга таба закон Татарстан Дәүләт Советы утырышында каралачак.

Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышында Татарстан Республикасы Финанс министры урынбасары Оксана Кисапова әйтүенчә, 2024-2026 елларга массакүләм мәгълүмат чараларына республика бюджетыннан бүленеп биреләчәк акча кимиячәк.

Татарстанда ашыгыч ярдәм машиналарын йөртүчеләрнең хезмәт хакы 18,1 мең сумга артачак. ТР финанс министры урынбасары Гела Герасимова Татарстан Дәүләт Советының Социаль сәясәт комитеты утырышында шулай дип белдерде.

Саҗидә Сөләйманова исемендәге Әдәби премияләр лауреатларын бүләкләү, шулай ук С.Сөләйманова исемендәге стипендияләр сертификатларын тапшыру тантанасы быел беренче тапкыр Казан шәһәрендә уза. Тантана иртәгә, 19 октябрьдә, Татарстан Республикасы Милли китапханәсендә була. 17.00 сәгатьтә башлана.

7 октябрьдән башлап, көнбатыш Әфганстан буйлап җир тетрәүләр булды. Табигать казасының үзәге Герат провинциясенең Зиндаҗан районына туры килгән. Соңгы мәгълүматларга караганда, җир тетрәүләр нәтиҗәсендә 4,5 меңнән артык кеше һәлак булган һәм имгәнгән. 40 торак пунктта 2 меңнән артык йорт һәм меңләгән баш терлек юкка чыккан. Зыян күрүчеләр арасында Әфганстан татарлары күп.

2024 елда Татарстан бюджетының фаразланган кереме 112,8 млрд сум тәшкил итәр дип көтелә. Бу хакта Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты утырышында Татарстан Республикасы Финанс министры урынбасары Оксана Кисапова хәбәр итте.