Новости за 29.10.2023

Чистай районының Гаделша авылы мәктәбендә әфганчы Раиф Хәсәновка истәлек тактасы куелды. Бу хакта «Чистай хәбәрләре» газетасы яза.

26 октябрьдә Азнакайның «Тау» яшьләр үзәгендә Аниме (япон мультипликациясе) фестивале узды. Бу хакта "Азнакай-информ» яза.

Казанда «Хезмәткә һәм оборонага әзер» бөтенроссия физкультура-спорт комплексы фестиваленең суперфиналы узды. Ярышларда Әлмәт командасы беренче урынны алды. Бу хакта «Әлмәт таңнары» газетасы яза.

Бүген Казанның «Ак Барс» һәм Түбән Каманың «Нефтехимик» хоккей командалары көч сынашты. Җиңүне 2:1 исәбенә «Нефтехимик» яулады. Матч Түбән Камада узды.

Башкортстан башлыгы Радий Хәбиров 2018-2020 елларда Уфа администрациясен җитәкләгән Өлфәт Мостафинны искә алды, дип хәбәр итә «Башинформ».

Кичә Татарстанның Алабуга районындагы трассада кичке сәгать бишләр тирәсендә авария булган. Бу хакта социаль челтәрләрдә шаһитлар хәбәр итә.

Башкортстанның Бишбүләк районындагы Иттихат авылында «Миңсылу» мәчетен ачу тантанасы булды, дип хәбәр итә «Башинформ».

Татарстанда III Бөтенроссия «Каз өмәсе» фестивале оештырылачак. Фестивальгә әзерлек йөзеннән, 7 номинациядә бәйгеләр була. Бу турыда Бөтендөнья татар конгрессы хәбәр итте.

Мәскәү Татар мәдәни үзәгенең «Шатлык» фольклор ансамбле Сара Садыйкова исемендәге «Калфаклы сандугач-2023» XII төбәкара ачык татар җыры һәм камера-инструменталь музыка фестиваль- конкурсында катнашты. Бу хакта Мәскәү шәһәре Татар милли-мәдәни автономиясе төбәк иҗтимагый оешмасы сайтында хәбәр ителә.

Россиядә һәм бөтен дөньяда 45 яшькә кадәрге кешеләрдә инсульт очраклары ешрак күзәтелә, хәзер моңа пациентларның 5-8 проценты туры килә. Ләкин, авыруның куркыныч нәтиҗәләрен булдырмас өчен мөмкинлек бар. Моның өчен профилактика һәм грамоталы медицина контроле кирәк, дип белдерде РИА Новости белән әңгәмәдә Россия Федераль медицина-биология агентлыгы башлыгы Вероника Скворцова.

Метеорологлар фаразлавынча, 29 октябрь, якшәмбе киченнән дүшәмбе, 30 октябрь киченә кадәр Татарстанда урыны белән бозлавык, томан була, шулай ук 15 метрга кадәр көчле җил, юлларда бозлавык көтелә.

Ноябрь аенда бюджет учреждениеләре хезмәткәрләре һәм гражданлык дәүләт хезмәткәрләре 5,5 процентка индексацияләнгән хезмәт хакы алачак. Гомумән алганда, өстәмә түләү 2 миллионнан артык кешегә кагыла, дип хәбәр итә «Российская газета» РФ Хөкүмәте каршындагы Финанс университеты профессоры Александр Сафоновка сылтама белән.

Самара өлкәсенең Гали һәм Оренбург өлкәсенең Богырыслан районы Байрак выллары арасында яңа күпер салынган. Гали белән Байрак татар авылларын аерып торучы елга аша күпер бик искергәч, Самарның Зубчаниновка бистәсендә урнашкан «Болгар мирасы» мәчетенең имам-хатыйбы Рәсих хәзрәт Вакказов аны төзекләндерүгә алынган. Бу турыда «Самара татарлары» сайты хәбәр итте.

Татарстан Рәисе Рөстәм Миңнеханов Төркия Президенты Рәҗәп Тайип Эрдоганны һәм Төркия халкын республика оешуының 100 еллыгы белән котлады. Бу хакта ул үзенең телеграм-каналында язган һәм төрек лидеры белән бергәләп төшкән фотосын урнаштырган.

Төркиянең Генераль консулы Угур Йылмаз Республика көнендә Россиядә яшәүче ватандашларына мөрәҗәгать итте. Котлауны ул «Татар-информ» редакциясенә җибәрде.

Түбән Новгородта «Бердәм Россия» партиясе штабында балалар өчен Этикет мәктәбенең яңа төркеме белән беренче дәрес булды. Балалар белән татар телендә әдәпле сүзләр — иң гади сәламләү һәм рәхмәт сүзләрен өйрәнә башладылар, дип хәбәр ителә Түбән Новгород өлкәсе татарларының милли-мәдәни автономиясе сайтында.

Түбән Новгородта «Бердәм Россия» партиясе штабында балалар өчен Этикет мәктәбенең яңа төркеме белән беренче дәрес булды. Балалар белән татар телендә әдәпле сүзләр — иң гади сәламләү һәм рәхмәт сүзләрен өйрәнә башладылар, дип хәбәр ителә Түбән Новгород өлкәсе татарларының милли-мәдәни автономиясе сайтында.

Төркия университетларында эшләүче татар галимнәре Чулпан Зариф-Четин һәм Рамилә Яруллина-Йылдырым Төркия җөмһүриятенең корылуына 100 ел тулу уңаеннан «Хәйдәр Алиев һәм Төркия» халыкара фәнни симпозиумында катнашып, татар әдәбияты һәм татар шәхесләре турында сөйләделәр.

Россия Президенты Владимир Путин автомобиль һәм шәһәр пассажир транспорты хезмәткәрләрен һәм ветераннарын һөнәри бәйрәмнәре белән котлады. Телеграмманы Кремльнең матбугат хезмәте бастырып чыгарды.

Казанда «Ак Барс Арена» таблосында Татарстанның Төркия Республикасын 100 еллыгы уңаеннан котлау сүзләре 30 октябрьгә кадәр трансляцияләнәчәк.

29 октябрьдә Ульяновск Татар мәдәнияте үзәгендә татар яшьләренең «Чәкчәк-пати» кичәсе булды. Бу турыда Ульяновск өлкәсенең «Өмет» газетасы телеграм-каналында хәбәр итте.

Бүген Татарстанда температура күтәрелә, әмма һава торышы тотрыксыз кала. Бу хакта ТР Гидрометеорология үзәге хәбәр итә.

Ел саен октябрьнең соңгы якшәмбесендә Россиядә Автомобилчеләр көне һөнәри бәйрәме билгеләп үтелә.

Хезмәт җитештерүчәнлеген арттыру проектын гамәлгә ашыру медицина хезмәткәрләрен һөнәри эшчәнлек белән бәйле булмаган функцияләрне үтәүдән азат итәргә мөмкинлек бирәчәк. Бу хакта РФ Сәламәтлек саклау министры Михаил Мурашко Адыгеяга эш сәфәре вакытында белдерде, дип хәбәр итә РИА Новости.

Узган йөз ел эчендә Төркия күп сынауларны җиңде һәм күп өлкәләрдә танылу алып, уңышларга иреште. Бу хакта республика Президенты Рәҗәп Тайип Эрдоганны котлаганда Россия лидеры Владимир Путин белдерде.