Новости за 24.04.2024

Түбән Каманың «Адымнар» күптелле гимназиясенең «Адымнар Times» газетасы мәктәп массакүләм мәгълүмат чаралары фестивалендә тәкъдим ителде. Бу хакта https://nkamsk-rt.ru/ сайтында Фәридә Зарипова яза.

Бүген Казан федераль университетының Филология һәм мәдәниятара багланышлар институтында яшь шагыйрьләр һәм язучыларның «Илһам» Бөтенроссия конкурсында җиңүчеләрне бүләкләү тантанасы узды.

Ташкентта VII ачык Үзәк Азия кэндо фестивале узды. Турнирда Үзбәкстан, Казахстан, Төрекмәнстан, Кыргызстан, Россия, Израиль, Корея Республикасы һәм Япониядән алтмыштан артык спортчы катнашты. Ир-атлар арасындагы шәхси ярышларда икенче ел рәттән «кю-кап» категориясендә Татарстан кендо мәктәбендә шөгыльләнүчесе Артур Салмияров җиңде.

Интернет һәм кабельле челтәрләрдә тапшырулар алып баручы «Хозур ТВ» телеканалы Россиядә үз тапшыруларының географиясен киңәйтүне дәвам итә. 15 апрельдән бу мөселман телеканалын Оренбург, Саратов һәм Самара өлкәләрендә яшәүчеләр карый ала башлады. Моны раслаучы килешү «Хозур» нәшрият йорты һәм «Ростелеком» җәмгыяте арасында имзаланды. Бу хакта ТР Диния нәзарәте матбугат хезмәте хәбәр итә.

Халыкара конкурслар лауреаты, Казан шәһәре филармониясе солисты һәм «Голос.Дети – 2015» проекты финалисты Сәйдә Мөхәммәтҗанова Үзбәкстанның Ovoz шоуында катнашачак. Программаны 27 апрельдә 20:00 сәгатьтә (Мәскәү вакыты белән 18:00 сәгатьтә) ZO»R TV телеканалында күрсәтәчәкләр, дип хәбәр итте Сәйдә үзенең рәсми ютуб-каналында.

Фәннәр академиясендә Георгий Гачевның тууына 95 ел тулуга багышланган семинар узды. Экспертлар милли әдәбиятны һәм аның дөнья мәдәниятендәге урынын тикшерү белән шөгыльләнгән әдәбият белгеченең фәнни хезмәтләре турында фикер алышты.

Узган елның сентябрендә «Татмедиа» АҖ һәм «Апснымедиа» РДУ арасында килешү имзаланды. Шул вакыттан бирле Абхазия ягы өчен онлайн мәктәп оештырыла.

Өченче курстан соң күп кенә студентлар бер үк вакытта белгечлек буенча укый да, эшли дә ала. Бу хакта Татарстан Республикасы Рәисе Рөстәм Миңнеханов Әлмәттә «Югары нефть мәктәбе» фәнни-белем бирү үзәге мәйданчыгында уза торган алдынгы инженерлык мәктәпләре җитәкчеләре белән семинар-киңәшмәдә әйтте.

Россия Федерациясенең беренче Президенты Борис Ельцинның хәзерге Россиянең формалашуындагы роле әйтеп бетергесез. Хәзерге Россия лидеры Владимир Путинның матбугат сәркатибе Дмитрий Песков шулай дип саный. Исегезгә төшерәбез, кичә, 23 апрельдә, Ельцинның үлгән көне искә алынды – ул 2007 елда вафат булды.

Яхшы база мәктәп белеме булмаса, квалификацияле инженер кадрларын әзерләү мөмкин түгел, мәктәпләрне реформалау буенча җитди эш алып барырга кирәк. Бу хакта Татарстан Республикасы Рәисе Рөстәм Миңнеханов Әлмәттә «Югары нефть мәктәбе» фәнни-белем бирү үзәге мәйданчыгында уза торган алдынгы инженерлык мәктәпләре җитәкчеләре белән семинар-киңәшмәдә әйтте.

РФ Саклану министрлыгы белән контракт төзегән чит ил гражданнары гадиләштерелгән формада Россия гражданлыгын ала ала.

РФ Җинаять кодексында диверсияләр буенча җаваплылыкны 35 елга кадәр арттыру турында төзәтмәләр әзерләнгән. Бу хакта Дәүләт Думасының Иминлек комитеты башлыгы Василий Пискарев хәбәр итте, дип белдерә РИА Новости.

26 апрель көнне Казан Кирмәнендә узачак «Мин татарча сөйләшәм» акциясендә лотерея уйнатылачак. Акцияне оештыручылар сүзләренчә, лотерея билетын алу өчен ясак түлисе булачак.

«Казан» халыкара аэропортында Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең (Роспотребнадзор) Татарстан буенча идарәсе өйрәнүләре башланды. Укуларда уннан артык министрлык, ведомство һәм учреждение катнаша.

Ваһапов фестивале үткәрелә башлауга быел 20 ел була. Фестивальнең генераль продюсеры Рифат Фәттахов шул уңайдан журналистларны төшке ашка җыйды. Ул бүгенге көнгә булган нәтиҗәләр турында сөйләде.

Чиләбе шәһәрендә традиция буенча бөек татар шагыйре Габдулла Тукайның туган көненә багышланган зур шигърият бәйрәме узачак. Бәйрәм 26 апрель көнне 11.00 сәгатьтә Воровский урамындагы скверда, 21нче йорт янындагы Габдулла Тукай һәйкәле янында була, дип хәбәр итә Чиләбе өлкәсе татарлары конгрессы «ВКонтакте»дагы сәхифәсендә.

Татарстан, башка илләр кебек үк, инженер һәм эшче белгечләр дефициты проблемасы белән очрашты. Бу хакта Татарстан Республикасы Рәисе Рөстәм Миңнеханов алдынгы инженерлык мәктәпләре җитәкчеләре белән узган семинар-киңәшмәдә әйтте.

«Тархан» тарихи-мәдәни конкурсының өченче сезоны финал ярышлары Болгарда узды. 6 финалист арасыннан кем җиңүче икәнен оештыручылар әлегә сер итеп саклый – КФУның Халыкара мөнәсәбәтләр институтына Төрки халыклар тарихы профиле буенча кемнең бюджет урынына ия буласы тапшыру телевидениедә күрсәтелгәндә генә билгеле булачак.

Татарстан икенче ел рәттән алдынгы инженерлык мәктәпләре җитәкчеләренең семинар-киңәшмәсен кабул итә. Әлмәттә Нефть югары мәктәбендә уза торган чарада ТР Рәисе Рөстәм Миңнеханов һәм РФ фән һәм югары белем министры Валерий Фальков катнашты.

Казанда төп халыкара чаралар - БРИКС Уеннары һәм саммит тәмамланганнан соң, Сөембикә манарасына реконструкция ясаячаклар. Мәдәни мирас объектларын саклау комитеты рәисе Иван Гущин ТР Министрлар Кабинетындагы брифингта шулай дип белдерде.

Татарстан Рәисе Рөстәм Миңнеханов алдынгы инженерлык мәктәбе җитәкчеләре белән семинар-киңәшмәдә катнаша, чара Әлмәтнең «Югары нефть мәктәбе» фәнни-белем бирү үзәге базасында уза.

Бразилия Президенты Луис Инасиу Лула да Силва Казанда узачак БРИКС саммитына килә. Бу хакта ТАСС агентлыгы Бразилиянең Мәскәүдәге илчесенә сылтама белән хәбәр итә.

Казанда электр поезды 21 яшьлек егетне бәрдереп үтергән. Тикшерү үткәрелә, дип хәбәр иттеләр Россия Тикшерү комитетының Үзәк төбәкара транспортта тикшерү идарәсе матбугат хезмәтендә.

Россия Хөкүмәтенең яңа составында кадрлар үзгәреше булырга мөмкин, әмма нигезе элеккечә калачак. Федерация Советы спикеры Валентина Матвиенко РИА Новости агентлыгына интервьюда шул хакта сөйләде.

Удмуртиянең «Яңарыш» газетасында Гүзәл Шакированың «Безнең көрәшчеләр Россия чемпионатында катнашачак» дигән язмасы чыкты.