Аҷандаратәи абжьаратә школ адиректор Валери Аҩӡба арадио Sputnik аҟны иҳәеит апоет Таиф Аџьба диижьҭеи 80 шықәса аҵра инамаданы иқыҭа гәакьаҟны игылоу ихьӡ зху ашкол аҟны ахәылԥаз шымҩаԥгаз атәы.
Аҵиаақәа рзы аҳәынҭқарратә карантинтә хылаԥшра аиҳабы ихаҭыԥуаҩ Алмасхан Қьецба арадио Sputnik аҟны еиҭеиҳәеит амимозашәҭ Ԥсоу аҳәаа ахыгараан аҭагылазаашьа зеиԥшроу, шаҟа ашәахтә ақәу, бжьаратәла иахьазы ахә зеиԥшроу атәы.
Адунеижәларбжьаратәи Аҳәса рымшныҳәа аламҭалазы уахыки-ҽнаки рыла тоннала амимозашәҭ аҳәаа иахыргоит.
Аԥсны аҵареи аҭҵаарадырреи рминистрра апресс-маӡаныҟәгаҩ Аслан Қәҭелиа арадио Sputnik аҟны иҳәеит Гал араион иҟоу ахәыҷбаҳчақәа ааба рҿы аҵара-ааӡаратә процесс аиҿкаашьазы аминистрра агәаҭарақәа шымҩаԥнаго.
Гәылрыԥшь араион аҟны иҟоу агрофирма "Кәыдры" аиҳабы Нугзар Чагәаа арадио Sputnik Аԥсны аефир аҟны еиҭеиҳәеит имҩаԥырго аусурақәа ртәы.
Ииасыз амчыбжь аҩнуҵҟа аҳәааҟны изакәанымкәа аҭаҭынаалыҵ аиагаразы аҽазышәарақәа ԥшьба аԥырҟәҟәаан.
Амҵәышәымпыл азы Ҟарачы-Черқьесиа иеизгоу аветеренцәа ркомандеи Аԥсны иеизгоу акомандеи еицыхәмарит Очамчыратәи аспорттә хан аҟны. Аиҩызаратә хәмарра Аԥсны аҩбатәи ахада, Аԥсны амҵәышәымпыл афедерациа актәи ахада Сергеи Багаԥшь игәалашәара иазкын.