Аҭаацәара иацу анасыԥ, ахшара зегьы еицырзеиԥшны аԥхарра рызнагара, аԥсҭазаара амҩа рықәҵара иаҵоу амаӡақәа ртәы арадио Sputnik Аԥсны аефир аҿы еиҭалҳәеит 11-ҩык ахшара ирану, ҩыџьа амоҭацәа ирандуу Манана Аиба.
Хәажәкыра 8 рзы Самсон Ҷанба ихьӡ зху аԥсуа драматә театр актирса Анна Аргәын-Кокношок диижьҭеи 105 шықәса ҵуеит. Актриса лҟазареи лҭеиҭыԥши аӡәырҩы хнаххьан ҳәа азгәалҭеит аҟазараҭҵааҩы Светлана Кәарсиаԥҳа арадио Sputnik Аԥсны аефир аҿы Анна Аргәын-Коношок дылгәаларшәауа.
Жәларбжьаратәи аҳәса рымш инадҳәаланы ауаҩ изы анасыԥ иаанаго далацәажәоит Sputnik аколумнист Светлана Ладариаԥҳа.
Аҭаацәараҟны абзиабара зегьы ирыцкуп, иара убас аԥхәыс лҭеиҭԥш еснагь дацклаԥшуазароуп ҳәа азгәалҭеит арадио Sputnik аефир аҟны ан, анду Кама Хәарааԥҳа.
Адунеижәларбжьаратәи аҳәса рымш аҽны, ихьанҭазаргьы, аԥҳәыс илыдҳәалоу, иуадаҩу азҵаатәы ашьҭыхра ахәҭоуп ҳәа ишьаны далацәажәоит Sputnik аколумнист Елеонора Коӷониаԥҳа.