Адвокат Караваев лаца гIоьртина полисхой Соьлжа-ГIалахь
Францехь тховкIело елла Юсупов байначу баттахь даймахка веача лаьцна хиллера полисхоша. Гейш бу аьлла, махкарчу чоьхьарчу гIуллакхийн белхахоша шеконашца лецначу меттигерчу наха хаийтинера иза лацарх. Цхьаболчеран аьтто хиллера набахтера арабовла, цара информаци яржийра, шайца лецна хиллачех.
Еаридийнахь Соьлжа-гIала кхаьчна адвокат Караваев полисхойн декъе ваханера. Дуьхьалваьллачу пхеа полисхочо шогаллица кехаташ хаьттинера цуьнга, цул тIаьхьа нуьцкъаша хIусаман гIишло чу вига хьовьзинера. Шен кехаташ а гайтина, адвокато ша федералан хаамийн гIирсийн журналисташца зIенехь ву аьллачул тIаьхьа, жимма шайн агресси лахйинера цара, яздо "Новая газетано".
Карарчу хенахь республикерчу а, федералан а Талламан комитеташка а, прокуратуре а, ФСБ-не а, ишта Оьрсийчоьнан омбудсмене Москалькова Татьяне а кехаташ кечдеш ву адвокат, Нохчийчуьрчу вахархочун Юсупов Бекханан кхолламах дерг къастош гIо доьхуш.