Новости за 09.03.2018

Кадыров Рамзана Telegram-хь дийцина Нохчийчохь Ми-8 беркема дохар муха хилира, хаам бо "Грозный-информ" агенталло. Кадыровс дийцарехь, иза дохале хьалха араэккха кхиина ши эскархо. "Беркема лахделла хилла дозанхой охьабиссо. Лаьтта кхача 2 метр йисча чехка хьакхначу мохо дIадаьхьна иза. Ши дозанхо чуэккха кхиина. 7 стаг тIехь волу беркема 150 метр кIоргачу Iинах дахана", - яздина Кадыровс. Беркема охьадоьжначу метте баханчу орцанхошна карийна 5 дакъа а, дийна висина 2 эскархо а. Царах цхьаъ тIаьхьо велла лоьрийн цIийнехь. Читать дальше...

Iамеркан тIеман ницкъийн Стратегин буьйранчаллан гIантдас ХIайтен Джона дIахьедар дина, Iамеркан хи бухахула лела кеманаш аьтто болуш ду Оьрсийоь а, Китай а хIаллакъян аьлла. И хаам цо бина Конгрессехь хиллачу ладогIаршкахь вистхуьлуш. "Хьаххийнчуьра аьлча, царна (Оьрсийчоьнна а, Китайна а) ца хаьа вайн хи бухахула лела кеманаш мичахь ду, ткъа уьш ницкъ болуш ду церан пачхаьлкха хIаллакъян, вай иза дахь", - аьлла ХIайтена. Цо иштта дIахьедар дина Цхьаьнатоьхна Штаташ ницкъ болуш ю муьлхха а тIелатарна жоп дала. Читать дальше...

Оьрсийчоьнан тIеман министраллан коьртачу штабан коьртачу талламан урхаллан эпсар хилла Скрипаль Сергей кхин дIа а болх беш хилла Британин а, кхечу пачхьалкхашна а, хаам бо Financial Times газето. Цу газетан хьастано дийцарехь, иза хила мега Скрипаль вен гIортаран бахьана. Цунна хууш баш къайленаш ца хилла, амма полковникан хууш хилла муха болх беш ю Оьрсийчоьнан талламан сервисийн система. Скрипаль дIадаханчу кIирандийнахь дIакхачийнера дарбанан цIийне, Солсбери гIалахь махбаран центран уллехь цунна во хиллачул тIаьхьа. Читать дальше...

Шемахь Ан-26 охьадоьжча вийна эскархо Героев Рамзан дIавоьллина ГIалгIайчохь зазадоккху-беттан 8-чу дийнахь. Цуьнан цIе лелор ю Нестеровское эвларчу школо, хаам бо ГIалгIайчоьнан куьйгалхочуьнан зорбанан сервисо. Героев вина а, ваьхна а волчу эвлахь хиллачу тезетахь хилира Евкуров Юну-Бек а, меттигерчу халкъан гуламан спикер Евлоев Зялимхан а. Героевн 38 шо хилла, иза гIуллакх деш хилла Оьрсийчоьнан армехь, старшинан чин а долуш. Оьрсийчоьнан Ан-26 кема доьхна Хмеймим аэродромехь охьахууш. Цу тIехь хилла 33 некъахо а (27 эпсар)... Читать дальше...

Кхаарин буса Венерчу Пратерштерн социйлахь веа стагана урс диттина волу талорхо лаьцна полисхоша. Иза  ву 23 шо долу овхIанхо. ТIелатар динчул тIаьхьа цкъа хьалха информаци яьржинера, овхIанхочо урс диттинчех цхьаъ нохчийн жима стаг ву аьлла. Амма иза гIалат хилар хаийтина полицино, и стаг мила ву къастийначул тIаьхьа.  Лаьцначо мукIарло дина, ша шена ларамаза дуьхьал кхеттачу меттигерчу доьзална а, ткъа иштта кхин цхьана шайнн къомахчу жимачу стагана а тIелатар дина хиларх альцна. И ша урс диттина... Читать дальше...

Iамеркан президент Трамп Дналд кийча ву цхьаьнакхета Къилбаседа Корейн куьйгалхочуьнца Ким Чен Ын-ца. Болчу хаамца, дийцарш хила мегаш ду гергарчу шина батахь. И хаам гучубаьлла кху деношкахь Къилбаседа Корейн лидерца дийцарш дIадаьхьначу Къилба Корейн векалшца Трамп цхьаьнакхеттачул тIаьхьа. Цара дIаделла Iамеркан президенте Къилбаседа Корейн лидеро Ким Чен Ын-ца иза дийцаршка кхойкхуш яздина кехат. ​