Ерриг а Эрмалойчоь инзаръяьккхина Iедал шен цIийнах хьаьжначу депутато Григорян Манвела. Карабахехь тIом барца гоьваьллачу инарлас, къоланаш а деш, дIалехьийна шен цIентIе вуно дукха машенаш, герз, йийбар, барзакъ, …акхарой. Ца кхоийна бераш а: эрмалойн школашкарчу дешархоша салташна гулйина йовха хIуманаш, коч-хеча…, вуно дукха рицкъ даьккхина цуьнгара. Коррупцех иэваларна жоьпе озийна Григорян.
Венехь доьзалхочух йолчу нохчийн жимачу зудчунна тоьхна полисхочо, яздо Кавказ.Реалиино. Болчу хаамца, ши-кхо де хьалха махкара арабаха хьакъ долу Австрехь беха нах лоьху полицин белхахой чулилхина хилла 25 шо долу нохчийн зуда ехачу хIусаме. Оьрсийчу дIахьажо Iалашонца, полисхоша лоьхуш хилла цуьнан да-нана. ХIусамах хьожуш бохку уьш новкъарло ян гIоьртина, шен гергарчаьрга телефон тоха гIертачу зудчунна. Эшам хиллачу зудчо дийцарехь, полицин белхахочо, куьг а лаьцна, пенах тоьхна иза, пIелг а кагбеш. Читать дальше...
Пенсийн реформина дуьхьал гуламаш кечбеш ю Оьрсийчуьра профессионалийн юкъараллаш а, оппизици а change.org сайта тIехь яржийначу петицина буха куьйгаш яздина 2 миллион сов вахархочо Дуьненан футболан чемпионат схьайоьллачу дийнахь даржийра нах пенсе бохуьйту хан тIехьатотту, аьлла. "Лужники" стадионерчу репортажашна тIаьххье гайтира телевизионаша премьер-министро Медведев Дмитрийс оцу хьокъехь аьлларг. Са ма гатде, бохура, пенсе бахана бехачаьрга, шух хьакхалур бац хийцамаш. Бохура, юккъерчу хьесапе диллича... Читать дальше...
Евробертан пачхьалкхашкахь тховкIело еха некъаш лоьхуш бу Оьрсийчу футболан дуьненан чемпионате бахькинарш. Цунах лаьцна хаам бо Финляндерчу Yle зорбанан гIирсо. ДIадаханчу кIиранах Мароккора кхо стаг гIоьртина хуьнхула Оьрсийчоьнан а, Финлядин а доза хадо. Ткъа Нигерин махкахо изза дан гIоьртина, Бразилин махкахочуьнан харц паспорт а гайтина. Цул сов, кхин цхьана стага политикан тховкIело ехна ХIелсинкин аэропортехь.
Оьрсийчоьнан Лаккхарчу Кхело кхаарин дийнахь шен пленумехь сацаман проек тIеэцна, дуккха а наха дакъалоцуш дIахьочу мероприятех лаьцна. Кхелан декъашхошна хетарехь, низамо ма бохху кехаташ кечдина дIахьош йолу акци кхечу метте дехьаяккха а, хан хийцина яйта а бакъо яц Iедалан, оццу хенахь цу меттехь кхин мероприяти ю аьлла а, гIашлошна новкъарло йо аьлла а, машенаш дIасалеларан маршрут хийца езаш хиларна а. Карарчу хенахь оппозицин митингаш вовшахтухурш шайца дагабовлуш, дуьхьалонан акци ца яйта Iедалша далош долу бахьанаш ду уьш.
Оьрсийчохь йихкинчу "Хизб ут-ТахIрир" исламан юкъараллан декъашхо ву аьлла чувоьллинчу Примов Нурин нанас мацалла кхайкхийна ГIирмехь. Цо кхайкхам бина Севастополерчу ФСБ-н урхалле, шен кIант дIахецар доьхуш. Примова Раймес дийцина Маршо Радионе, Оьрсийчоьнан Iедалшца барт а бина, хуьйцур болчу Сенцов а, Кольченко а кхин болчу а Украинерчу тутмакхашна юкъатохийта гIерташ ю ша шен кIант аьлла. Оьрсийчоьнан ницкъаллин структураш лелочунна дуьхьал, шинарин дийнахь дуьйна хи малар бен кхин кхача тIеоьцуш йоцчу Примовн нанас чIагIдо... Читать дальше...
Европан адамийн бакъонашкахула йолчу кхело еарин дийнахь юхатоьхна 2011-чу шарахь Норвегехь 77 стаг вийначу Брейвик Андреасан латкъам. Цу стага чIагIдарехь, Норвегерчу набахтехь иза латтон хьелаш адамаллица догIуш дац, хаам бо Reuters агенталло. Кхелана ца карийна Европан адамийн бакъонашкахула йолу конвенци йохийна меттиг. Иза бахьана долуш, суьдхоша бух боцуш лерина Брейвикан латкъам. Цо дуьххьара беш бац цу кхеле цу кепара латкъам. 2017-чу шарахь суд реза ца хилира набахтехь шен бакъонаш йохош ю аьлла, Брейвикан латкъам тIеэца. Читать дальше...
Кхаарийдийнахь дерриг а дуьнено билгалдаьккхира МухIажирийн Де. Венерчу протестан гуламе, масала, баьхкинера мухIажиршна тIекаре еш эзарнаш меттигера бахархой. ДецIахь дахар кхераме а хIоттош, мухIажирш махкара дIа ма хьежабе, бохура гуламхоша.
14 кила духIеш схьадаьхна Iаьрбийн Цхьаьнакхеттачу Эмираташкара цIавогIучу Нохчийчуьрчу вахархочуьнгара. Бахьана ду цо уьш декларацина тIе дIаяздина ца хилар, яздо "Аргументы и Факты" газето. Некъахойн багаж толлуш цу стагехь карийна, цо чIагIдарехь, веза-вевзачунна совгIаташна дохьуш хилла 28 шиша Iаьрбийн Lamsa а, Majestic а духIеш. Минеральные Воды аэропортерчу дозанал арахьара чуйохьчунна тӀера ял йоккхучу хьукматан белхахоша иза контрабанда лелор лерина. ХIинца цу стагана гIуда тоха мегаш ду, оцу духIийн болчу механ шозза барам болуш. Читать дальше...
Соьлж-ГIаларчу мэрино WhatsApp-хь тоба кхоьллина, бахархойн хьашташка мелла а сиха хьажар Iалашонца. Цу мессенжджерца болх беш хир бу гIалин администрацин жоьпаллин белхахой. Цу хьокъехь хаам бина шен Mylistory агIонехь мэро Хучиев Муслима, яздо "Чечня Сегодня" агенталло. Цо дийцарехь, Соьлж-ГIаларчу бахархойн аьтто хир бу WhatsApp-хь шайна ца тайначух лаьцна хаам бан. Латкъамчо йитинчу телефонехула кхачамбацар дIадаккхар Iалашонца цуьнца зIене бевр бу мэрин белхахой. Хучиевс адрес а дитина,... Читать дальше...
Суьдо бехке винарг ву Ножай-юртан кIоштара кхо вахархо. "ВКонтакте" социалан машанехь дIахIиттийна хилла цара нохчийн вевзаш волчу эшаршлакхархочо Муцураев Тимура лекхна эшарш. Муьлхарниш ю дуьйцуш дац. Прокуратуро таллам бинча гучудаьлларг ду и эшарш яржор Оьрсийчохь дихкина хилар. Делахь а бехкебиначарна иза хууш ца хилла. Иза къаьстина суьдехь. Муцураев кхолларалла езачу кхаа стага дуьйцур тидаме ца оьцуш, суьдхочо 1500 сом гIуда тоьхна царах хIоранна а. "Кавказский" узело бинчу хаамца... Читать дальше...