Дагестанехь кхо полисхо лаьцна. Наркотикаш буха а кхийсина, ахча доьхуш
Мехкан чоьхьарчу гIуллакхийн министралло бахарехь, "Дербентехь кхаа полисхочо, шайн белхан декхарш кхочуш дечу хенахь, вахархочунна наркотикаш буха а кхийсина, бехктакхамах хьалха вериг ахча дехна".
Вахархо полисхоша доьхучу ахчан цхьа дакъа дIадала реза хилла, амма ша цара дIа ма-хецна арз дина министраллин куьйгалле.
"Дагестанан къона чкъор" газето билгалдоккху лецна полисхой наркотикашца къийсам латточу декъера хилар. Цара йиттина шаьш лаьцначунна, теэцийтина шена боцу бехк, тIаккха I миллион сом дехна иза жоьпаллах хьалха воккхург.
Цул тIаьхьа кхаа полисхочух кхетта церан белхан декъан куьйгалхо Исаев Мурад. Цо магийна шен белхахошна лаьцначуьнгара доьху миллион ах миллионе охьадаккха. Цул тIаьхьа 7 грамма опий буха а кхоьссина, тешашка цунах даредайтина. Доьхучу ахчан дакъа тIаккха дIаделлла лаьцначо.