“რუსეთის სისასტიკემ ბევრი გააოგნა, მაგრამ გაკვირვების მიზეზი არ არსებობს, სისასტიკე გროზნოში, საქართველოში შეჭრა, უკრაინაში ომი არა თებერვალში, არამედ 2014 წელს დაიწყო”
„რუსეთის სისასტიკემ ბევრი გააოგნა, მაგრამ გაკვირვების მიზეზი არ არსებობს, სისასტიკე გროზნოში, საქართველოში შეჭრა, უკრაინაში ომი არა თებერვალში, არამედ 2014 წელს დაიწყო“, – ამის შესახებ ნატოს გენერალურმა მდივანმა, იენს სტოლტენბერგმა განაცხადა.
ნატოს გენერალური მდივნის თქმით, არ იქნება ხანგრძლივი მშვიდობა, თუ ჩაგვრა და ტირანია გაიმარჯვებს თავისუფლებასა და დემოკრატიაზე.
„უკრაინაში რუსეთის სისასტიკემ ბევრი გააოგნა, მაგრამ გაკვირვების მიზეზი არ არსებობს, რადგან დავინახეთ, რომ ომი მოდიოდა. სისასტიკე გროზნოში, საქართველოში შეჭრა, ალეპოს დაბომბვა და უკრაინაში ომი არა თებერვალში, არამედ 2014 წელს დაიწყო, რუსეთის მიერ ყირიმის ანექსიით და აღმოსავლეთ უკრაინაში თავდასხმებით.
გვქონდა ზუსტი ინფორმაცია რუსული ძალების დაგროვებისა და მათი კონკრეტული გეგმების შესახებ. ჩვენ ვაქვეყნებდით ამ ინფორმაციას და ვაფრთხილებდით შესაძლო შეჭრის შესახებ თვეების განმავლობაში.
ჩვენ არაერთხელ მივმართეთ დიპლომატიურ ძალისხმევას ომის თავიდან ასაცილებლად, მაგრამ პრეზიდენტმა პუტინმა მაინც აირჩია თავდასხმა.
თუ პუტინი გაიმარჯვებს უკრაინაში, ეს უკრაინელებისთვის ტრაგედია იქნება. მაგრამ ეს ჩვენთვისაც საშიშია.
მესიჯი მისთვის და სხვა ავტორიტარული ლიდერებისთვის იქნება ის, რომ თუ ისინი გამოიყენებენ სამხედრო ძალას, მიიღებენ იმას, რაც სურთ. ეს უფრო დაუცველებს გვაჩვენებს. არ იქნება ხანგრძლივი მშვიდობა, თუ ჩაგვრა და ტირანია გაიმარჯვებს თავისუფლებასა და დემოკრატიაზე“, – აცხადებს ნატოს გენერალური მდივანი.