ნიკიტა მიხალკოვი საავადმყოფოში გადაიყვანეს

ცნობილი რუსი რეჟისორი, მსახიობი, რუსეთის ფედერაციის კინემატოგრაფისტთა კავშირის თავმჯდომარე ნიკიტა მიხალკოვი საავადმყოფოში გადაიყვანეს.

გავრცელებული ინფორმაციით, მიხალკოვი კოვიდპნევმონიით არის ჰოსპიტალიზებული.

ექიმები მის მდგომარეობას მძიმედ აფასებენ.

77 წლის მიხალკოვი ცნობილია თავისი ულტრაკონსერვატიული და მონარქისტული შეხედულებებით.

გარდა ამისა, იგი სკეპტიკურადაა განწყობილი კორონავირუსის არსებობისა და მისი ვაქცინის მიმართ.

მი­ხალ­კო­ვი ერთ-ერთი ყვე­ლა­ზე გავ­ლე­ნი­ა­ნი რუსი რე­ჟი­სო­რი და კრემ­ლის გა­მორ­ჩე­უ­ლი პრო­პა­გან­დის­ტია. კო­რო­ნა­ვირუ­სის პან­დე­მი­ის და­წყე­ბის შემ­დეგ ის აქ­ტი­უ­რად ეწე­ო­და ან­ტი­ვაქ­სე­რულ აგი­ტა­ცი­ას.

ის გა­და­ცე­მებ­ში მუდ­მი­ვად ავი­თა­რებს სხვა­დას­ხვა კონ­სპი­რა­ცი­ულ თე­ო­რი­ებს, რო­გორც ვაქ­ცი­ნე­ბის, ასე­ვე გლო­ბა­ლუ­რი შეთ­ქმუ­ლე­ბის შე­სა­ხებ.  ის სკეპ­ტი­კუ­რად უყუ­რებს კო­რო­ნა­ვირუ­სის არ­სე­ბო­ბას და გან­სა­კუთ­რე­ბით ვაქ­ცი­ნა­ცი­ას. ერთ-ერთ სა­ტე­ლე­ვი­ზიო გა­და­ცე­მა­ში მან თქვა, – კო­ვიდ ვაქ­ცი­ნა­ცი­ის სა­ფარ­ქვეშ, მი­ლი­არ­დე­რი ბილ გე­ით­სი ჩი­პე­ბის პრო­ექტს ახორ­ცი­ე­ლებს, რათა დე­და­მი­წა­ზე მო­სახ­ლე­ო­ბის რა­ო­დე­ნო­ბა შემ­ცირ­დე­სო…

მიხალკოვი ერთ-ერთი ყველაზე გავლენიანი ადამიანია რუსულ კინემატოგრაფიაში. ის მოსკოვის საერთაშორისო კინოფესტივალის პრეზიდენტი და რუსეთის კინემატოგრაფისტთა კავშირის თავმჯდომარეა. მიხალკოვი „ოსკარის“ პრემიის, კანის კინოფესტივალის მთავარი პრიზისა და ვენეციის კინოფესტივალის „ოქროს ლომის“ ლაურეატია.