აზერბაიჯანი საერთაშორისო სასამართლოს სთხოვს, დაავალოს სომხეთს, დაეხმაროს განაღმვის სამუშაოებში
აზერბაიჯანმა საერთაშორისო სასამართლოს მიმართა თხოვნით, დაავალდებულოს სომხეთი, რომ დაეხმაროს მას იმ ტერიტორიების განაღმვაში, რომლებსაც მანამდე აკონტროლებდა და შეწყვიტოს ასაფეთქებელი მოწყობილობების განთავსება, რაც ხელს უშლის აზერბაიჯანის მოქალაქეებს, დაუბრუნდნენ თავიანთ ყოფილ სახლებს.
აზერბაიჯანმა სასამართლოს მიმართა თხოვნით, როგორც მიმდინარე, უფრო დიდი საქმის ჩარჩოებში, გამოიტანოს საგანგებო დადგენილება, რომელიც სომხეთს დაავალდებულებს, მიუთითოს მოწყობილობების ადგილმდებარეობა, რათა მოხერხდეს ამ არეალების უსაფრთხო განაღმვა და შეწყვიტოს ასევე ახალი ნაღმების განთავსება.
Reuters-ის თანახმად, სომხეთის წარმომადგენელმა მართლმსაჯულების საერთაშორისო სასამართლოში (ICJ), რომელიც ასევე ცნობილია, როგორც „ტრიბუნალი,“ უარყო, რომ მისმა ქვეყანამ ნაღმები განათავსა თავისი სუვერენული ტერიტორიების გარეთ, "რომ აღარაფერი ვთქვათ სამოქალაქო არეალებზე," განაცხადა მან.