Новости за 02.11.2019

86 просмотров всего, 86 просмотров сегодня

«Мен коррупцияга каршымын!» сынагынын алкагында Авазбек Жусупбеков жиберген сунуш.

Насили кыргыз Жөжө акындын өмүр жолун, чыгармачылыгын изилдеп жүргөн Жоомарт Бейшеналиев “Азаттыкка” келип жасалып жаткан иштери тууралуу айтып берди.

2-ноябрь - маданият кызматкерлеринин кесиптик майрамы. Бул күн 1995-жылдан бери белгиленип келет. Дата 1926-жылы 2-ноябрда биринчи жолу кыргыз тарыхында драматург Молдогазы Токобаевдин «Кайгылуу Какей» пьесасынын коюлушуна байланыштуу тандалып алынган. Майрамга карата бүгүн Улуттук филармонияда салтанаттуу жыйын өттү. Майрамдык иш-чарага республика боюнча маданият өкүлдөрү чогулуп, парламент төрагасы, президенттин, өкмөттүн өкүлү катышты.

Президент Сооронбай Жээнбеков ЖМК жетекчилери менен жолугушту. Жыйынга видеокамера, микрофон жана фотоаппаратты алып кирүүгө уруксат берилген жок. Буга Жээнбековдун медиа өкүлдөрү менен ачык баарлашууну каалаганы себеп болгон.

АКШ президенттигине демократтардын атынан ат салышкан мурдагы конгрессмен Бето О'Рурк талапкерлигин алып койду. Бул тууралуу ал 1-ноябрда билдирди.  Ал тарапкерлерине кайрылып, шайлоо өнөктүгүндө өзүнүн мүмкүнчүлүктөрү аз экенин айтты. Шайлоодо демократтардын талапкерин колдорун белгилеп, өзү Сенатка шайлоого бара турганын кошумчалады.  2020-жылы өтө турган президенттик шайлоодо республикачылардын жалгыз талапкери, азыркы президент Дональд Трампка демократтардан жыйырмадан ашуун саясатчы атаандаш болууну көздөп турат.

Президент Сооронбай Жээнбеков Бишкектеги Ататүрк паркынын аймагынан алынганы айтылган участок тууралуу комментарий берди. Жер мурдагы президент Аскар Акаевдин бийлигинин тушунда (2003-жылы) депутаттарга берилгенин айтты.  Ал кезде мамлекет башчы Жогорку Кеңештин депутаты болгон.  2-ноябрда Жалпыга маалымдоо каражаттарынын жетекчилери жана чет элдик басылмалардын кабарчылары менен жолугушкан кезде Kloop сайтынын редакторунун суроосуна ушундай жооп берди: - Дарак өспөгөн, асфальт жер болчу, үй салган эмесмин. Читать дальше...

Кыргызстан-АКШ өкмөттөр аралык кызматташтыгы боюнча жаңы келишимге байланышкан иштер уланууда. Президент Сооронбай Жээнбеков АКШ тарап сунуш кылган долбоор өкмөттө каралып жатканын, анда Кыргызстандын кызыкчылыгын эске алууга көңүл буруларын белгиледи. Бул тууралуу ал 2-ноябрда медиа өкүлдөрү менен жолукканда айтты.  Кыргызстан-АКШ өкмөттөр аралык кызматташтыгы боюнча жаңы келишимге байланышкан иштер ортолоп калганы июлда расмий кабарланган.  Кыргызстан менен АКШнын өкмөттөрүнүн кызматташтыгы... Читать дальше...

Президент Сооронбай Жээнбеков медиа өкүлдөрү менен жолукканда шайлоо босогосу тууралуу айтар сөзү бар экенин, аны парламенттеги жана коомдо болуп жаткан талкуулардын соңунда айтарын билдирди. Кыргызстандын президентин, Жогорку Кеңешин, жергиликтүү кеңештерди шайлоо жана Ош шаары менен Бишкек шаарынын макамы боюнча жалпысынан жети мыйзамга өзгөртүүлөрдү камтыган топтомду президентке караштуу жумушчу топ депутаттар менен бирге иштеп чыккан. Анда утуп чыгуу босогосу жети пайыздан тогуз пайызга жогорулатылган.​... Читать дальше...

1-ноябрдын кечинде Газа тилкесинен Израилдин түштүк тарабындагы райондорго бери дегенде 10 ракета атылды. Анын көбүн Израилдин абадан коргонуу системасы уруп түшүрдү. Биринин соккусу турак жайга тийгенин, саламаттыгынан жабыркагандар жоктугун маалымат каражаттары жазышты.  2-ноябрда эртең менен Израил Газа тилкесине абадан сокку урду. Израил аскерий күчтөрү ХАМАС исламчыл тобуна тиешеси бар объектилер бутага алынганын билдиришти. Палестиналык жайкын тургундар арасынан бир адам өлүп, экөө жарадар болгону кабарланды. Читать дальше...

Президент Сооронбай Жээнбеков Бажы кызматынын төрагасынын мурдагы орунбасары Райымбек Матраимовдун мүлкүнө байланыштуу маалыматтарды чет өлкөлөрдөн да тактоо иштери жүрүп жатканын билдирди. Бул тууралуу 2-ноябрда Жалпыга маалымдоо каражаттарынын жетекчилери менен жолугушкан учурда айтты. Текшерүүлөргө жараша жыйынтык болорун белгиледи. "Матраимовдун өзү да, бир туугандары да текшерилди. Февралдан бери текшерүү жүрүп жатат. 24 млн. сом салыгы бар экен, аны төгүп жатат", - деди мамлекет башчы.... Читать дальше...

3-ноябрда түнкүсүн Ысык-Көл облусунун кээ бир райондорунда жамгыр, тоолуу райондордо кар жаайт. Башка аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй, Талас облустарында түнкүсүн 1...6, күндүз 13...18, Баткен, Жалал-Абад, Ош облустарында түнкүсүн 3...8, күндүз 14...19, Ысык-Көл дубанында түнкүсүн 0...5, күндүз 11...16, Нарын жергесинде түнкүсүн -3...+2, күндүз 10...15, Бийик тоолуу аймактарда түнкүсүн -5...-10... Читать дальше...

Куралдуу чыр-чатак болуп жаткан аймактардан маалымат чогултуу долбоорунун (ACLED) жаны баяндамасында Йемен согушунун курмандыктарынын саны 2015-жылдан бери азыркы учурга чейин 100 миңге жеткени айтылды.

Көк бөрү федерациясынын башкы калысы Марат Сырдыбаев октябрь айынын ортосунда кыргыз көк бөрүчүлөрү Казакстандын Алматы шаарына барып, улакты тай казан менен ойноп келишкенин айтты.

Кыргызстандын премьер-министри Мухаммедкалый Абылгазиев Шанхай кызматташтык уюмунун жыйынында экономикалык кылмыштарга биргелешип күрөшүү маселесин көтөрдү. Уюмга мүчө мамлекеттердин өкмөт башчыларынын Ташкенттеги жыйынында сүйлөгөн Абылгазиев ШКУнун экономикалык кылмыштуулукка каршы күрөшүү органын түзүү демилгесини көтөрдү.: "Экономикалык кылмыштар трансулуттук мүнөзгө ээ, баңгизатын сатуу, аткезчилик жана мыйзамсыз кирешелер сыяктуу башка кылмыштарга байланышы бар жана мамлекеттердин коопсуздугуна... Читать дальше...

Жаңы түзүлгөн «Үмүт 2020» кыймылы Бишкекте өзүнүн кеңсесин ачып, коомчулукту коомдогу терс көрүнүштөргө каршы күрөшүүгө үндөдү. Алардын негизги максаты – азыркы парламенттеги депутаттардын былык иштерин ачып, элди 2020-жылдагы шайлоодо таза депутаттарды тандоого чакыруу. Бул кыймылдын түзүүчүсү мурдагы парламент депутаты Ширин Айтматова. Айтматова буга чейин айрым саясатчылар, депутаттар жөнүндө иликтөөсүн жарыялаган.

Орусиянын тышкы иштер министри: Аль-Багдадини Америка өзү жаратып, кайра өзү жок кылды.

Ирак күчтөрүнүн биргелешкен операция командачылыгы өлкөнүн коопсуздук күчтөрү ИШИМ террордук уюмунун жаңы лидери Абу Ибрагим аль-Хашими аль-Курайшинин өздүгүн аныкташканын маалымдады.

Шанхай кызматташтык уюмуна (ШКУ) мүчө мамлекеттердин өкмөт башчыларынын Ташкенттеги жыйынында улуттук транзиттик системаны интеграциялоо тууралуу декларация кабыл алышты.  ТАСС агенттиги билдиргендей, декларация ШКУга мүчө өлкөлөрдүн Мамлекеттик салык кызматтарынын ортосундагы документ болот. Документте бажы операцияларын жөнөкөйлөтүү маселеси да камтылган.  ШКУнун жыйыны Өзбекстандын борбору Ташкентте 1-ноябрда башталган.   ШКУ - туруктуу аракеттеги өкмөттөр аралык уюм, 2001-жылы 15-июнда т түзүлгөн. Читать дальше...

Ирландиялык белгилүү мушкер Конор Макгрегорго Дублиндеги пабдардын биринде жаңжал чыгарганы үчүн 1000 АКШ доллар өлчөмүндө айыппул салынды. Спортчу ал жерде эс алып отургандардын бирин урганын мойнуна алган.  Окуя апрелде Макгрегордун ысымы коюлган вискинин бет ачарында болгон. Макргрегор өзүнүн аты берилген ичимдиктин алгачкы бөтөлкөсүн Орусиянын президенти Владимир Путинге берген. Бирок бөтөлкөнү Путиндин жансакчылары алып койгонун, текшерип анан гана мамлекет башчыга берерин айтышканын билдирген. Читать дальше...

"Сөз дайра" берүүсүнүн бүгүнкү чыгарылышында дөө-шаа, шах, шак деген сөздөрдүн маанисин чечмелейбиз.

БУУнун Башкы катчысынын Сириядагы өкүлү Сириянын жаңы мыйзам долбоорлорун иштеп чыгуучу комиссиянын курамы боюнча келишимдер түзүлгөнүн кабарлады.

1-ноябрда Орусияда "Суверендүү Интернет" деп аталган мыйзам күчүнө кирди. Сынчылар аны жарандардын онлайн ишмердигин катуу көзөмөлгө аларын белгилешүүдө.  Президент Владимир Путин интернет тармагын эл аралык тармактан изоляция кылуу жөнүндөгү бул мыйзамга 2019-жылдын май айында кол койгон.  Мыйзам интернет провайдерлердин Орусиянын ичиндеги трафигин өкмөт башкарган технологиядан пайдаланууга мажбурлайт. Аны колдогондор мыйзам "Рунеттин" көз карандысыз болушуна жана киберчабуулдардан коргонууга мүмкүндүк берерин белгилешет. Читать дальше...

Ирандын тышкы иштер министри Мухаммад Жавад Зариф кечээ, 1-ноябрда Американын Иранга каршы киргизген жаны санкцияларын айыптап, Америка өзүнүн коркутуулары менен ирандыктарды эч качан баш ийдире албайт деп билдирди.

Мамлекеттик ипотека компаниясынын «Жеткиликтүү турак жай» программасынын айланасында дагы бир чуулгандуу иштен ызы-чуу чыкканы калды.