Новости за 06.11.2019

«Эркин Европа/Азаттык» радиосунун украин кызматынын журналисти депутаттарды жана президент Владимир Зеленскийдин өкмөтүн өз «кызматтык милдеттерин» аткарууга жана сөз эркиндигин камсыздоого чакырды. Бул тууралуу ал мурдагы жогорку даражалуу кызматкер «Эркин Европа/Азаттык» радиосунун украин кызматынын «Схеми» долбоорунун иликтөөчү журналисттерине каршы маалыматтык чабуул жасап жаткан учурда айтты. «Схеми» долбоорунун кабарчысы Михаил Ткач 6-ноябрда парламент комитетинде сөз эркиндигине жана журналисттердин... Читать дальше...

6-ноябрда Кыргызстандын тышкы иштер министри Чыңгыз Айдарбеков Тажикстандын тышкы иштер министри Сирожиддин Мухриддин менен телефон аркылуу сүйлөштү. Айдарбеков тажик - өзбек мамлекеттик чек арасындагы «Султанабад» чек ара отрядынын №4 «Ишкобод» чек ара заставасына куралдуу топтун кол салуусуна байланыштуу тынчсыздануусун билдирген. “Кыргыз тарап мындай актыларды айыптайт жана аймактык коопсуздукту камсыз кылуу максатында региондун өлкөлөрүнүн биргелешкен күч-аракеттерине бекем колдоо билдирет”... Читать дальше...

НАТОнун баш катчысы Йенс Столтенбергдин айтымында, Берлин дубалы «Европанын жүзүндөгү жаракат» болгон жана ал адамдарды жана идеяларды тосууга аракет кылган. «Кароол мунаралары жана сакчы иттердин жардамы менен адамдарды, идеяларды тосуу аракети болгон. Бирок ал ишке ашкан эмес», - деди Столтенберг 6-ноябрда НАТОнун Брюсселдеги башкы кеңсесиндеги салтанатта. Уюмдун башкы кеңсесинин алдына монумент катары Берлин дубалынын бөлүгү орнотулду. Германиянын НАТОдогу элчиси Ханс-Дитер Лукас 1989-жылы... Читать дальше...

Орусия бийлиги тыңчылык үчүн соттолгон норвегиялык Фруде Бергге ырайым берүү тууралуу расмий өтүнүч келип түшкөнүн билдирди. Кремлдин маалымат катчысы Дмитрий Песковдун 6-ноябрда билдиргенине караганда, Москва өтүнүчтү кадимки эле процедуранын эрежелерине ылайык карайт. Песков мындан башка кенен маалымат берген жок.  Орусия менен чектешкен жердеги чек ара бекетинде кызмат өтөгөн норвегиялык Фруде Берг 2017-жылдын декабрында Москвада Федералдык коопсуздук кызматы тарабынан кармалган. Ал Орусиянын... Читать дальше...

Маалымат майданына «фейк ньюс», «троллдордун фабрикасы» жана «фейк колдонуучулар» деген түшүнүктөр кадимкидей кеңири кирип, мааниси артып баратат. Кыргызстанда фейк инструменттер коомдук пикирду бурууга жана жалпы эле саясатка кандай таасирин тийгизип жатат?

Бишкекте Турдакун Усубалиевдин 100 жылдыгы белгиленди. Филармонияда өткөн салтанаттуу кечеде президент Сооронбай Жээнбеков Усубалиев өз мезгилинде республикалык гана эмес, жалпы союздук алкактагы мамлекеттик жана партиялык ишмер болгонун белгиледи.

АКШнын Еревандагы элчилиги президент Дональд Трамптын администрациясы Арменияга каржылык жардамды көбөйтүп, анын жалпы суммасы 2019-жылы 60 миллион долларды түзгөнүн билдирди. Элчиликтин 4-ноябрдагы мааалыматында бул былтыркыга караганда, 40 пайызга көп экени айтылат. Аталган каражат «Армениянын демократиялык өнүгүүсүнө колдоо катары» «коррупцияга каршы күрөш, коопсуздук, энергетика, билим берүү, адам укуктарын коргоо» жаатындагы иштерди жүргүзүүгө берилип жатат. Армения мурдатан бери Орусия менен тыгыз байланышта болуп келген. Читать дальше...

Тажик бийлиги «Ишкобод» чек ара бекетине чабуул коюуга «Ислам мамлекети» террордук уюмунун тиешеси бар деп билдирди. Түнкү кол салуудан бир чек арачы жана милиция кызматкери курман болду, 15 согушкер жок кылынды, дагы бешөө колго түшүрүлдү. АКШнын Евробиримдиктеги элчиси Конгресске берген көрсөтмөсүн өзгөрттү.

Тажикстандын Өзбекстан менен жакын аймагындагы чек ара бекетке куралдуу кол салуу болду. Анда бир тажик чек арачы менен бир милиция кызматкери ажал тапты.

Ош, 6-ноябрь, 2019-жыл. /ca-irnews.com/. Кыргыз чек арачылары тарабынан кармалган Тажикстандын Ворух айылдык кеңешинин тургундары Боисжон Бобохасанов менен Дилшод Каримов айып пул төлөгөндөн кийин кое берилди.

Тажик бийлиги «Ишкобод» заставасына болгон чабуулга «Ислам мамлекети» террордук уюмунун тиешеси бар деп билдирди. Түнкү кол салуудан бир чек арачы жана милиция кызматкери каза таап, 15 согушкер жок кылынды жана дагы бешөө колго түшүрүлдү. Бирок экстремисттик уюм түнкү чабуул үчүн жоопкерчиликти өзүнө ала элек. Тажикстандын чек ара кызматы куралдуу топ Ооганстан тараптан өлкө аймагына 3-ноябрда мыйзамсыз өтүп келип, 6-ноябрга караган түнү чек ара бекетине кол салганын билдирди. Бул туурасында колго... Читать дальше...

Кыргызстанда өсмө оорусуна чалдыккан балдарга жардам берүү максатында коомдук жайларга коюлган кутучаларды уурдоого каршы акция башталды. “Үмүттү уурдаба” деген флешмобду «Help the children - SKD» кайрымдуулук фонд уюштурууда. Фонддун маалымат катчысы Асел Тургумбаеванын айтымында, соңку айларда кутучаларды акчасы менен кошо уурдап кеткен учурлар көбөйдү. “Бул кутучалардагы акча онкологиялык жана гематологиялык дартка чалдыккан, дарыланып жаткан балдар үчүн жөн гана акча каражаты эмес. Бул алардын үмүтү” деди Тургумбаева. Читать дальше...

Иран 6-ноябрдан тарта уран байытуучу Фордо заводундагы центрифугаларга газ берүүнү баштады. Бул тууралуу Ирандын жалпыга маалымдоо каражаттары жазды. Мамлекеттик телеканал кабарлагандай, бул Улуттар Уюмунун Атомдук энергетика боюнча эл аралык агенттиги - МАГАТЭнин инспекторлорунун катышуусунда жүргүзүлгөн. Уюмдун өкүлү текшерүүчүлөр МАГАТЭнин башкы кеңсесине Иранда жасалып жаткан ар бир иш тууралуу маалымат берип жатышканын айтты. Иран менен дүйнөнүн алты державасы 2015-жылы түзгөн келишимге (JCPoA) ылайык... Читать дальше...

Кыргыз-кытай чек арасындагы “Эркечтам” көзөмөл-өткөрмө жайында инспектордук-кароо комплекси ишке кирди. Коррупциянын алдын алат деген мындай комплекс “Торугарт” бекетинде да жумушун баштаганы турат.

Кошмо Штаттары мусулман уйгурлардын, алардын үй-бүлө мүчөлөрүнүн жана өз башынан өткөргөн окуялары тууралуу айтып берген Шинжаңдагы кайра тарбиялоочу лагердин мурдагы туткундарынын куугунталышы тууралуу көптөгөн маалымат келип жатканына тынчсыздануусун билдирет. Бул тууралуу АКШнын мамлекеттик катчысы Майк Помпео 5-ноябрда билдирди. Анын айтымында, Шинжаң-Уйгур автоном районундагы активисттерге карата кээ бир куугунтуктоолор алар АКШнын Мамлекеттик департаментинин кызматкерлери менен жолуккандан кийин болгон. Читать дальше...

Таиланддын түштүгүндө Малайзия менен чек арадагы текшерүү бекетине куралчан адамдар ок атып, бери дегенде 15 киши окко учту, дагы беш киши жарадар болду. Азырынча окуя үчүн эч ким жоопкерчиликти өзүнө ала элек. Таиланд бийлиги кол салууну акыркы жылдардагы эң чоң чабуул деп сыпаттады. Атышуудан кийин кол салгандар курал-жарактарды көтөрүп кетишкен. Каза болгондор ыктыярдуу чек арачылар болчу. Коопсуздук кызматы бул кыянатка жергиликтүү жикчилдердин тиешеси бар деп эсептейт. Окуя болгон Яла... Читать дальше...

БУУнун Балдар фонду ЮНИСЕФ Сириянын түндүк-чыгышындагы лагерлерде чет өлкөлүк балдардын абалы начар деп эскертүү берди.

6-ноябрда Москва шаардык соту баланы жубайлардын өзүндө калтыруу тууралуу райондук соттун чечимин күчүндө калтырды. Прокуратура Дмитрий Проказов менен Ольга Проказованы 1,5 жаштагы баласын митингге алып келип, анын өмүрүнө коркунуч келтиргени үчүн аларды ата-энелик укуктан ажыратууну сунуштаган. Тергөөчүлөрдүн маалыматына караганда, жубайлар 27-июлда баласын оппозициянын митингине алып келип, аны камакка алынбаш үчүн бала менен милициянын тосмосунан өтүүгө аракет кылган активист Сергею Фоминге берип коюшкан. Читать дальше...

“Азаттыктын” суроолоруна эксперт Эркайым Мамбеталиева коррупцияга каршы күрөштүн жүрүшү тууралуу байкоолору менен бөлүштү.

Бүгүн 6-ноябрда Бишкек шаарынын Ленин райондук сотунда мурдагы мэрлер Кубанычбек Кулматов жана Албек Ибраимовго, жалпысынан 13 кишиге козголгон кылмыш ишин кароо уланды. Отурум учурунда соттолуучулардын бири, Бишкектин Капиталдык курулуш башкармалыгынын мурдагы жетекчиси Сталбек Өмүрканов өзүн начар сезип, “Тез жардам” кызматы чакыртылды. Доктурлар ал кардиологго көрүнүшү керектигин айтышты. Өмүрканов былтыр да сот учурунда кан басымы 240ка чейин жогорулап кеткенине байланыштуу медициналык жардам алган. Читать дальше...

АКШнын чалгын жана укук коргоо органдарынын жетекчилери Орусиянын, Ирандын жана башка чет өлкөлүк “атаандаштардын” кийинки жылы боло турган президенттик шайлоого кийлигишүү аракеттери тууралуу америкалыктарды эскертти. Бул тууралуу башкы прокурор Уильям Барр, коргоо министри Марк Эспер, улуттук коопсуздук министринин милдетин аткаруучу Кевин Макалинан, улуттук чалгын директорунун милдетин аткаруучу Жозеф Магуайр, Федералдык иликтөө бюросунун башчысы Кристофер Рэй жана башкалар кол койгон. Алардын 5-ноябрдагы биргелешкен билдирүүсүндө “Орусия... Читать дальше...

"Freedom House" акыркы жылдагы Интернет эркиндиги боюнча баяндамасын жарыялады. Уюм постсоветтик өлкөлөрдүн айрымдарына Интернети эркин деп баа берсе, айрымдары таптакыр артка кетти деп белгиледи. Кыргызстан дагы деле “жарым-жартылай эркин” деген катарда кала берди.

Кыргызстандын жаза аткаруу системасында эки күндө эки аскер кызматкери каза болду. Жаза аткаруу мамлекеттик кызматынын (ЖАМК) басма сөз катчысы Элеонора Сабатарова "Азаттык" радиосуна билдиргендей, 5-ноябрдын кечинде дагы бир аскер көз жумду: - Кечинде жатууга даярданып жаткан бир жоокер өзүн жаман сезгенин айтып эле жерге кулап түшкөн экен. Тез жардам келгенче үзүлүптүр. Азыр экспертиза жүрүп жатат. Бала Кадамжай районунан келген. Аскер прокуратурасы аскердин өлүмүн иликтөөгө киришти. Чогуу кызмат өтөгөн балдар суралып жатат. Читать дальше...

Европалык - жер ортолук сейсмологиялык борборунун маалыматына караганда, 6-ноябрда саат 11лерде болгон силкинүүнүн күчү 5,5 баллга жеткен. Жер титирөөнүн очогу Ирандын Бандар-э-Ленге шаарынан 80 чакырым, ал эми Бандар-Аббас шаарынан 120 чакырымдай жерде болгон. Жер титирөөдөн кийинки кыйроолор же жаракат алгандар тууралуу маалымат жок. Ирандын табиятында кыйроолорго алып келген жер титирөө көп катталат. 2003-жылы тарыхый Бам шаарындагы күчү 6,6 балга жеткен силкинүүдөн 26 000 киши каза тапкан.

Беларус бийлиги Тажикстанда тыюу салынган уюмга мүчө болгон жана экстремизмди колдогон деп шектелип, издөөгө алынган тажикстандык активист жана журналист Фарход Одинаевди мекенине өткөрүп берүүдөн баш тартты. "Human Constanta" беларус укук коргоо борборунун кабарлашынча, Башкы прокуратура 42 жаштагы Одинаевди экстрадиция кылуу тууралуу тажик бийлигинин өтүнүчүн четке каккан. Ошол эле кезде уюм беларус бийлиги журналистти Орусияга жөнөтүшү мүмкүн деди. Анткени Одинаев өлкөгө Орусиядан келгенде кармалганын кошумчалаган. Читать дальше...