Новости за 02.11.2019

"Түрмө кызматкерин абакта отургандар жапырт сабап салганы" тууралуу Интернетте тараган видео Кыргызстанда тартылган эмес. Бул тууралуу Жаза аткаруу мамлекеттик кызматы билдирди.  Адистер тасманы карап чыкканын, Кыргызстандагы түрмөлөрдүн имаратына окшобой турганы жана андай окуя жөнүндө эч кандай маалымат жоктугун аталган мекеменин басма сөз кызматы кабарлады. 2-ноябрда "Фейсбуктун" айрым колдонуучулары үч мүнөттөн ашыгыраак видео жүктөп, "Кыргызстандагы абактардын биринде жапырт мушташ болуп, түрмө кызматкери сабалганын" жазышкан. Читать дальше...

Президент Сооронбай Жээнбеков менен 2-ноябрда Кыргызстандагы Жалпыга маалымдоо каражаттарынын жетекчилери менен жолугушту. Жыйынга өлкөдө аккредитациядан өткөн чет элдик медиа уюмдардын кабарчылары да чакырылган.  Жолугушуу 7-ноябрда белгиленчү Басма сөз жана маалымат күнүнө карата уюштурулуп, "суроо-жооп" форматында өтүп жатканын президенттин аппаратынын басма сөз кызматы билдирди.  Жолугушуу болору алдын ала кабарлангандан соң 24.kg маалымат агенттиги «Интернет колдонуучулар кандай суроо бергиси... Читать дальше...

Ирандын электр станциясы боюнча эки долбоорунун ишке ашырылышына орусиялык компания катышат.

Дүйнө чемпионаты Румыниянын Констанца шаарында өтүүдө. 26-октябрда башталган мелдеш 4-ноябрь күнү жыйынтыкталат. Жалпысынан Кыргызстандын атынан 17 спортчу катышып жатат.

Ош, 2-ноябрь, 2019-жыл. /ca-irnews.com/. Ош шаарында үч эм төрөлдү.

Индиянын өкмөт башчысы Нарендра Моди менен Германиянын канцлери Ангела Меркель кечээ, жума күнү Делидеги жолугушуусунун аягында биргелешкен билдирүүсүндө өзөктүк келишимди колдошоорун билдиришти.

Орусияга Венесуэлага 315 миллион доллардан ашуун накталай акча жөнөткөнүн Bloomberg агенттиги булактарына таянып жазып чыкты. Алардын эсебинде 2018-жылдын май айынан 2019-жылдын апрелине чейин акча жөнөткөн алты операция ишке ашырылган.  Акчаны Венесуэланын Мамлекеттик экономикалык жана социалдык өнүктүрүү банкы (Bandes) алган. Банк АКШнын санкциясына илинген.  Каракас үчүн накталай акчаны кандай максатта алганы жөнүндө маалымат жок. Акча которууга орус-венесуэла "Еврофинанс" банкы, "Моснарбанк" жана "Газпромбанктын" катышы бар. Читать дальше...

Кыргызстандагы жалпы билим берүүчү мектептердеги каржылык муктаждыкты толук жабуу үчүн 2 миллиард сом керек.  Билим берүү жана илим министрлигинин маалыматына ылайык, 2019-жылы жалпы билим берүүчү мектептерге бюджеттен 15 миллиард сом бөлүнгөн. Бул жалпы муктаждыктын 86,6 пайызын гана жабат.  Министр Каныбек Исаков Кыргызстандагы жалпы билим берүүчү мекемелердин жетекчилерине, мугалимдерге окуучулар менен ата-энелерден акча сураганга тыюу салган буйрукка 2019-жылдын 1-октябрында кол койгон.  Конституцияга ылайык... Читать дальше...

1-ноябрда Пакистандын борбору Исламабадда жүз миңдеген адам катышкан нааразылык акциясы өттү. Анда "Жамият улемаи ислам" диний-саясий партиясынын лидери Маулана Фазлур Рехман премьер-министр Имран Ханга "кызматтан кетүү үчүн эки күн убакыт бере турганын" билдирди. "Биздин сабырыбызды сынабаңыз" деп премьерге эскертүү жасаган Рехман эки күндөн кийин эмне болорун ачык айткан жок. Оппозиция Имран Ханды "кызмат ордуна татыксыз, анын өкмөтү 2018-жылкы шайлоонун жыйынтыгын бурмалоо менен бийликке келген" деген турумду карманат. Читать дальше...

Кыргызстанда бүгүн, 2-ноябрь -  маданият кызматкерлеринин кесиптик майрамы. Бул күн 1995-жылдан бери белгиленип келет. Дата 1926-жылы 2-ноябрда биринчи жолу кыргыз тарыхында драматург Молдогазы Токобаевдин «Кайгылуу Какей» пьесасынын коюлушуна байланыштуу тандалып алынган.  Кыргызстан эгемендик алган алгачкы жылдары маданият тармагы өтө кыйын абалга кептелип, соңку жылдары оңоло баштаганы айтылат. Мамлекеттик маданий мекемелерде иштегендер өлкөдө эң аз айлык алган кызматкерлердин катарында. (SE)