Новости за 19.01.2019

د پښتون ژغورنې غورځنګ مشر منظور پښتين وايي چې په تېر يو کال کې د دوی غوښتنو ته مثبت ځواب نه دی ويل شوی خو دوی به خپله اييني مبارزه جاري ساتي. نوموړی وايي لويه لاس ته راوړنه يې د خپل حق لپاره غږ پورته کول، نړيوال په خپل حالت خبرول او د ولس له زړونو وېره ختمول ده. له نوموړي سره د مشال راډيو خبريال احمد شاه اعظمي مرکه کړې او په لومړي سر کې يې د غورځنګ د تېر کال فعاليت او پرمختګ په اړه پوښتنه ورڅخه کړې. مرکه لاندې د غږ په ځای کې اورېدلای شئ.

رحمت الله نبیل، ګلبدین حکمتیار او احمد ولي مسعود د ولسمشریزو انتخاباتو د نوماندانو په توګه نن ...

د خېبر پښتونخوا په سوات کې زياتره خلک له يخنۍ نه د ځان ساتلو لپاره تودې جامې له کباړ بازار نه اخلي. دوي وايي دغه دويم لاس کباړي سامان ډېر په ارزانه بيه تر لاسه کوي او معيار يې هم ښه وي. نور حال د مشال راډيو خبريال نيازاحمدخان په ويډيويي راپور کې.

امرالله صالح د افغانستان د کورنیو چارو د وزارت د سرپرست په توګه نن رسماً استعفا وکړه. دا خبره د روېټرز خبري اژانس نن د ځینو سرچینو په حواله کړې ده. ولسمشر غني ته یوې نږدې سرچینې ازادي راډیو ته ویلي، د ولسمشرۍ په راتلونکو انتخاباتو کې به امر الله صالح د ولسمشر لومړی مرستیال وي. ټاکل شوې چې ولسمشر غني به سبا یکشنبه یو وار بیا د ولسمشرۍ په انتخاباتو کې د کاندیدۍ لپاره له خپلو مرستیالانو سره نوم لیکنه وکړي. ولسمشر غني مخکې ویلي وو چې محمد سرور دانش به یې په راتلونکو انتخاباتو کې دوهم مرستیال وي. Читать дальше...

د امریکا د فدرالي محکمې د اسنادو پر اساس، د یو ایراني ټلویزیون خبریاله چې په امریکا کې زېږیدلې او دغلته په وروستیو کې توقیف شوې، په کوم جرم نه ده تورنه شوې. مرضیه هاشمي د ایران د انګلیسي ژبې ټلویزیون پرېس ټي وي خبریاله ده. د دې زوی وايي، مور یې د تېرې یکشنبې په ورځ د امریکا د فدرالي پولیسو له خوا په سنټ لویس کې نیول شوې ده. هغه له نیول کېدو وروسته واشنګټن ته لېږدول شوې. تر اوسه د دې خبریالې د نیول کېدو دلیل نه دی روښانه شوی. چارواکو ویلي، تمه کېږي چې مرضیه هاشمي به د هغې د بیان اخیستلو... Читать дальше...

د امریکا ولسمشر ډونلډ ټرمپ ویلي چې نن [د جنورۍ پر ۱۹مه] به د امریکا د حکومت د جزوي تړل کېدو او د هېواد پر جنوبي پوله د بشري بحران په اړه یو لوی اعلان کوي. په دې اړه د امریکا غږ اشنا راډیو ویډیويي رپورټ وګورئ.

د افغانستان د انتخاباتي شکایتونو کمېسیون د لسو نورو ولایتونو د نتیجو وروستی لېست هم سبا د انتخاباتو ...

د افغانستان ولسي جرګه وايي، د ۱۳۹۸ لمریز کال د ولسمشریزو انتخاباتو زیاتره ټکټونه د ګوندي او شخصي ګټو...

د افغانستان د سولې عالي شورا د جمهوري ریاست له کاندیدانو غواړي چې حساس وخت ته په کتو د سولې...

د ننګرهار ولایت له نشه يي موادو سره د مبارزې پولیسو په لسګونو کیلو ګرامه نشه يي مواد ونیول. په هغه خبرپاڼه کې چې د کورنیو چارو وزارت له نشه يي موادو سره د مبارزې معینیت له خوا رسنیو ته لېږل شوې راغلي چې ۲۶۴ کیلو ګرامه چرس هغه مهال د غازي امان الله خان د ښارګوټي په سیمه کې ونیول چې په پام کې وه د دوو موټرو په وسيله يې له روداتو ولسوالۍ څخه جلال اباد ښار ته قاچاق کړي. د نیول شویو نشه يي موادو په تور دوه کسان نیول شوي چې په خپل جرم تر اعتراف وروسته عدلي او قضايي مرکز ته معرفي شوي دي.

له نشه يي موادو سره د مبارزې عدلي او قضايي مرکز ۱۸ کسان په مجازاتو محکوم کړل. له نشه يي موادو سره د مبارزې عدلي او قضايي مرکز ویاند خالد موحد ازادي راډیو ته وویل، دا ۱۸کسان چې د نشه يي موادو د قاچاقو د ۱۳پېښو په تړاو دې مرکز ته معرفي شوي، د دې مرکز د ابتدائیه او استیناف محکمو له خوا له درېیو کالو او شپږو میاشتو څخه نيولې بيا تر لسو کالو پورې په بند باندې محکوم کړي دي. د یادونې وړ ده چې په تېرو دوو اوونیو کې د دې مرکز محکمو ۲۱ قاچاق کوونکي په مجازاتو باندې محکوم کړي دي.

درې زره کیلوګرامه چرس د هلمند بهرامچې سيمې ته د قاچاقو پر مهال ونیول شول. د هلمند ولایت د مطبوعاتي دفتر په خبرپاڼه کې راغلي چې ۲۸۵۰کیلو ګرامه چرس هغه مهال ونیول شول چې په دوو موټرو کې ځای پر ځای شوي او په پام کې وه چې د هلمند ولایت له سنګین ولسوالۍ څخه يې د ګرمسېر له لارې د بهرامچې سیمې ته قاچاق کړي. د دې موادو د قاچاقو په تور څلور کسان نیول شوي او دوه ميله وسلې هم ورسره نيول شوي دي.

د افغانستان د عامې روغتیا وزرات وايي چې د تېرو کلونو په پرتله سږ کال د معتادینو شمېر ډېر شوی دی.

د کورنيو چارو وزارت د نشه‌يي موادو د «۲۹» قاچاق کوونکو او خرڅوونکو نومونه اعلان کړل.

په اسلام اباد کې خبريالانو د خپلو حقونو لپاره د احتجاجي مظاهرې پروخت د رسنيو له مالکانو غوښتنه کړې چې په غېر قانوني توګه دې خپل کارکوونکي له څوکيو نه لرې کوي. نن [د جنورۍ پر ۱۹مه] د راولپنډۍ او اسلام اباد خبريالانو تنظيم د يو شخصي ټېليويژن چېنل ((اېکسپرېس ټي وي)) مخې ته د مظاهرې تابيا کړې وه او د ياد تلويزون له مالکانو څخه يې وغوښتل چې په جبري توګه دې کارکوونکي له نوکريو نه لرې کوي. نور حال د مشال راډيو په ويډيو کې.

د کورنیو چارو وزارت په بغلان ولایت کې څه د پاسه لس کیلو ګرامه نشه يي مواد ونيول. په هغه خبرپاڼه کې چې د کورنیو چارو وزارت له خوا رسنیو ته لېږل شوې راغلي چې درې کسان هغه مهال ونیول شول چې غوښتل یې ۱۱ کیلو ګرامه هیروئین له بدخشان ولایت څخه د بغلان له لارې کابل ته قاچاق کړي. د یادونې وړ ده چې په تورنو کسانو کې دوه ښځې او یو سړی هم شامل دی.

د خېبر پښتونخوا د قبايلي ضلعې جنوبي وزيرستان انتظامې چارواکې وايي، د پوځي عملياتو له وجې په سيمه کې ۶۲۰۰۰  کورونه ړنګ شوي ول او د دې سروې يې بشپړه کړې ده.

ګڼ شمېر معترضو نوماندانو نن په پکتیا کې د انتخاباتو د خپلواک کمېسیون او د ټاکنیزو شکایتونو د کمېسیون د دفترونو مخې ته د پرلت خېمې ودرولې او د اعتراض په بڼه یې د یادو دفترونو دروازې او د کابل ګردېز لویه لار د ټرافیکو پرمخ هم تړلې وه. دغه معترض نوماندان له دولت، د ټاکنو او ټاکنیزو شکایتونو له کمېسیونونو دوه غوښتنې لري، او ګواښ کوي چې که مثبت ځواب ورته ونه ویل شي، په هغو ولسوالیو کې چې دوی ته خلکو رأیې پکې ورکړي، اداري چارې به په ټپه ودروي او هم به اجازه ورنه کړي چې ولسمشریزې ټاکنې پکې تر سره شي. دوی وایي... Читать дальше...

د افغانستان د عامې روغتیا وزیر یو شمېر موسسو ته خبرداری ورکوي چې که چېرې خلکو ته په خپل وخت معیاري ...

د افغانستان د ولسي جرګې د اتم کال د شپاړلسمې تقنیني دورې په پای ته رسېدو سره، د دغې جرګې اداري ...

د افغانستان د سولې عالي شورا تمه لري چې له پاکستاني چارواکو سره د زلمي خلیلزاد خبرې به د افغان حکومت ...

د ((زموږ ژوندون)) تنظیم مشرې وفا وزیر مشال راډیو ته ویلي، دا سیالۍ يې د امن د پیغام خورولو لپاره کولې خو ځېنو مذهبي ډلیو پرې اعتراض وکړ.

د جنورۍ پر ۱۸مه قامي اسمبلۍ ته په وینا کې نوموړي وویل چې د دې ډیم د ۳۰۹ اربه روپو ټېکه حکومت د وزیر اعظم سلاکار عبدالرزاق داود ته ورکړې ده چې له اصولو څخه سرغړونه ده.

د ملي وفاق د سیاسي جریان مشر احمدولي مسعود نن خپل انتخاباتي ټکټ اعلان کړ. ده وویل، تصمیم لري چې نن له غرمې وروسته د افغانستان د انتخاباتو خپلواک ته لاړ شي او د ولسمشریزو انتخاباتو لپاره ځان او خپل دوه مرستیالان ثبت کړي. ده خپله لومړۍ مرستیاله د لوړو زده کړو د وزارت پخوانۍ وزیره فریده مهمند او دوهم مرستیال لطیف نظري معرفي کړل. ده وویل، د ریاستي نظام تغیر ته ژمن دی او د بریالیتوب په صورت کې به د لویې جرګې له لارې په اساسي قانون کې بدلون راولي. ده وویل ، خپله انتخاباتي مبارزه به له خپلو دوو مرستیالانو سره یو ځای د "تغیر" په نامه پرمخ بوځي.

د جنورۍ پر ۱۸مه په کراچۍ کې د پیپلز ګوند د مرکزي کمیټۍ تر غونډې وروسته یوې خبري غونډې ته د وینا پر وخت د ګوند یو مشر فرحت الله بابر وویل پوځي عدالتونه د لادرکه کړل شویو خلکو عدالتونو ته د نه وړاندې کولو لپاره د بهانې په توګه کارول کېږي.