هند د چابهار بندر د پراختيا لپاره له ایران سره د ۳۷۰ مېليونو ډالرو ۱۰ کلن تړون لاسلیک کړی دی. نوی دلی وايي، دا د ايران، منځنۍ اسیا او افغانستان لپاره له هند سره د تجارت د بدیلو لارو د برابرولو په ترڅ کې يو مهم ګام دی. د رويټرز خبري اژانس له ويډيو جوړ راپور
راپورونه وايي، د سلواکیا صدراعظم روبرټ فیټسو د ډزو له کبله ټپي او روغتون ته ولېږدول شو. د ټياې۳ تلوېزیون د راپورو له مخې، پېښه شاوخوا ۱۵۰ کیلومتره د پلازمېنې شمال ته په هانډلوا ښار کې شوې ده.
د "او سي سي ار پي" په نوم د خبري ادارې په رپورټ کې د پاکستان د يوشمېر سياستوالانو او پوځي جرنېلانو او د هغوی د کورنيو د غړيو ترڅنګ د ځينو پاکستانيو کاروباري شخصيتونو نومونه هم راغلي دي.
دا اوونۍ مو په "مشال مرکه" کې مشر خبريال عبدالله جان مېلمه کړی دی. نوموړی له تېرو ۳۵ کلونو راهيسي په پېښور کې خبريالي کوي. نوموړی وايي په پاکستان کې امنيتي حالات تر هغې پوري نه شي سمېدلای، تر څو چې په افغانستان کې د طالبانو له حکومت سره جدي خبرې اترې ونه شي. د ده په خبره دواړو هېوادونو ته پکار ده چې د اختلافاتو له مينځه وړلو لپاره مينځلاريتوب خپل کړي. عبدالله جان داراز وويل چې په قبايلي ضلعو کې د محرومۍ احساس ختمولو سره ډېرې ستونزې هوارېدای شي. بشپړه مرکه واورئ.
د دې اوونۍ "د مشال تر رڼا لاندې" کې په ملاکنډ ډېوېژن کې د ټيکسونو نظام د ممکنه نفاد او پرضد یې د شوي احتجاج بېلا بېل اړخونه څېړل شوي دي.
د افغانستان د پکتیا ولایت په زرمت ولسوالۍ کې له سېلابونو زیانمن خلک د بیړنیو مرستو او د زیانمن شویو بنسټونو د بیارغونې غوښتنه کوي. هغوی وايي، وروستیو بارانونو او سېلابونو يې کورونو، لارو او کرنیزو فصلونو ته زیانونه اړولي دي. ویډيويي راپور.
د بلوچستان د بېلا بېلو سيمو کروندګرو د بجلۍ يا برېښنا د نه شتوالي پرضد د مې له نهمې په کوټه کې د صوبايي اسمبلۍ مخې ته احتجاجي پرلت وهلی دی. کروندګر وايي پرلت به تر هغه وخته روان وي، ترڅو مرکزي حکومت د هغوی د بجلۍ د ستونزې د هواري لپاره عملي ګامونه نه وي پورته کړي. د کروندګرو په وينا، که سمدستي ورته په ورځ کې اته ساعته بجلي ورکول پيل نه شول نو فصلونه او باغونه به يې له تندې تباه شي. بلخوا د پاکستان وزیر اعظم ويلي چې په بلوچستان کې کروندګرو ته د شمسي يا لمرينې برېښنا ورکولو پروسه ګړندۍ کوي. ويډيويي راپور.