Новости за 15.05.2023

Ҷейми Флай истеъфояшро аз мақоми президенти Радиои Аврупои Озод/Радиои Озодӣ эълон кард.

Светлана Тихановская, раҳбари мухолифони ҳукумати Беларус, аз мардуми ин кишвар ва ҷомеаи байнулмилалӣ хост, ба ҳар гуна “сенария” омода бошанд.

Раҷаб Таййиб Эрдуғон – раиси ҷумҳури ҳозира ва Камол Қиличдароғлу – раҳбари мухолифон дар Туркия натавонистанд, дар давраи аввали интихоботи президентӣ пирӯз шаванд. Ғолиб баъд аз ду ҳафта (28-уми май) ва дар даври дувум маълум хоҳад шуд.

Профессори амрикоӣ, Ричард Волф, мустанади сохтаашро дар бораи вижагиҳои мусиқии ду сӯйи Ому, Тоҷикистону Афғонистон, нишон медиҳад. Намоиш рӯзи 16-уми май дар Душанбе хоҳад гузашт. Ҳунаршинос аз Донишгоҳи Ҳарвард дар филми худ аз риштаҳои гусаста, аммо дилҳои ба ҳам пайвастаи сокинони Тоҷикистону Афғонистон қисса мекунад. Ӯ ба чанд суоли мо ҳам посух дод. Дар навор бинед.

Музокироти ҳайатҳои Тоҷикистон ва Қирғизистон дар масъалаи марз баргузор шуд. Зубайдулло Шомадов, сухангӯйи раиси ҳукумати Исфара, ба Радиои Озодӣ гуфт, мулоқот 14-уми май гузашт, аммо ҷузъиёт надод.

Маъмурони амниятӣ як сокини бознишастаро дар шаҳри Исфара дастгир кардаанд, аммо шарҳ надоданд, ки чаро. Наздиконаш мегӯянд, ӯ баъди баҳс дар масъалаи даъвати ҷавонон ба артиш ба ифротгароӣ гумонбар шуд. Камолиддин Шарофови 70-соларо дар Боздоштгоҳи муваққатӣ дар Хуҷанд нигоҳ медоранд.

Александр Лукашенко, раҳбари худкомаи Беларус, рӯзи 14-уми май дар маъракаҳои бахшида ба Рӯзи парчаму нишон ва суруди миллии кишвараш иштирок накард ва ба оташи овозаҳо дар бораи хуб набудани саломатияш равған рехт.

Ахбори Озодӣ

Бино ба хабарҳо, ҷониби Русия ҳамчунин корхонаи маъданӣ-кимиёии Степногорскро дар Қазоқистон соҳиб шуд.

Кумитаи амнияти миллии Қирғизистон рӯзи 15-уми май аз ифшои нақшаи воридот ва фурӯши сӯзишворӣ ба ин кишвар бидуни пардохти андоз хабар дод.

Александр Лукашенко, раҳбари худкомаи Беларус, рӯзи 14-уми май дар маъракаҳои бахшида ба Рӯзи парчаму нишон ва суруди миллии кишвараш иштирок накард ва ба оташи овозаҳо дар бораи хуб набудани саломатияш равған рехт. Ба ҷойи ӯ нахуствазир Раман Ҳалучанка сухан ронд.

Маъмурони амниятӣ як сокини бознишастаро дар шаҳри Исфара дастгир кардаанд, аммо шарҳ надоданд, ки чаро. Наздиконаш мегӯянд, ӯ баъди баҳс дар масъалаи даъвати ҷавонон ба артиш ба ифротгароӣ гумонбар шуд. Камолиддин Шарофови 70-соларо дар Боздоштгоҳи муваққатӣ дар Хуҷанд нигоҳ медоранд.

Бар асари заминларзаи моҳи март дар Тоҷикистон 2200 кас зарар дидаанд. Дар ин бора намояндагии Иттиҳоди Аврупо дар Душанбе рӯзи 15-уми май хабар дод.

Вакили пешини порлумони Қирғизистон Мирлан Жеенчороев нахост, ки ба мақоми Ваколатдори ҳуқуқи инсон ё Омбудсмени он кишвар номзад шавад.

Ҳавопаймои “Boeing 787-8 Dreamliner”, ки Тоҷикистон ба 92 миллион доллар аз Мексика харид ва боис ба вокунишҳои зиёд дар дохилу хориҷ шуд, субҳи 15-уми май ба Душанбе расид.

Бо шумориши 99 дарсади орои интихоботи президентии Туркия, ба назар мерасад, ин интихобот ба даври дувум расид ва ду ҳафта баъд Раҷаб Таййиб Эрдуғон ва Камол Қиличдороғлу бояд бори дигар бо ҳам рақобат кунанд.

Додгоҳе дар шаҳри Остонаи Қазоқистон фаъоли шаҳрвандӣ Аскар Сембойро ду моҳ ба ҳабс гирифт. Қарори додгоҳ рӯзи 13 май содир шуд. Сабаби расмии ҳабси вай навиштаҳояш дар шабакаҳои иҷтимоӣ рӯзҳои 7 - 17 ноябри соли гузашта будааст. Сембой рӯзи 12 май аз сӯи пулис боздошт шуд. Расонаҳои Қазоқистон менависанд, Сембой аз соли 2019 дар гирдиҳамоиҳои осоишта ширкат мекард ва борҳо ба ҷавобгарии маъмурӣ ҷалб шуда буд.

Ҳизбҳои "Миллий тикланиш" ва "УзЛиДеП" тасмим гирифтанд, ки дар интихоботи пеш аз муҳлати президентӣ аз номзадии президенти амалкунандаи Узбекистон Шавкат Мирзиёев ҷонибдорӣ кунанд. Дар анҷуманҳои ахири ин ду ҳизб тасмим шудааст, ки дар интихобот номзадии Шавкат Мирзиёевро пешбарӣ кунанд. Алишер Қодиров, раиси ҳизби "Миллий тикланиш" дар анҷумани рӯзи 13 май гуфтааст, ки "душвориҳои кунунӣ муттаҳидиро талаб мекунанд". "Мо бояд атрофи президенти амалкунанда ҷамъ шавем ва иқтидори ватан ва некуаҳволии мардумро таъмин намоем"... Читать дальше...