Türkmen hökümeti her ýyl aýlyklary 10% ýokarlandyrýandygyny aýdýar, ýöne harytlaryň näçe göterim gymmatlaýandygyny agzamaýar. Soňky maglumatlara görä, manadyň dollaryň garşysyndaky ýagdaýy pandemiýa aladalary bilen birleşip, ýerli önüm öndürijileri we sarp edijileri barha kän aldym-berdime salýar.
"Döwlet paýogy aýryp, uny 50 manatdan däl-de, 100 manatdan erkin satdyrsa, döwlete ýene 50 manat girdeji bolar, häzir 1000 manatdan satylýan undan döwlete diňe 50 manady barýar, galany korrupsiýany maliýeleşdirýär" diýip, Azatlygyň söhbetdeşi munuň düşünmez ýaly kyn mesele däldigini nygtady.
ABŞ-nyň prezidenti Jo Baýdeniň Donald Trampyň käbir möhüm syýasy başlangyçlaryny üýtgetmegine az wagt gerek boldy. Ol prezident kasamyny etmeginiň yzýany immigrasiýa, howanyň üýtgemegi we koronawirus pandemiýasy bilen baglanyşykly birnäçe kararlara dessine gol çekdi.
Türkmenistan we Azerbaýjan Hazar deňzindäki “Dostluk” uglewodorod ýatagyny bilelikde özleşdirmek we ösdürmek boýunça ylalaşdy. Bu barada Türkmenistanyň ýarym resmi Orient.tm neşiri habar berýär. Türkmenistanyň daşary işleri ministri Raşid Meredow we onuň azerbaýjanly kärdeşi Jeýhun Baýramow 21-nji ýanwarda Hazar deňzindäki “Dostluk” ýangyç känini bilelikde özleşdirmek we ösdürmek boýunça iki döwletiň hökümetleriniň arasynda özara düşünişmek Memorandumyna gol çekdiler. Habarda aýdylmagyna görä... Читать дальше...
Eýranly bir syýasat ylymlary boýunça alym Birleşen Ştatlarda eýran hökümetiniň agenti bolmakda günäkärlenip, tussag edilenden soň, Tähran Waşingtony ony "zamun almakda” aýyplady. ABŞ häkimiýetleriniň ýurtda hemişelik ýaşaýyş rugsady esasynda ýaşaýan eýran raýaty Kaweh Afrasiabiniň tussag edilendigini yglan etmeginden bir gün soň, Eýranyň Daşary işleri ministrliginiň metbugat sekretary Said Hatibazdeh aýyplama bildirdi. Adalat departamenti Afrasiabiniň “Tähranyň hasaba alynmadyk agenti hökmünde... Читать дальше...
Azatlyk Radiosynyň geçen ýylyň aýagynda Lebap welaýatynda müňden hem aşa býujetçiniň eýýäm üç aý töweregi wagt bäri zähmet haklaryny alyp bilmeýändigi baradaky maglumatyndan soňra, sebite Aşgabatdan ýörite barlag topary iberildi we birnäçe günüň içinde işgärlere aýlyklary geçirildi. Bu barada Azatlyk Radiosynyň Lebapdaky habarçylary maglumat berýärler. Ýatlatsak, Azatlyk dekabryň aýagynda Lebabyň zawod-fabrikleriniň ençemesinde işleýän 1 müň 500-e golaý işgäriň zähmet haklarynyň öz wagtynda tölenmegi... Читать дальше...
20-nji ýanwarda Pakistanyň premýer-ministri Imran Han ýurduň Günorta Weziristan tire-taýpa sebitinde ýokary tizlikli Internetiň işe giriziljekdigini yglan etdi. Soňky aýlarda Günorta Weziristanda talyplar Internetiň pes tizligine şikaýat bildirip, birnäçe protest geçirdiler. Olar pes tizlikli internetiň ýurtda koronawirusyň ýaýramagynyň öňüni almak üçin girizilen petiklemeleriň arasynda özleriniň onlaýn sapaklaryna täsir edýändigini aýtdylar. Azatlyk Radiosy günüň ikinji ýarymynda iki ýerli ýaşaýjy bilen habarlaşdy... Читать дальше...
Human Rights Watch (HRW) Gazagystanda maliýe hasabatlarynda ýol berlendigi aýdylýan 'kanun bozmalar' üçin adam hukuklaryny goraýjy toparlara garşy alnyp barylýan “basyp ýatyrmalaryň” gazak ýolbaşçylarynyň ýurtda adam hukuklaryny ösdürmek “tagallalary” babatynda “çynlakaý şübhe” döredýändigini aýtdy. Düýbi Nýu-Ýorkda ýerleşýän gurama 20-nji ýanwarda beren beýanatynda häkimiýetleriň adam hukuklaryny goraýjy aktiwistlere we guramalara garşy köpden bäri “çäklendiriji kanunlary we çakdanaşa aýyplamalary” ulanyp gelendigini aýtdy. Читать дальше...
Türkmenistanyň paýtagtynda lukmanlar we şepagat uýalary öýme-öý aýlanyp, koronawirusly adamlary kesgitleýärler, olaryň goňşularyny keselhanalarda test etmäge iberýärler we käbir ýagdaýlarda öýlerine baryp, test geçirýärler. Welaýatlarda bolsa, howadan uçarly we ýerlerde traktorlardan antiseptikler sepilýär hem-de munuň üçin ilatdan pul ýygnalýar. Bu barada Azatlygyň habarçylary maglumat berýärler. Häkimiýetler, ýurtda koronawirusyň bardygyny inkär edýän hem bolsalar, ilata rus waksinasy bilen sanjym etmäge taýynlyk görüp... Читать дальше...
Russiýanyň Içeri işler ministrliginiň 2020-nji ýylyň dokuz aýyndaky maglumatlaryndan görnüşi ýaly, özbekler ähli daşary ýurt graždanlarynyň arasynda, ýol hereketiniň düzgünini bozmakda rekord goýdy. Ikinji orny Gyrgyzystanyň graždanlary eýeledi. Täjikler üçünji ýerde. Ýöne ýol heläkçiliginiň sany degişlilikde 2019-njy ýyl bilen deňeşdirilende azalypdyr. Şu wagta çenli rus polisiýasy diňe ýolagçylaryň gatnaşmagynda bolýan ýol hadysalary barada jemleýji maglumatlary çap edýärdi, ýöne indi ýurtlar tarapyndan bölünişik görkezilýär. Читать дальше...
Türkmenistanyň döwlet eýeçiligindäki köpçülikleýin habar beriş serişdeleri hem-de ýarym resmi habar saýtlary 20-nji ýanwarda ABŞ-da geçirilen inagurasiýa dabarasy barada heniz habar bermedi. Çarşenbe güni demokrat Jo Baýden ABŞ-nyň 46-njy prezidenti hökmünde kasam kabul etdi. Bu waka dünýä arenasynda möhüm waka boldy, halkara habar serişdeleri ABŞ-da geçirilen prezident saýlawlaryny hem-de onuň yzysüre geçirilen inaugurasiýa dabarasyny ýakyndan yzarlady. Türkmenistanyň media serişdeleri, şol... Читать дальше...