Aşgabatda millionlarça amerikan dollary harçlanyp gurlan "Garaşsyzlyk" seýilgähinde şu günler ýaşyl meýdançalar we gymmatbaha arçalar idegsizlikden guraýar. Seýilgähe ideg edýän işçiler muňa suwaryş ulgamlarynyň hatardan çykmagynyň we olary abatlamak üçin häkimiýetler tarapyndan serişde goýberilmezliginiň sebäp bolýandygyny aýdýarlar. Bu barada Azatlyk Radiosynyň habarçysy paýtagtdan habar berýär.
“Türkmenhowaýollary” geçen hepde Minskden Türkmenabada nobatdaky gezek çarter gatnawyny gurady. Azatlyk Radiosynyň habarçylary we çeşmeleri bu uçar bilen ýurda dolanan raýatlarda resmi däl COVID-19 hadysalarynyň ýüze çykarylandygyny habar berýärler. Türkmen resmileri şu wagtda çenli ýurtda hiç hili koronawirus hadysasynyň ýüze çykarylmandygyny öňe sürýärler. Bu aralykda, Lebapda wirus hadysalary gürelýär, waksinasiýa dowam edýär. Aşgabatda maska režimine raýat eşikli howpsuzlyk işgärleri gözegçilik edýär... Читать дальше...
Prezident Gurbanguly Berdimuhamedow ýylyň alty aýynyň netijelerine bagyşlanan Ministrler Kabinetiniň mejlisinde ösüş sanlaryndan doly hasabatlary diňläp, kadr çalşygyny geçirdi, şol sanda wezipe basgançaklarynda ýokary galdyrylýan ogluny täze wezipelere belledi.
Bosgunlykda döredilen “Türkmenistanyň demokratik saýlawy” DWT-niň lideri Myrat Gurbanow 8-nji iýulda BMG-niň Ženewadaky edarasynyň öňünde ýekelikde protest geçirdi we türkmen häkimiýetlerini tankytlaýan plakatlar bilen çykyş etdi.
Kubada müňlerçe adam Karib adasyndaky bu ýurduň kommunistik hökümetine garşy seýrek protesti geçirýärler. Köçelere çykan ýaş adamlar “Diktatorlyk ýok bolsun!” we “Azatlyk!” diýen şygarlary gygyrdylar. Kommunistleriň dolandyrýan adasynda soňky onlarça ýylyň dowamynda hökümete garşy geçirilen iň iri protestleriň arasynda, 11-nji iýulda prezident Miguel Diaz-Kanel öz goldawçylaryny paýtagt Hawanada demonstrantlar bilen “göreşmäge” çagyrdy. Kuba, özüniň iň esasy ýarany Sowet Soýuzy dargandan bäri... Читать дальше...
“Talyban” jeňçileri Owganystanyň demirgazygyndaky welaýatlaryň ýene biriniň paýtagtyna hüjüm etdiler. Bu aralykda, owgan resmileri jeňçileriň raketa hüjümleriniň öňüni almak üçin, paýtagt Kabulyň aeroportynda howa hüjüminden goranyş ulgamynyň ornaşdyrylandygyny habar berdiler. 1-nji maýda halkara güýçleri ýurtdan resmi ýagdaýda çykarylyp başlanandan bäri, “Talyban” Owganystanyň 423 etrabynyň üçden birini öz gol astyna geçirdi. Bu Kabul hökümetiniň synyp biljekdigi baradaky howatyrlanmalary artdyrdy. Читать дальше...
Moldowada geçirilen irki parlament saýlarynda Günbatar gymmatlyklarynyň tarapynda çykyş edýän prezident Maia Sandunyň partiýasy açyk ýeňiş gazandy. Munuň netijesinde, Russiýanyň ýurtdaky täsiriniň peselmegi mümkin. 12-nji iýulda sesleriň 99,91%-niň sanalmagy netijesinde, Sandunyň merkezi-sagçy Hereket we Raýdaşlyk partiýasynyň (PAS) sesleriň 52,72%-ni alandygy mälim boldy. Onuň esasy garşydaşy, ozalky prezident Igor Dodonyň Moskwa dostlukly garaýan Sosialistler we Kommunistler blogy (BECS) sesleriň 27,23%-ne eýe boldy. Читать дальше...
Ýaponiýada Tomusky Olimpiýa oýunlarynyň öňýanynda, ýurtda COVID-19 hassalarynyň köpelmegi sebäpli, 12-nji iýulda Tokioda täze adatdan daşary ýagdaý yglan edildi. Geçen hepde Olimpiýa oýunlarynyň guramaçylary ýaryşlaryň tas ählisiniň diýen ýaly tomaşaçysyz geçiriljekdigini mälim etdiler. Daşary ýurtly tomaşaçylara eýýäm gadaganlyk girizildi. “Biz adamlary türgenleri öýlerinden goldamaga çagyrýarys” diýip, 11-nji iýulda ministrler kabinetiniň baş sekretary Katsunobu Kato aýtdy. Tokiodaky Tomusky... Читать дальше...