Новости за 15.02.2024

Питрәч районы Мамадышта «Чанафест» Бөтенроссия креатив чаналар фестивалендә катнашты һәм Гран-при иясе булды. Бу хакта ВКонтакте социаль челтәрендәге «Питрәч-информ» төркемендә хәбәр ителә.

Казанда һәм Иннополиста «Киләчәк уеннары» халыкара мультиспорт турнирын үткәрү көннәрендә алкоголь сатуны чикләячәкләр. Республика Премьер-министры Алексей Песошин ТР Министрлар Кабинетының шул хактагы карарын имзалаган.

Ульяновск шәһәренең 17 нче милли китапханәсендә патриот шагыйрь, Советлар Союзы Герое Муса Җәлил иҗатына багышланган әдәби бәйге узды, дип хәбәр итте «Өмет» газетасы телеграм-каналында.

Бүген Казанның «Ак Барс» хоккей командасы Магинтогорск шәһәренең «Металлург»ын 2:1 исәбе белән җиңде. Уен Казанда «Спорт сарае»нда узды.

«Яңа туган бала өчен бүләк» республика акциясе гамәлдә булган чорда Татарстанның аз тәэмин ителгән гаиләләрендәге 12 меңнән артык хатын-кыз бала табу йортларында сабый өчен кирәкле әйберләр алган. Бүген ТР хезмәт, халыкны эш белән тәэмин итү һәм социаль яклау министры Эльмира Зарипова #ТатарстанОнлайн программасы туры эфирында шул хакта хәбәр итте.

Бүген, 15 февральдә, Казанның «Сәйдәш» мәдәният үзәгендә милли каһарманыбыз, герой-шагыйрь Муса Җәлилнең 118 еллыгына багышланган концерт узды. Бәйрәмдә VI Халыкара «Җәлил укулары» әдәби бәйгесенә нәтиҗәләр ясалды, җиңүчеләр бүләкләнде. Әлеге чара ел саен Бөтендөнья татар конгрессы, Татарстан Республикасы Мәдәният министрлыгы, Татарстан Республикасы Мәгариф һәм фән министрлыгы белән берлектә оештырыла.

Татарстан уртача хезмәт хакы күләме буенча Идел буе федераль округында беренче урынны били. Ноябрь – гыйнвар өчен статистика мәгълүматлары буенча, төбәктә уртача хезмәт хакы 59 мең сумнан артып китә. Бүген ТР хезмәт, халыкны эш белән тәэмин итү һәм социаль яклау министры Эльмира Зарипова #ТатарстанОнлайн программасы туры эфирында шундый мәгълүматлар китерде.

Бу көннәрдә Саба йөзү бассейны хезмәткәрләре бергә җыелып токмач кисә. Алар махсус хәрби операциядә катнашучы егетләргә ярдәм итәргә булган. Бу хакта «Саба таңнары» газетасы хәбәр итә.

Бүген Бөтендөнья татар конгрессында Башкортстаннан килгән татар язучылары белән очрашу узды.

Татарстанда ун ел эчендә күп балалы гаиләләр саны ике тапкыр артып, 50 меңгә җитте. Хәзерге вакытта республиканың күп балалы гаиләләрендә 160 мең бала яши. Бүген ТР хезмәт, халыкны эш белән тәэмин итү һәм социаль яклау министры Эльмира Зарипова #ТатарстанОнлайн программасы туры эфирында шул хакта хәбәр итте.

Бүген Санкт-Петербургта Советлар Союзы Герое, Ленинградны яклаучы, шагыйрь-антифашист, кылган батырлыгы кыюлык һәм туган иленә тугрылык үрнәгенә әверелгән Муса Җәлилнең 118 еллыгын билгеләп үттеләр. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

Бүген Татарстанның Саба районы Сабай авылында ир белән хатын һәлак булган.

Германиянең Плётцензее төрмәсендә Муса Җәлил һәлак булган урынга чәчәкләр куйганнар. Бөек Ватан сугышы елларында төрмәдә гильотина торган бүлмә бүгенге көндә мемориал итеп ясалган.

Бүген ЗАГС хезмәткәрләре «Казан» Гаилә үзәгендә гаилә утын Чаллыдагы күп балалы гаиләгә тапшырды. Бу турыда «Татар-информ» хәбәр итте.

Евро 9 февральдән соң беренче тапкыр 99,12 сумга җитте. Мәскәү биржасы котировкаларыннан күренгәнчә, Европа валютасының бәясе бер тәүлек эчендә 1,21 сумга артты.

Прокурор Республики Татарстан Альберт Суяргулов и Уполномоченный при Главе (Раисе) РТ по защите прав предпринимателей, помощник Раиса РТ Фарид Абдулганиев провели вчера в Казанском Кремле прием предпринимателей. В приеме также приняла участие генеральный директор АНО «Платформа для работы с обращениями предпринимателей» ЗаБизнес.РФ Элина Сидоренко.

«Башкортстан Язучылар берлегенә кергән язучылар автоматик рәвештә Татарстан Язучылар берлегенә керергә тиеш, дип уйлыйм», - диде Альфред Дәүләтшин

Куәт оешмалары вәкилләре башта Айбулат Нигъмәтовны эш урынында тоткарлый, аннары аның өенә барып тентү үткәрә. Алар ирнең бишмәтен эзләгән, янәсе бу бишмәтне киеп ир Фаил Алсыновны яклау чарасына барган булырга мөмкин. Полиция бүлегеннән Нигъмәтовны Уфага алып киткәннәр.

Бүген, 15 февральдә, Совет гаскәрләренең Әфганстан җиреннән чыгарылуына 35 ел тулу уңаеннан Саба район мәдәният йортында 70 тән артык әфганчыга 35 еллык медале тапшырылды. Бу хакта «Саба ТВ» хәбәр итте.

Сүз Күгәрчен районының Качкын авылында яшәүче Миннияр Байгускаров турында бара. Медиа чыганакларына таянып аңа "басым булган һәм аны үзенә кул салу дәрәҗәсенә җиткергәннәр" - "ул асылынып үлгән" дип җиткерә.

18 февральдә 16.00 сәгатьтә бөек татар шагыйре Муса Җәлилнең тормышы һәм иҗатына багышланган 20 сораудан торган онлайн квиз-викторина узачак. Бу хакта Санкт-Петербург татарларының piter.tatar порталы хәбәр итә.

Старые Салманы (Иске Салман авылы) — село в Алькеевском районе Республики Татарстан, административный центр Старосалмановского сельского поселения, находится на реке Салманка, в 17 км к западу от села Базарные Матаки. Иске Салман авыл тарихы Село Старые Салманы основано в первой… Далее

Казан кооператив институтының Дәрдемәнд исемендәге Татар мәдәнияте үзәгендә ачык ишекләр көне үткәрелде. Татар халкының бөек уллары, герой-шагыйрь Муса Җәлил, җырчы Илһам Шакиров, шагыйрь Кадыйр Сибгатуллинның туган көне уңаеннан, искә алу чарасы булды. Ачык ишекләр көнендә Казанның 3, 15 гимназияләре, 149 лицей укучылары катнашты.

Бүген Мәскәүдә «Вакытлы матбугат һәм китап продукциясен нәшер итү һәм таратуда актуаль мәсьәләләр» XXIII Шәһәр матбугат форумы уза. Анда «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев һәм «Татмедиа» АҖ генераль директоры Шамил Садыйков та катнаша.

Герой-шагыйрь Муса Җәлилнең оныгы – Камил Җәлилов Татарстан Милли музеенда Моабит дәфтәрләре — шигырьләренең чын нөсхәсен чыгару чарасында «Татар-информ» хәбәрчесе Зилә Мөбәрәкшинага бабасы турында фикерләрен әйтте. Камил Җәлилов – Муса Җәлилнең беренче никахтан туган беренче баласы – Альберт Җәлиловның улы.