Новости за 14.03.2019

Европарламент 14-марттагы Брюсселдеги отурумунда Казакстандагы адам укуктарынын абалы боюнча резолюция кабыл алды. Анда казак бийлигин "эл аралык милдеттенмелерин аткарууга, адам укугун, жарандык эркиндиктерди сыйлоого, саясий репрессияларды" токтотууга  чакырды.   Резолюцияда Казакстанда Кылмыш кодексинин 174-274-беренелери бурмаланып, жарандык активисттер менен журналисттерди куугуттуктоодо колдонулуп жатканы айтылат.   Документте активисттер Нурбек Кушакбаев, Амина Елеусинова, Лариса Харькова... Читать дальше...

Тажикстандын Улуттук коопсуздук комитетинин Чек ара аскерлери башкармалыгынын басма сөз кызматы кыргыз-тажик чек арасындагы абал тууралуу маалымат таратты. 14-марттагы билдирүүнү Тажикстандын "Ховар" улуттук маалымат агенттиги жазып чыкты. Анда аталган башкармалык жөнгө салуу аракеттерине карабай, чек арада кырдаал оор экенин маалымдаган.  "14-мартта Исфаранын Ворух жамаатына кире бериште топтолгон Кыргызстандын Ак-Сай айылынын тургундары делегация өкүлдөрүнүн сүйлөшүүсүнө жолтоо болушту. Жергиликтүү... Читать дальше...

Кезинде бүтүндөй Өзбекстанды сестентип турган Гүлнара Каримова үй камагынан кадимки түрмөгө которулду. Аны кандай тагдыр күтүп турат? Өзбек өкмөтү анын чет өлкөдөгү миллиондорун кайтара алабы? Орусияда “Рунеттин” дүйнөлүк желеден бөлүнүшүнө жол ачкан “Суверендүү интернет” тууралуу мыйзам долбоору талаш жаратууда. Дүйнөлүк желеге Орусия аркылуу туташкан Кыргызстанга жаңы чаралардын кесепети тийбейби?

Ооганстандын түндүгүндөгү Мазари-Шариф шаарында Балх провинциянын мурдагы губернаторун колдогон полиция кызматкерлери ИИМ күчтөрү менен кагылышты. Мазари-Шариф Балх провинциясынын борбору.  14-марттагы атышууга президент Ашраф Гани менен мурдагы губернатор Атто Мухаммади Нурдун ортосундагы пикир келишпестик себеп болгону айтылды. Атто Мухаммади Нур Ооганстандагы тажиктерден чыккан мурдагы кол башчы. Анын жоокерлери провинция полициясынын көпчүлүк бөлүгүн түзөт.   Мазари-Шарифтин ооруканасынын... Читать дальше...

Тажикстандын премьер-министринин орун басары Иброхим Азим кыргыз-тажик чек арасына келди. Бул тууралуу кыргыз өкмөтүнүн басма сөз кызматы кабарлады. Буга чейин өкмөттүн басма сөз өкүлү Чыңгыз Эсенгулов: «Урматтуу кесиптештер, учурда Баткен облусундагы кыргыз-тажик мамлекеттик чек ара тилкесиндеги кырдаал туруктуу. Окуя болгон жерге мамлекеттик органдардын кырдаалды турукташтыруу боюнча иштерин координациялаш үчүн Кыргызстандын вице-премьер-министри Жеңиш Разаков жана Тажикстандын премьер-министринин орун басары Иброхим Азим жөнөтүлгөн»... Читать дальше...

Баткендеги Ворух тажик анклавын айланып өткөн Ак-Сай - Тамдык жолун салуу чек арадагы чыңалуунун негизи бойдон турат.

Таластагы Шыралжын кенин жабууну талап кылып 14-мартта Бакай-Ата районундагы Биринчи май айылынын тургундары жыйынга чогулушту.

Кыргызстандын Мамлекеттик чек ара кызматынын 14-мартта тараткан маалыматына караганда, кыргыз-тажик чек арасындагы кырдаал салыштырмалуу турукташып калды. Ага карабай эки тараптан тең адамдар чогулуп турат.

Орусия аннексиялаган Крымдын жээгинде орусиялык чек арачылар барымтага алган украиналык моряктар «аскердик туткун» деп таанылды.  Бул тууралуу БУУнун Адам укуктары боюнча жогорку комиссарлыгынын баяндамасында айтылат.   Уюмдун маалыматына караганда, кармалган моряктар Женева конвенциясына ылайык коргоого алынат жана сот алар тууралуу башка чечим чыгармайынча «аскердик туткун»​ макамына ээ болот. Мындай макамга ылайык, моряктарга кысым көрсөтүүгө, коркутууга тыюу салынат. Керектүү учурда аларга медициналык жардам көрсөтүлүшү керек. Читать дальше...

Кыргыз президенти Сооронбай Жээнбеков Кыргызстандын четтеги элчилерин элге жакындоого чакырды.

Кыргызстандын вице-премьер-министри Жеңиш Разаков журналисттерге сүйлөп жатып, кыргыз-тажик чек арасындагы кырдаалды курчутуп жаткан чагымчыл күчтөр бар экенин айтты.  Баткен облусуна кыргыз-тажик чек арасындагы кырдаалды жөнгө салыш үчүн барган вице-премьер-министр күч органдары жана жергиликтүү бийлик органдары менен жыйын өткөрдү. Жыйындан соң чыгып, журналисттердин суроолоруна жооп берип жатып Разаков «бул жерде чагымчыл күчтөр бар» деп билдирип, жергиликтүү тургундарды алардын таасирине алдырбоого чакырды. Читать дальше...

Кыргыз-тажик чек арасына жакын жайгашкан Ак-Сай айылынан аялдар менен балдар коопсуз айылдарга чыгарылууда. Бул тууралуу «Азаттыктын» облустагы кабарчысы Жеңиш Айдаров маалымдады. Жергиликтүү тургундар өздөрүнүн жеке автоунаалары менен айылдагы аялдарды жана балдарды башка коопсуз айылдардагы туугандарына ташып жатышат. Алгач эки тараптуу жаңжал дал ушул Ак-Сай айылынан башталган. Анда Тажикстан менен Кыргызстандын жарандары бири-бирине таш ыргыта баштаган.  Эки тажик жараны октон каза тапканы айтылууда. Читать дальше...

Бейшембиде кыргыз-тажик чек арасында кайрадан ок атылды. Москва жана Санкт-Петербургдагы ири базарларда рейддер жүргүзүлүп, борбор азиялык мигранттар кармалганы кабарланды. Беларуста бийлик 425 миң кишини экономикага салым кошпогон жатып ичээрлер деп жарыялады

13-март күнү саат 15:30дар чамасында Кыргызстандын Ак-Сай жана Тажикстандын Мехнатабад айылынын тургундарынын ортосунда чатак чыккан.

Кыргыз-тажик чек арасында Рафоуддин Тешаев аттуу дагы бир тажик жараны каза болгонун «Азаттыктын» тажик кызматы Ворух анклавынын ооруканасынын башкы дарыгери Карима Хакимованын сөзүнө таянып билдирди. Башкы дарыгердин айтымында, ок Тешаевдин төшүнө тийип, ошол жерден мүрт кеткен. Бирок ал кимдин огунан каза тапканы азырынча белгисиз. "Азаттыктын" тажик кызматынын маалыматына караганда,  14-марттагы ок атышууда дагы эки тажикстандык жаракат алды. Тажикстандын Чек ара башкармалыгы "Азаттыкка" 13-мартта... Читать дальше...

Кыргызстандын Ички иштер министрлиги кыргыз-тажик чек арасында ок тийген адам милиция кызматкери экенин ырастаган билдирүү таратты. Баткен облустук ички иштер башкармалыгынын басма сөз катчысы Дамира Юсупова милиция кызматкерине ок тажик тараптан атылганын кабарлады: «​Баткен районунун Ак-Сай айылында Ворух айылы менен чек ара тилкесинде кыргыз-тажик жарандарынын ортосунда кайрадан пикир келишпестик чыгып, бири-бирин таштар менен ургулай башташкан. Коомдук коопсуздукту сактап турган милиция кызматкерлерине... Читать дальше...

Эсеп палатасы Коомчулукту өнүктүрүү жана инвестициялоо агенттигинин (АРИС) 2017-жылдагы ишмердүүлүгүн текшерип, бир катар кемчиликтерди аныктады. Мекеменин басма сөз кызматы кабарлагандай, айылдарды таза суу менен туруктуу камсыз кылуу долбоорунун алкагында курулуш иштерине 6 миллион 493 миң сом негизсиз төлөнгөн. Бул акчанын жарымынан көбүнүн орду кайра толтурулган. Кыргызстандын бийлиги 2023-жылга чейин бардык айылдарды ичүүчү суу менен камсыз кылууну көздөп жатат. Азырынча жүздөгөн айылдарда таза суу жок. Читать дальше...

Орусиянын Федерация кеңеши Мамлекеттик Думадан өткөн «жалган» маалымат тараткандарды, бийлик органдарына, мамлекеттик символдорго акарат келтиргендерди жазалоо тууралуу мыйзам долбоорлорун жактырды.

Кыргызстан менен Тажикстандын чек арасында, Баткен облусунун Ак-Сай айылында атылган ок тийип жарадар болгон адам Баткен облустук бириккен клиникалык ооруканасына жаткырылды. Бул тууралуу Саламаттык сактоо министрлигинин басма сөз катчысы Жылдыз Айгерчинова билдирди. Анын айтымында, жабырлануучуга ок тийгени такталды. Ал рентгенге коюлуп, биринчи медициналык жардам алып жатат. Мунун алдында кыргыз-тажик чек арасында кайрадан ок атылганы кабарланган. «Азаттыктын» Баткендеги кабарчысы Жеңиш Айдаров... Читать дальше...

Адам укуктарына арналган, 13-мартта жарыяланган Мамлекеттик департаменттин жылдык баяндамасы 200гө чамалуу өлкө жана аймактагы жагдайларды камтыйт. Анын ичинде Кыргызстандын абактарындагы саясатчылар тууралуу да айтылат.

Президент Сооронбай Жээнбеков Тажикстандын башчысы Эмомали Рахмон менен телефон аркылуу сүйлөшүп, чек арадагы абалды талкуулады. Мамлекет башчынын басма сөз кызматы кабарлагандай, «Жээнбеков жана Рахмон объективдүү иликтөө жүргүзүү жана келечекте мындай абалга жол бербеш үчүн биргелешкен комиссия түзүү, мамлекеттик чек араны делимитация процессин аяктоо боюнча сүйлөшүүлөрдү активдештирүү зарыл экенин белгилешти». Ошону менен катар президенттер «кылымдардан берки жылуу коңшулаш мамиледеги эки... Читать дальше...

Ушул күндөрү «Ата Мекен» партиясынын түрмөдөгү лидери Өмүрбек Текебаев Кыргызстанда акыркы жылдары болгон саясий жүрүштөр тууралуу маек курду.

Пакистан менен Индиянын расмий өкүлдөрү зыяратчылар үчүн чек арада визасыз режим киргизүү маселесин талкуулап жатышат. Индиянын Тышкы иштер министрлигинин өкүлү Равиш Кумардын маалыматына караганда, эки тараптын сүйлөшүүлөрү 14-мартта чек арага жакын жердеги Аттари шаарында башталды. Ал эми пакистандык делегацияны жетектеген Тышкы иштер министрлигинин өкүлү Мухаммад Фейсал журналисттерге чек ара пунктун ачуу пикир келишпестикти достукка айлантуу максатын көздөй турганын билдирди.   Жолугушуу... Читать дальше...

Казакстандын Алматы шаарында Интерполдун линиясы аркылуу эл аралык издөөдө жүргөн Кыргызстандын жараны кармалды. Бул тууралуу Ички иштер министрлиги (ИИМ) билдирди. Чүй облусунун 48 жаштагы тургуну буга чейин уюшуп карактоого, ири суммада тоноого, опузалоого байланыштуу бир нече жолу соттолгон. Уюшкан кылмыштуу топтун мүчөсү катары ИИМдин тизмесинде турган жаран ушул өңдүү айыптар менен 2011-жылдан бери издөөдө жүргөн.  Ал Алматыда казакстандыктын атына берилген мыйзамсыз паспорт менен жүргөнү тууралуу ыкчам маалымат түшкөн. Читать дальше...

Түштүк Африкадагы Малави республикасында суу каптоодон каза болгондордун саны 56 кишиге жетти. Суу ташкынга байланыштуу өлкөдө чукул кырдаал жарыяланды. Соңку бир жума ичинде 83 миңден ашык киши үйлөрүн таштап, коопсуз жерлерге көчүүгө аргасыз болушту. Нөшөрлөгөн жаан-чачындан дарыялар ташкындап, бүтүндөй айылдар суу астында калды. Электр энергия, суу системалары иштен чыкканы кабарланууда. Африканын түштүгүнө тропикалык циклон жакындап келаткандыктан, кырдаал мындан да оорлошот деп күтүлүүдө. Читать дальше...