Новости за 28.03.2019

29-март түнү Биринчи май райондук сотунда орусиянын президенти Владимир Путинге каршы пикетке чыккан Нурлан Карымшаков жана анын жубайы Гүлзана Имаеванын бөгөт чарасы жабык каралды. Сот аларды тергөө аяктаганга чейин өлкө аймагынан чыкпоо шарты менен эркиндикке кое берди. Орусиянын президенти Владимир Путин Кыргызстанга келерден бир күн мурун, жарандык активист Нурлан Карымшаков жубайы менен бирге Бишкектеги орус элчилигинин астына пикетке чыгышкан. Жубайлар колдоруна «Путин - агрессор, канкор» жана... Читать дальше...

Укук коргоочу Рита Карасартова Орусиянын Бишкектеги элчилигинин алдына пикетке чыккан жубайлар Карымшаковдордун үйүн тинтүү учурунда 17,6 миң доллар жана курал-жарак табылганы кабарланган соң «Фейсбуктагы» баракчасына билдирүү жазып, автомат Нурландын атасыныкы экенин, ал айлана-чөйрөнү коргоо тармагында иштегендиктен, курал алып жүрүүгө расмий уруксат кагазы болгонун билдирди. Маалыматка караганда, балкондо катылып турган автоматты атасынын көзү өтүп кеткенден кийин эч ким пайдаланган эмес. Укук коргоочунун сөздөрүнө ылайык... Читать дальше...

НАТОнун башкы катчысы, генерал Йенс Столтенбергдин кызматтагы мөөнөтү 2022-жылга чейин узартылды. Бул тууралуу уюм 28-мартта тараткан билдирүүдө айтылат. Ыйгарым укуктары 2020-жылы соңуна чыга турган Столтенбергдин бул кызматта калышын уюмга мүчө 29 мамлекеттин баары колдошту.  Норвегиянын мурдагы премьер-министри аскерий альянстын башына 2014-жылы барган. Ал быйыл мартта 60 жашка чыкты. Столтенберг "Твиттердеги" баракчасында ыраазычылык билдирип, 29 мамлекет кабыл алган чечимге сыймыктанып турганын билдирди. Читать дальше...

Европарламент косоволуктар үчүн жеңилдетилген виза режимин колдоду. 28-мартта өткөн добуш берүүдө 331 депутат колдоп, 126сы каршы чыкты. 12 депутат добуш берген жок. Бул суроо боюнча Европарламент 2018-жылдын сентябрь айында добуш берген. Бирок бул маселе дагы эле Еврокеңеште талаштуу байлон калууда. "Эркин Европа/Азаттык" радиосунун Брюсселдеги булактары билдиргендей, Кеңешке парламент менен сүйлөшүү жүргүзүү үчүн мандат берүүгө Франция менен Нидерланд каршы чыгып жатышат. Кеңеш ошондой эле... Читать дальше...

Жаңы Зеландиянын премьер-министри «Фейсбук» социалдык түйүнүнүн ак расаны даңазалаган билдирүүлөргө тыюу салуу аракетин кубаттады. Жасинда Ардерн Интернет гигантынын Крайстчөрч шаарындагы кандуу теракттан дээрлик эки жума өткөндөн кийинки бул чечимин жакшы өзгөрүү катары баалады. Бир күн мурда Марк Цукерберг башында турган «Фейсбук» компаниясы социалдык тармактагы ак расанын үстөмдүгүн жактаган көз караштарга, экстремисттик билдирүүлөргө кийинки аптадан тартып тыюу саларын жарыялаган. Аталган компания кастыкты козуткан... Читать дальше...

Британиянын Би-Би-Си телерадиокорпорациясы Украинанын президенти Петро Порошенкодон кечирим сурап, «чындыкка жатпаган» маалымат менен ага келтирген зыяны үчүн кенемте төлөп берерин билдирди. Ошондой эле телекорпорация саясатчы жалдаган юристтердин эмгегин да төлөп берерин маалымдады. Бул тууралуу корпорациянын сайтында жазылган билдирүүдө айтылат.  2018-жылдын май айында чыккан макалада Би-Би-Си өз булактарына таянуу менен АКШ президентинин жеке юристи Майкл Коэн Порошенконун өкүлдөрүнөн 400 миң доллар алып... Читать дальше...

Орусиянын президенти Владимир Путинге каршы пикетке чыккан Нурлан Карымшаков менен анын жубайы Гүлзара Имаеваны милиция камакка алды.

27-мартта Орусиянын Бишкектеги элчилигинин алдына пикетке чыккан жубайлар Карымшаковдордун үйүн тинтүү учурунда 17,6 миң доллар жана курал-жарак табылды. Бишкек шаардык ички иштер башкармалыгынын басма сөз катчысы Мира Абдылдаеванын «Азаттыкка» билдиргени боюнча, курал-жаракка уруксат кагаздары болгон эмес.  - Соттун санкциясы менен Нурлан Карымшаковдун жашаган жерине тинтүү жүргүзүлгөн учурда кош ооз мылтык, 10 патрон, 1 банка мылтык дарысы жана 17,6 миң доллар табылган. Мындан тышкары, жубайлар... Читать дальше...

Орусия Кыргызстандагы бириккен аскердик базасынын аймагын кеңейтмей болду. БУУнун Коопсуздук кеңешинин көпчүлүк мүчөлөрү АКШ президентинин Голан дөңсөөлөрү боюнча чечимине каршылыгын билдиришти. Якутия патент менен иштеген чет өлкөлүк мигранттарды 33 тармакта жумушка алууга тыюу салды.

Орусиянын президенти Владимир Путиндин Кыргызстандагы сапарынын алкагында тараптар бирдиктүү орус аскер базасы боюнча макулдашууга өзгөртүү киргизишти.

Орусиянын президенти Владимир Путин менен Кыргызстандын президенти Сооронбай Жээнбеков кызматташтык боюнча 17 документке кол койду. Анын негизгилеринин бири Орусиянын бирдиктүү аскер базасы жөнүндө экени айтылды. 2019-жылдын 23-мартында кабыл алынган токтомго ылайык, орус тарап эми бирдиктүү аскердик база үчүн Кыргызстанга жылына 4 миллион 794 миң доллар төлөйт. Мурда бул сумма 4,5 миллион долларды түзчү. Кошула турган сумма 291 миң доллар болору айкын болду. Мурдараак Кыргызстан менен Орусиянын... Читать дальше...

Москва Венесуэлага барган орусиялык аскерлер эч кимге коркунуч жаратпай тургандыгын билдирди. - Орусия аймактагы күчтөрдүн тең салмагын өзгөртпөйт. Орусия эч кимди коркуткан жок, - деди 28-мартта журналисттерге Тышкы иштер министрлигинин басма сөз катчысы Мария Захарова. Бир күн мурда АКШнын президенти Дональд Трамп Орусияны Түштүк Америкадагы бул мамлекеттен аскерлерин чыгарып кетүүгө чакырган. Венесуэланын Москвадагы аскердик атташеси орусиялык аскерлер анын мамлекетине атайын кызматташтык келишиминин алкагында барганын түшүндүрүп... Читать дальше...

Кыргызстан менен Орусиянын ортосунда жалпысынан 6 млрд. доллардан ашуун суммага эки тараптуу документтерге кол коюлду. Бул тууралуу Кыргызстандын президенти Сооронбай Жээнбеков 28-мартта Бишкекте кыргыз-орус аймак аралык ишкерлердин сегизинчи конференциясында билдирди. Жыйынга Орусиянын президенти Владимир Путин да катышты. Жээнбеков акыркы жылдары Кыргызстан менен Орусия ортосунда соода-экономикалык байланыштар бекемделип, Кыргызстан Евразия Экономикалык Биримдигинин алкагында жигердүү аракеттенип жатканын белгиледи. Читать дальше...

Катуу жааган жамгырдан улам Бишкек шаарынын Жаш гвардия көчөсүнөн Толстой көчөсүнө чыга бериштеги көпүрөнүн алдына суу толуп, автоунааларга түйшүк жаратууда. Бул тууралуу Фейсбуктагы «Элдик медиа» баракчасы кабарлап, видеосун жарыялады. Тасмада көрүнүп тургандай, көпүрөнүн алдындагы чуңкурчадагы суу автоунаалардын дөңгөлөктөрүн көөмп турат. Ары-бери каттаган автоунаалар тыгылып өтүп жатат. Бир нече айдоочу транспортунун номерин жоготуп издеп жүрөт. Бишкек шаарынын мэриясы жолго толуп калган суу тазаланып жатканын билдирүүдө. Читать дальше...

Якутиянын (Саха Республикасы) башчысы Айсен Николаевдин быйылтан тартып мигранттарга иштөөгө тыюу салынган тармактардын тизмесин кеңейткен буйругу кыргызстандык мигранттарга тиешеси жок. Бул тууралуу «Азаттыкка» Кыргызстандын Орусиядагы элчилигинин басма сөз катчысы Гүлбарчын Байымбетова билдирди: «Өзүңүздөр билесиздер, Кыргызстан ЕАЭБге мүчө. 2014-жылы 29-майдагы ЕАЭБ тууралуу келишимдин 97-беренеси боюнча, биримдиктин аймагында иштеген ага мүчө өлкөлөрдүн жарандары биримдиктин келишимине ылайык иштешет. Читать дальше...

Орусиянын президенти Владимир Путин менен кыргыз президенти Сооронбай Жээнбеков Чыңгыз Айтматов атындагы үй-музейге барышты. Президенттер жазуучунун үй-бүлөсү менен маектешти, жазуучунун уулу Элдар Айтматов аларга музей жөнүндө, атасынын өмүр жолу жана чыгармачылыгы тууралуу айтып берди. Президент Сооронбай Жээнбеков жана президент Владимир Путин үй-музей менен андагы экспонаттарды көрүп чыгышты, ошондой эле Эстелик жазуулар китебине өз каалоосун жазышты. 28-мартта тар чөйрөдө жана кеңири курамда... Читать дальше...

Илим-билим, искусство, адабият, дин адам баласынын ички дүйнөсүнүн оңолушуна, жетилишине кызмат кылат.

Мальтанын куралдуу күчтөрү Жер ортолук деңизинде мигранттар күчтөп айдатып бараткан кемеге толук көзөмөл орнотту. Мунай ташыган чакан танкер бир нече саат мурда Мальтанын баш калаасы Валлеттанын чекесиндеги портко келди. Полиция мигранттардын ичинен кеминде төртөөнү камакка алды.  Түркияга таандык экени кабарланган «Эл Хиблу-1» аттуу бул кеме шейшемби күнү Жер ортолук деңизинин Ливия көзөмөлдөгөн аймагынан ондогон мигранттарды куткарып калган. Кеменин экипажы аларды артка кайтарыш үчүн Ливияга барууну чечкен. Читать дальше...

28-мартта Биринчи май райондук сотунда белгилүү боксер Орзубек Назаровдун кызы жабыркаган жол кырсыгына байланыштуу өкүм чыкты. Ага ылайык, ошол кездеги Бишкектин патрулдук милиция башкармалыгынын (азыркы Жол коопсуздугун уюштуруу башкармалыгы) инспектору Улан Султангазиев үч жылга эркинен ажыратылып, сот залынан камакка алынды. Ал эми анын өнөктөшү Шүкүр Умиров толук акталды. Сот ошондой эле Ички иштер министрлигин Орзубек Назаровго материалдык чыгымы үчүн 150 452 сом, ал эми моралдык чыгым үчүн 100 миң сом төлөп берүүгө милдеттендирди. Читать дальше...

Башкы прокуратура «Акнет» фирмасынын ишмердүүлүгүнө байланыштуу Экономикалык кылмыштарга каршы күрөш боюнча мамлекеттик кызмат (Финполиция) токтотуп койгон төрт кылмыш ишин изилдеп чыгып, баарын кайра жандандырды. Бул тууралуу башкы көзөмөл мекемесинин басма сөз кызматы билдирди. Иштер бейтарап иликтөө үчүн Финполициянын Бишкек шаардык башкармалыгынан алынып, Ички иштер министрлигинин Тергөө кызматына тапшырылды. Учурда тергөө иштери уланууда, анын жүрүшү Башкы прокуратуранын көзөмөлүнө алынды. Читать дальше...

Индия жандоочту атып түшүрө алган ракетасын ийгиликтүү сыноодон өткөргөнүн жар салгандан кийин Кошмо Штаттар бардык мамлекеттерге космосто башаламандык жаратпоо жана аны таштандыларга толтурбоо зарыл экенин эскертти. Бул тууралуу Пентагондун башчысынын милдетин аткаруучу Патрик Шанахан билдирди.  - Биз баарыбыз космосто жашайбыз, аны таштандыга толтурбайлы. Космос биз бизнес жүргүзө турган жер эмес, - деген Шанахан Кошмо Штаттар азырынча Индиянын сыноосунун натыйжаларын иликтеп жатышканын кошумчалады. Читать дальше...

«Кыргызгидромет» борбору 30-мартка чейин Кыргызстандын аймагында туруксуз аба ырайы күтүлөрүн эскертет. Бул күндөрү көпчүлүк аймактарда жаан, тоолуу райондордо кар жаай турганы кабарланууда.  29-мартта тоолуу райондордо жана тоо этектеринде жамгыр, кар жаайт. Өрөөндөрдө жаан-чачын жаашы күмөн.  Абанын температурасы: Чүй өрөөнүндө түнкүсүн 5…10, күндүз 16…21, Талас жергесинде түнкүсүн 4…9, күндүз 15…20, Баткен, Ош, Жалал-Абад аймактарында түнкүсүн 5…10, күндүз 17…22, Ысык-Көл дубанында түнкүсүн 1…6... Читать дальше...

Президент Владимир Путин Бишкектеги мамлекеттик сапарында Орусия Кыргызстанга 2012-жылдан бери жылына 1,1 млн. тонна мунайды жана мунай өндүрүмдөрүн бажы төлөмүн албастан экспорттоп жатканын маалымдады. Путиндин айтымында, мындай жеңилдик кыргыз экономикасына 2 млрд. доллардай жардам болууда. Ошондой эле орус президенти «Газпром» компаниясы аркылуу Кыргызстандын аймагын газдаштырууга 16 млрд. рубль жумшалганын белгиледи. Путин газдаштыруу үчүн 100 млрд. рублга чейин инвестиция жумшаларын маалымдады. Читать дальше...

Австралиянын Виктория штатынын Жогорку соту 28-мартта теги ооган австралиялык жаранды көчөдө жөө бараткандарды атайлап сүздүргөн деп таап, өмүрүнүн аягына чейин түрмөгө кесүү тууралуу өкүм чыгарды. Окуя 2017-жылы Мелбурн шаарында болгон. Анда 21 адам жарадар болуп, алардын бирөө эсине келбей бир аптадан кийин каза болгон.  Өкүмгө ылайык, 37 жаштагы Саид Нури 30 жылдык жаза мөөнөтүн өтөп бүткөндөн кийин гана түрмөдөн эрте чыгуу боюнча арыз менен сотко кайрыла алат. Нури кармалгандан кийин полиция... Читать дальше...

Премьер-министр Мухаммедкалый Абылгазиев Орусия Федерациясынын Башкырстан Республикасынын башчысынын милдетин убактылуу аткаруучу Радий Хабиров менен жолугушту. Өкмөттүн аппараты кабарлагандай, Орусия Федерациясынын президенти Владимир Путиндин Кыргызстандагы мамлекеттик сапарынын алкагында өткөн VIII кыргыз-орус аймак аралык конференциясынын, эки өлкөнүн жогорку окуу жайларынын ректорлорунун форумунун жыйынтыктары талкууланды. Мухаммедкалый Абылгазиев жана Радий Хабиров эки жактуу алаканын оң динамикасын белгилешип... Читать дальше...