Новости за 18.07.2019

Мурдагы президент Алмазбек Атамбаевдин үчүнчү жолу суракка чакырылышына байланыштуу анын юридикалык өкүлү Сергей Слесарев ички иштер министринин атына 19-июлда кат жолдой турганын айтты. Адвокат анын себебин Ички иштер министрлигинин Тергөө кызматы Атамбаевди мыйзамсыз суракка чакырып жатканы менен түшүндүрдү. "Бул менин үчүнчү катым. Биринчи катты тергөөчүгө, экинчисин Тергөө кызматынын башчысына жөнөткөм. Муну министрге жиберем. Себеби, Алмазбек Атамбаевди кол тийбестиктен ажыратуу боюнча парламенттин... Читать дальше...

"БелаПАН" маалымат агенттиги Кыргызстандын мурдагы президенти Курманбек Бакиевдин иниси Беларуста ири долбоорго катышы бар экенин жазып чыкты. Маалыматка караганда Асылбек Салиев 733 млн. доллар салына турган агрардык корпорацияга үлүшкө кирген.

Өзбекстандын мурдагы президенти, маркум Ислам Каримовдун тун кызы Гүлнара Каримова түрмөдөн "Тез жардам" машинеси менен чыгарылып кетиши мүмкүн экенин анын адвокаты Грегуар Манже «Твиттердеги» баракчасына жазды. Ал Каримова менен жолугушуу үчүн абакта алты саат күткөнүн жазган. Бирок Ташкент облусунун Занги-Ата районундагы №21 абакта жазасын өтөп жаткан Каримова менен адвокатка жолугууга уруксат беришкен эмес. Манже короодо күтүп жаткан маалда "Тез жардам" келип-кеткенин жазды. Адвокаттын айтымында... Читать дальше...

Жаңы шайланган Европа парламенти Орусияда кармалган украин жарандарын, анын ичинде моряктарды кое берүүгө чакырган резолюцияны кабыл алды. Парламентарийлер өздөрүн “Луганск элдик жумурияты”, “Донецк элдик жумурияты” деп атаган аймактарда камакта отургандардын тизмесин берүүгө үндөштү. Ошондой эле европалык депутаттар Крымдын аннексиясын дагы бир жолу айыптап, Москваны эл аралык нормаларды сактоого чакырышты. Буга чейин украин президенти Владимир Зеленский туткундарды «башма баш» айырбаштоону сунуш кылган. Читать дальше...

Пакистандын антикоррупциялык агенттиги мурдагы өкмөт башчы Шахид Хакан Аббаси кармалганын билдирди. Маалыматка караганда, Аббаси Лахор шаарында пресс-конференция өткөргөнү бараткан жеринен кармалды. Бийлик Катардагы газ компаниясы менен келишим түзүүдө экс-премьердин ролун иликтеп жатат. Аббасинин ошол компанияда акциялары бар болчу. Ал өзү мыйзамды бузбаганын айтып келет. Мурдагы өкмөт башчынын кармалышы оппозициялык партияларды нааразы кылды. Алар өкмөт оппоненттеринин оозун басууну көздөйт дешет. Читать дальше...

Беларус өкмөтүнүн ири агрардык долбоорунда Кыргызстандын мурдагы президенти Курманбек Бакиевдин инисинин уулу Асылбек Салиевдин да үлүшү бар экенин naviny.by сайты 18-июлда жазып чыкты.  Салиев ага шотландиялык офшор фирма аркылуу ээлик кылары макалада айтылган. Британиялык реестрдин маалыматына караганда, 31 жаштагы Асылбек Салиевдин шотландиялык "Altastar LP" жана "Maxforse LP" деген эки компаниядагы үлүшү 75% ашат.  Ошол эле маалда "Беларус улуттук биотехникалык корпорациясынын" бул компаниялардын биринде 11%... Читать дальше...

18-июлда Ооганстандын Кандагар шаарында жоочулар дүрмөттөлгөн машинени жардырып, полиция кеңсесине чабуул коюшту. Провинция губернаторунун басма сөз катчысы Бахир Ахмади “Эркин Европа/Азаттык” радиосуна билдиргенине караганда, жоочулар ооган коопсуздук күчтөрү менен аткылашты. Азырынча канча киши өлгөнү же жабыркаганы айтыла элек. Кол салуунун артында ким турганы да белгисиз. Буга чейинки ушундай эле чабуулдарды Талибан кыймылынын согушкерлери ишке ашырып келген. БУУнун 18 жылдан бери тынбай... Читать дальше...

Түштүк Кореянын премьер-министри Ли Нак Ён үч күндүк расмий сапары уланууда. Кыргызстандын эгемендик тарыхында Түштүк Кореянын өкмөт башчысы Кыргызстанга алгачкы жолу расмий сапар менен келди. Расмий Сапардын алкагында Ли Нак Ён «Кыргызстан - Түштүк Корея» бизнес-форумуна катышып, Кыргызстандын премьер-министри Мухаммедкалый Абылгазиев менен чакан чөйрөдө жолукту.

АКШ президенти Дональд Трамп 17-июлда Ак үйдө өз өлкөсүндө диний ишеними үчүн куугунтукка кабылган ондогон адамдар менен жолукту.

Ирандын Революция сакчылары корпусунун аскерлери Перс булуңунда чет өлкөлүк мунай танкерин кармап алышты. Бортунда 12 киши бар экенин "Ассошиэйтед Пресс" агенттиги Иран телеканалына шилтеме берип кабарлады. Кеме кайсы өлкөгө таандык экени такталган жок. Иран бийлиги танкер мунайды аткезчилик жол менен ташып баратканын билдирди. 16-июлда Ормуз кысыгында Панама желеги астында бараткан “Риах” танкери жоголгону маалым болгон. Ирандын тышкы мекемеси кемеде техникалык маселелер чыкканын билдирген.... Читать дальше...

Транспорт жана жолдор министринин мурдагы орун басары Азимкан Жусубалиевдин иши боюнча жараян Бишкектин Биринчи май райондук сотунда өттү.

БУУ 2009-жылдан бери 18-июлду "Нельсон Мандела" күнү деп белгилеп келет. 27 жыл абакта жаткан Түштүк Африка Республикасынын лидери "Бир мамлекетти тааныш үчүн түрмөсүн биринчи көрүш керек" деген ураанды жараткан. Бириккен Улуттар Уюмунун маңзат жана кылмыштуулук менен күрөшүү башкармалыгынын демилгеси менен Кыргызстандагы жабык жайларда да бул күн белгиленүүдө.

Кыргызстандын президенти Сооронбай Жээнбеков бүгүн, 18-июлда Кыргызстанга расмий визит менен келген Түштүк Кореянын премьер-министри Ли Нак Ён менен жолугушту. Президенттин маалымат кызматы билдиргендей, өлкөлөр ортосундагы эки тараптуу кызматташтыктын келечеги талкууланды. Мамлекет башчы өлкөдөгү социалдык-экономикалык долбоорлорду ишке ашырууга көмөктөшүп жатканы үчүн Түштүк Кореяга ыраазычылык билдирип, Корея эл аралык кызматташтык боюнча агенттиктин (КОИКА) алгылыктуу ишмердигин белгиледи. Читать дальше...

Жапонияда анимациялык студия өрттөнүп, 24 адамдын өмүрү кыйылды. Кытай менен Мьянмадагы мусулмандар АКШ президентине жолугуп, арманын айтышты. "Кодоо" деген каймана аттуу маңзат барону Хоакин Гусманды Нью-Йорк соту өмүр боюу абакка кести. Кремл Зеленскийдин өтүнүчүн аткарбай, орус абагындагы украин аскерлеринин мөөнөтү узартылды. Тажикстанда сентябрдан тарта электр энергиясына төлөм 17% көтөрүлмөй болду.

Кримтөбөл Азиз Батукаевдин ишине байланыштуу ИИМге суракка чакыртылган мурдагы вице-премьер-министр Шамил Атаханов өзүн жаман сезип, ага "Тез жардам" чакырылды. Бул маалыматты “Азаттыкка” Ички иштер министрлигинин басма сөз кызматы ырастады. Маалыматка караганда, Атаханов бүгүн 13:30га суракка чакырылган. Мунун алдында ал өзүн жаман сезип, ооруканага жеткирилди. Саламаттык сактоо министрлигинин басма сөз кызматы Атаханов алгач Бишкектеги бейтапканалардын бирине барып, андан ары менчик ооруканага которулуп кеткенин “Азаттыкка” билдирди. Читать дальше...

Каржы полициясы Бишкекте криптовалюта, тактап айтканда биткоин өндүргөн майнинг-ферма табылганы тууралуу маалымат таратты.

Түркиядагы мамлекеттик төңкөрүш аракетинен бери үч жыл өттү. Кан төгүү менен коштолгон ал окуя өлкөнү кантип өзгөрттү? "Гүленчилер" делген адамдардын маселелеси түрк-кыргыз мамилесине канчалык кедергисин тийгизип жатат? Туризм Кыргызстандын улуттук экономкиасынын уюткусу боло алабы?

Кыргызстандык жөө күлүктөр Беларустун Брест шаарында өтүп жаткан жеңил атлетика боюнча Белорустун Ачык кубогунун биринчи мелдеш күнүндө үч медал тагынышты. Жаштар иштери, дене тарбия жана спорт боюнча мамлекеттик агенттиктин маалымат кызматы билдиргендей, биринчи жарыш күнүнө кыргызстандык төрт спортчу стартка чыкты. Дарья Маслова 5000 метрге чуркап 15:55.59 секунд көрсөткүчү менен 1-орунду ээледи. Ушундай эле аралыкка эркектер арасында чуркаган Нурсултан Кеңешбеков коло медал тагынды (14:23.50... Читать дальше...

АКШда "FaceApp" деп аталган мобилдик тиркемеден чочулай башташты.

Казакстандын Түркстан облусуна караштуу Арыс шаарындагы ок-дары сакталган кампадагы жарылуудан үйлөрү жабыркаган тургундар оңдоп-түзөө иштерине нааразычылык билдирип жатышат. Балдары менен мектепте аргасыз күн көрүп жаткан тургундар күзүндө кайда барары бүдөмүк.

АКШ президенти Дональд Трамп 17-июлда Ак үйдө өз мамлекеттеринде диний ишеними үчүн куугунтукка кабылган ондогон адам менен жолукту. Иран, Ооганстан, Пакистан, Түркия, Кытай, Ирак, Мьянма жана башка өлкөлөрдүн өкүлдөрү өздөрүнүн жана жакындарынын диний ынанымы үчүн кордук көргөн оор тагдырлары тууралуу айтып беришти. Кездешүү учурунда Кытай, Ирак, Мьянмадагы диний азчылыктардын укугу жана абалы көбүрөөк талкууланды.  АКШ 2017-жылы жүз миңдеген рохинжа мусулмандарын кошуна Бангладешке жер которууга... Читать дальше...

Кыргызстанда 19-июлда Ысык-Көл, Нарын облустарынын кээ бир райондорунда, Чүй, Ош, Жалал-Абад облустарынын тоолуу райондорунда өткүн өтүп, күн күркүрөйт. Калган аймактарда жаан-чачын жаабайт. Түштүк-чыгыштан соккон шамалдын ылдамдыгы секундасына 5-10 метрге жетет. Абанын температурасы: Чүйдө түнкүсүн 18…23, күндүз 33…38; Таласта түнкүсүн 15…20, күндүз 32…37; Баткенде, Ошто, Жалал-Абадда түнкүсүн 18…23, күндүз 33…38; Ысык-Көлдө түнкүсүн 14…19, күндүз 27…32; Нарында түнкүсүн 11…16, күндүз 27…32; Бийик тоолуу райондордо түнкүсүн 0…5... Читать дальше...

Мамлекеттик ветеринардык жана фитосанитардык коопсуздук боюнча инспекциясы Нарындагы Солтон-Сары жайлоосунда өлгөн кой-козулар боюнча маалымат берди. Мекеменин жетекчисинин орун басары Кумар Исаковдун маалымат жыйында билдиришинче, өлгөн малдан алынган анализдин алгачкы жыйынтыктары чыкты. Нарындагы лабораториядан текшерген учурда козунун этинде нитрат жана мышьяк бар экени аныкталган. "Андан кийин өлгөн эки койдун этин республикалык ветеринардык лабораторияга алып келип текшердик. Ал жерде уулунуунун белгилери жок. Читать дальше...

«Чек арасыз кабарчылар» уюму менен Пакистандын медиа уюму биргелешкен докладда Пакистанда маалымат каражаттарынын басымдуу бөлүгү бир ууч адамдын колуна топтолгонун белгилеп, муну "өтө кооптуу көрүнүш" деп сыпатташты. "Мындай абалда маалымат булактарынын ар түрдүүлүгү чектелүүдө", - деп айтылат баяндамада. Жакында Пакистандын булуң-бурчунда журналисттер аскерлер менен коопсуздук органдарынын цензурасына, бюджеттеги тартыштыктан улам кыскартуулар болуп жатканына жана маяналардын кечиккенине нааразылык билдирип демонстрацияга чыгышкан. Читать дальше...

Бишкекте «Роза Отунбаеванын демилгеси» фонду «‎Балдардын заманбап искусствосу» ‎деген темада талкуу өткөрдү. Ага искусство таануучулар, билим берүү мекемелеринин адистери, музей жана театр жетекчилери катышты.