Новости за 15.07.2022

Орусиялык мамлекеттик корпорация өпкөнү жасалма дем алдыруучу 300 даана ИВЛ аппаратын карызга алып, акысын төлөбөгөнү үчүн Кыргызстандын "Дастан" трансулуттук компаниясын банкрот деп табуу үчүн сотко кайрыларын жарыялады. Пандемия күчөгөн маалда мамлекет "Дастан" заводу аркылуу алган ИВЛ аппараттар колдонулбай, кампада сакталып калган. Парламентте техникалык сапатына карабай кымбат баада, мамлекеттин кызыкчылыгына каршы, карызга алынган бул жабдууларды ээсине кайтарып берүү керектиги тиешелүү комитеттин чечиминде көрсөтүлгөн. Читать дальше...

Билим берүү жана илим министрлигинин маалыматына караганда, 2022-2023-окуу жылына жогорку окуу жайларына абитуриенттерди каттоонун биринчи айлампасы 18-июлда башталып, 20-июлда бүтөт. Экинчи айлампа - 25-27-июлда; Үчүнчү айлампа - 1-8-августта; Төртүнчү айлампа - 8-10-августта; Бешинчи айлампа - 15-20-августта. Документтер онлайн кабыл алынат. Жогорку окуу жайына тапшыруу үчүн сынакка катышууга "Абитуриент Online" сайтына каттоого туруу керек. Ушул эле сайтта окууга өткөн абитуриенттердин тизмеси жарыяланат. Читать дальше...

Кылмыш дүйнөсүндө "Дөө Чыңгыз" деген каймана ат менен белгилүү кримтөбөл Чыңгыз Жумагулов 15-июлда Бишкекте кармалды. Бул тууралуу Улуттук коопсуздук боюнча мамлекеттик комитет (УКМК) кабарлады. Мекеменин басма сөз кызматы Жумагуловду кармоо уюшкан кылмыштуу топту түзүү жана ишкерлерден ири суммада акча талап кылуу фактыларынын негизинде жүргөнүн кабарлады. Жумагулов УКМКнын тергөө абагына камалды. Маалыматта кримтөбөлдүн мыйзамсыз аракеттеринен жабыркагандар УКМКга кайрылса болору жазылган. Читать дальше...

Кыргызстанда экспорт жагынан туризмден кийинки кирешени билим берүү тармагы берип жатканын билим берүү жана илим министри Алмазбек Бейшеналиев журналисттерге билдирди. Анын айтуусунда учурда Кыргызстандын жогорку окуу жайларында  82 миң чет элдик студент окуйт. Алардын жарымы Өзбекстан, Тажикстан, Казакстан сыяктуу жакынкы чет өлкөлөрдөн келсе, калганы Индия, Пакистан ж.б. алыскы чет мамлекеттердин жарандары. Студенттердин басымдуу бөлүгү медициналык окуу жайларда билим алышат. Министрдин айтымында... Читать дальше...

Кыргызстандык 300 адам Жапониянын фабрикаларына иштей алат. Мындай келишим 14-июлда Кыргызстандын Эмгек, миграция жана социалдык камсыздоо министрлигинин алдындагы жарандарды чет өлкөлөргө жумушка орноштуруу борборунун жетекчиси Кубандык Акматбеков менен Жапониянын KOBE International Trade Promotion Association ишканасынын жетекчиси Широ Сурумакинин ортосунда түзүлдү. Келишимге ылайык, кыргызстандык жарандар Жапонияга окууга жана андан ары "техникалык үйрөнгүч" программанын алкагында ишке орношууга мүмкүнчүлүк алышат. Читать дальше...

Бүгүн, 15-июлдан 17-июлга чейин Бишкек-Ош жолундагы Төө-Ашуу тоннелинде автоунаалардын жүрүүсүнө убактылуу чектөө киргизилет. Тоннел электр зымдарынын алмаштырылып жана шамалдаткыч системанын оңдолуп жатканына байланыштуу күнүнө бир нече саатка жабык болот. Бул тууралуу "Кыргызавтожол" ишканасы маалымдады. 5-июлдун кечинде тоннелдин ичинде Lexus 470 автоунаасы өрттөнүп, ичиндеги эки адам коопсуз жайга чыгарылган. Машиненин өрттөнүп кетишине ага жакында эле орнотулган газ жабдыгы себеп болушу ыктымалдыгы айтылган. Читать дальше...