Новости за 06.01.2020

(Казан, 6 гыйнвар, «Татар-информ»). Быел Социаль иминият фондыннан декрет түләүләре, больничный һәм балалар пособиеләре күләме күбрәк булачак. Бу хакта «Российская газета» хәбәр итә.

(Чаллы, 6 гыйнвар, «Татар-информ»). Чаллыда Раштуа төнендә автобуслар иртәнге өченче яртыдан йөри башлаячак. Бу хакта шәһәр хакимияте хәбәр итә.

(Казан, 6 гыйнвар, «Татар-информ»). Татарстан Президенты Рөстәм Миңнеханов Раштуа уңаеннан Православие динен тотучыларны бәйрәм белән котлады.

(Казан, 6 гыйнвар, «Татар-информ»). Яңа Ел бәйрәмнәренең соңгы көнендә, 8 гыйнварда, 10.45 сәгатьтә «Мәдәният» телеканалында Владимир Ореновның «Беренче рәт: В.И. Качалов исемендәге Казан академия рус Зур драма театры» авторлык фильмы чыга. Бу хакта театрның матбугат хезмәте хәбәр итә.

(Казан, 6 гыйнвар, «Татар-информ»). Икътисадчылар 2020 елда икмәккә һәм яшелчәләргә бәя арту мөмкинлеген әйтте. Бу хакта РИАНовости хәбәр итә.

(Казан, 6 гыйнвар, «Татар-информ»). 7 гыйнвар төнендә казанлылар өчен махсус рейслар оештырылачак.

(Казан, 6 гыйнвар, «Татар-информ»). Иртәгә, 7 гыйнварда, төнлә һәм иртәнТатарстанда урыны белән томан көтелә. Бу хакта республиканың Гидрометеорология үзәге кисәтә.

(Казан, 6 гыйнвар, «Татар-информ»). 8 гыйнварда Казанның Горки-Әмәт урманында квартирник узачак. Бу хакта Горки-Әмәт урманының Instagramдагы рәсми аккаунтында хәбәр ителә.

(Истанбул, 6 гыйнвар, «Татар-информ», Рушания Алтай). Азәрбайҗанның Ататөрек исемендәге тикшеренүләр үзәге Татарстанның беренче Президенты Минтимер Шәймиевнең хатыны Сәкинә Шәймиеваның китабын төрекчәгә тәрҗемә иткән. Бу турыда тәрҗемәче Үлкәр Мусазадә хәбәр итә.

(Казан, 6 гыйнвар, «Татар-информ», «Ватаным Татарстан»). 2020 елда безне шактый зур үзгәрешләр көтә, чөнки күп кенә законнар үз көченә керәчәк. Алар пенсионерларга, автомобильчеләр, торак сатып алучылар, яшь аналарга һәм башкаларыбызга кагыла.

(Казан, 6 гыйнвар, «Татар-информ»). Чәй пешергәндә җитештерүче инструкциясен төгәл үтәргә кирәк. Бу хакта Куркынычларны бәяләү немец федераль институты (BfR) экспертларына сылтама белән «Российская газета» яза.

(Казан, 6 гыйнвар, «Татар-информ»). Табиб-диетолог Елена Соломатина «Кичке Мәскәү» программасында ашказаны-эчәк тракты авыруларын профилактикалауга ярдәм итә торган җиде продуктны атады. Бу хакта РИА Новости хәбәр итә.

(Казан, 6 гыйнвар, «Татар-информ»). Казанда росгвардиячеләр шәһәр чыршысы янында югалган малайның әти-әнисен табарга булышкан. Бу хакта ведомствоның матбугат хезмәтендә хәбәр иттеләр.

(Казан, 6 гыйнвар, «Татар-информ»). Кулланучылар хокукларын яклау һәм кеше иминлеге өлкәсендә күзәтчелек федераль хезмәте азык-төлек белән агулануга китерә торган продуктларны атады. Шулай ук агулануны булдырмас өчен киңәшләр бирде. Тәкъдимнәр ведомствоның рәсми сайтында китерелә.

(Казан, 6 гыйнвар, «Татар-информ»). Татарстанның янгын сүндерүчеләре Раштуа бәйрәме алдыннан 70 гыйбадәтханәдә тикшерү үткәреп, янгын куркынычсызлыгы кагыйдәләрен бозу очракларын ачыклаган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 6 гыйнвар, «Татар-информ»). Татарстанда фура юлдан чыгып китеп, елгада әйләнеп капланган. Бу хакта «Татар-информ» мәгълүмат агентлыгына авария шаһитлары хәбәр итте.

(Казан, 6 гыйнвар, «Татар-информ»). Татар театрларында яңа ел тамашалары дәвам итә.

(Казан, 6 гыйнвар, «Татар-информ»). Татарстанда ЮХИДИ машина йөртүчеләрне һәм җәяүлеләрне томанда һәм бозлавыкта сак булырга чакыра. Бу хакта ведомствода хәбәр иттеләр.

(Казан, 6 гыйнвар, «Татар-информ», Ксения Перепеченова). 2020 елдан башлап Татарстанда беренче балалары булган гаиләләр бала өч яшькә җиткәнче һәр ай саен 9 мең 373 сум акча алачак. Әлеге ярдәм чарасы җан башына уртача керем өч кешедән торган гаиләгә 60 510 сумнан артмаган очракта каралган. Бу хакта Татарстан Хезмәт, халыкны эш белән тәэмин итү һәм социаль яклау министры Эльмира Зарипова сөйләде.

(Казан, 6 гыйнвар, «Татар-информ»). Казанның Нагорный бистәсендәге шәхси йортта янгында ир-ат һәм хатын-кыз һәлак булган. Бу хакта «Татар-информ» мәгълүмат агентлыгына Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 6 гыйнвар, «Татар-информ», Гөлия Хәсбиуллина). Кичә Чехиянең Острава шәһәрендә узган Яшьләр арасында хоккей буенча Дөнья чемпионатында Россия җыелма командасы икенче урынны яулады. Финалда Россия хоккейчылары Канада җыелмасына каршы көч сынашты.

(Казан, 6 гыйнвар, «Татар-информ», «Кайбыч таңнары»). Кайбыч районының үзәк мәчетендә җомга намазын Татарстанның «Хәләл» комитеты рәисе Ирек хәзрәт Җиһаншин алып барды. Бу турыда район басмасы хәбәр итте.

(Казан, 6 гыйнвар, «Татар-информ», «Хезмәт», Гөлзидә Газизуллина). Балтач урта мәктәбенең 3 в сыйныфы укучылары Яңа ел алдыннан сыйныф җитәкчесе Альбина Әскарова һәм әти-әниләр белән берлектә Көектәге фазенда да ял итте. Алар мичтә пешкән коймак белән сыйланды. Бу турыда район басмасы хәбәр итте.

(Казан, 6 гыйнвар, «Татар-информ», «Әгерҗе хәбәрләре», Асия Корбангалиева). Әгерҗе районының Красный Бор авылында Мәдәният йорты янында бизәлгән чыршы янында Кыш бабай белән Кар кызы да, ике метрлы Күсе дә ерактан ук күренеп тора. Бу турыда район басмасы хәбәр итте.

(Казан, 6 гыйнвар, "Татар-информ"). 2020/21 уку елында Россия югары уку йортларына барлыгы 525 663 бюджет урыны бирелгән. Бу турыда Татарстан Мәгариф һәм фән министрлыгы матбугат хезмәет хәбәр итте.